San Lucas 6:47 - Xochapa Mixteco

⁴⁷ Ndiꞌi na vaxi nuu i ta xíni soꞌo na tuꞌun ya káꞌan i xiꞌin na, saa xáa súvi na ya, ta ná kaꞌan i xiꞌin ndo unkua íin na.

San Lucas 6:47 Mawu Ofanana

San Mateo 12:50

Saa chi ndiꞌi na íkan ya kúni Iva i Ndioxi, ra íyo nuu ndivi, ta na ikán ku ñani i xiꞌin kuꞌva i tin siꞌí i ―káchi Jesús.

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Lucas 11:28

Ta saa ndi̱kuiin ra káchi ra saa: ―Süvi saa íyo ya. Vaꞌa ni ka kée na xíni soꞌo tuꞌun Ndioxi ta xáa súvi na ya káꞌan ya ―káchi ra xiꞌin yá.

San Lucas 14:26

―Tá tu ndá ndóꞌo̱ kúni kundikun yeꞌe, ta xíniñuꞌu ni ka ndo kuꞌvi ini ndo kuni ndo yeꞌe nuu tata ndo xiꞌin siꞌí ndo tin yá síꞌi ndo xiꞌin seꞌe ndo, saa tu ñani va ndo xiꞌin kuꞌva ndo. Nda ni mií ndo ta xíniñuꞌu ndo koo ndúvi ndo ndoꞌo ndo xaꞌa i. Tá tu köo xáꞌa ndee ini ndo ikan ndo ya yóꞌó, ta küvi kundikun ndo yeꞌe.

San Lucas 6:48

Tá káa iin taa ra si̱kuaꞌa veꞌe, kúnu ni xa̱ta ra xaꞌa ya, saa chi̱nduꞌu ra xaꞌa ya sata yu̱ú chee ni, saa ke̱e ita chee ni ta ndee ni ka̱ni rá xaꞌa ya ta köo ndi̱kuchiñu rá sindikava rá ya, saa chi nuu yu̱ú chee ni ndi̱kunduꞌu yu̱ú xaꞌa ya.

San Lucas 8:13

Ta siꞌva ri ndi̱koyo nuu yu̱ú ku na xíni soꞌo tuꞌun Ndioxi, ta ndíkiꞌin vaꞌa na ya, kúsini ni na xiꞌin ya, sundi täꞌan tiin vaꞌa ya nima na. Ta saa vaxi ya xíto ndoso ñaꞌa, vaxi ya tíxuꞌvi na, ta síndikoo na ichí Ndioxi.

San Lucas 8:8

Ta sava siꞌva ndi̱koyo nuu ñuꞌú vaꞌa. Ta xa̱ꞌnu vaꞌa ya kuaꞌa ni nuni ya ka̱na, sava ya ndi̱xiyo nda iin ciento nuni sata ―káchi Jesús xiꞌin na. Ta saa ndee ni nda̱niꞌi ra tuꞌun ra ta ndi̱kaꞌan ra xiꞌin na, káchi ra saa: ―Unku ndóꞌo̱ íyo soꞌo, ta kuni soꞌo ndo unkua káchi tuꞌun ndíchi yóꞌó ―káchi ra xiꞌin na.

San Juan 10:27

Chi levo sana i ta ndíkuni ri tachi i, yakan vaꞌa ndíkundikun ri yeꞌe, ta saa tu yeꞌe va xíni ndiꞌi i ri ikán.

San Juan 13:17

Tá tu kúndaa ini ndo tuꞌun yóꞌó ta xáa súvi ndo ya, ta vaꞌa ni kée ndo tá tu íkan ndo saa.

San Juan 14:15

’Tá tu kúꞌvi ini ndo xíni ndo yeꞌe, ta xaa súvi ndo ya káꞌan i xiꞌin ndo.

San Juan 5:40

Sundi ndóꞌo̱ ta köo xíin ndo kixi ndo nuu i ya taxi i ichí ndaꞌa ndo koo ndo xiꞌin Ndioxi ndiꞌi saa kivi ya vaxi.

San Juan 6:35

Saa ndi̱kaꞌan Jesús xiꞌin na, káchi ra saa: ―Yeꞌe ku xita vaꞌa ya vaꞌa ni, ya táxi táku naꞌa. Ta na vaxi nuu i ta nda iin kivi küvi ka na soko, saa tu na kándixa yeꞌe ta nda iin kivi ïchi ka na tikuii.

San Juan 6:37

Ndiꞌi na táxi Iva i Ndioxi ndaꞌa i, ta vaxi na nuu i, ta ndiꞌi na vaxi nuu i ta täva i na keꞌe.

San Juan 8:52

Saa ndi̱kuiin nda naꞌnu nuu na judío, káꞌan nda, káchi nda saa: ―Ya ndaa ni ndixa káꞌan nde xiꞌin un, kúu mií un tachi nduvaꞌa. Chi ra Abraham ta ndi̱xiꞌi ra, ta saa ndi̱xiꞌi ndiꞌi tu nda ndi̱kaꞌan ndoso tuꞌun yuꞌu Ndioxi va, ta yóꞌo̱ káꞌan un: “Ndiꞌi na xáa súvi tuꞌun ya káꞌan i ta küvi na”, káchi un.

HEBREOS 5:9

Yakan tá sindiꞌi ra xa̱a súvi ra ndiꞌi ya ndi̱kaꞌan Ndioxi xiꞌin ra, saa kua ndi̱xinu ra ndu̱u ra taa, ra ndee ni ndixa xíniñuꞌu yo ya sikaku ra yoo koo yo xiꞌin ra ndiꞌi saa ichí tá tu xáa súvi yo ya káꞌan ra.

Santiago 4:17

Saa chi tá xíni ndo ya xíniñuꞌu ndo xaa súvi ndo chiñu vaꞌa, ta köo xáa súvi ndo ya, xaꞌa ya íkan ndo saa ta kuachi va kua nuu Ndioxi.

1 Pedro 2:4

Vaꞌa kuyati ndo nuu Tata yo Jesucristo ra káa tá káa yu̱ú ya táku, ya ku̱ndasi nda síkuaꞌa veꞌe, sundi Ndioxi ta ndi̱kaxin ñaꞌa ra, chi ya ikán ka kua ndee ni ndáa yaꞌvi nuu ra, ta yáꞌa ni yaꞌvi ya.

2 Pedro 1:10

Yakan ndóꞌo̱, ta xíniñuꞌu ndo tuun ni kundikun ndo ichí Tata yo Jesucristo nuu ndínaꞌa ndo mií ndo, ya ka̱na ra ndóꞌo̱ saa ndi̱kaxin ra ndóꞌo̱ ya kundikun ndo ra. Tá ná ikan ndo saa ta nda iin kivi köyo ndo nuu kuachi ya ikan ndo ya väꞌa.

1 Juan 2:29

Xa xíni yo Tata yo Jesucristo ku ra vaꞌa ni, ra ndaa ni ini, yakan ndiꞌi naꞌa, na íkan ya ndaa, ta na ñaa ku na kúu seꞌe Ndioxi.

1 Juan 3:7

Na taꞌan yo, tá íin seꞌe i saa íin ndo, ta káꞌan i xiꞌin ndo täxi ndo sindaꞌvi naꞌa ndóꞌo̱. Chi na íkan ya ndaa ta na vaꞌa ku na, tá káa mií Tata yo Jesucristo ra vaꞌa ku ra.

El Apocalipsis 22:14

Vaꞌa ni kée na ndíkata toto na ya ndúyaa ni ya, chi na ikán ta kuu mií na ichí kaxi na kuiꞌi ndaꞌa itun táxi kutaku na xiꞌin Ndioxi ndiꞌi saa ichí. Saa kuchiñu na kiꞌvi na yeꞌe ñuu i̱í ikán.