San Lucas 6:38 - Xochapa Mixteco

³⁸ Saa ndóꞌo̱, vaꞌa koo ini ndo, ta saa koo ya niꞌi ndo, tá káꞌa ñaꞌa ya ñúꞌu ini koxta tá kísi ni̱ꞌnù na ya ndakua niꞌi loꞌo kuakee ñaꞌa ini ya, án nduta ku rá ta ndakua xíta ndaa rá yuꞌu ñaꞌa, saa koo ya niꞌi ndo. Saa chi tá kuꞌva vaꞌa ni síniꞌi ndo ñaꞌa, kuꞌva saa vaꞌa ni koo ya niꞌi tuku ndo ―káchi Jesús xiꞌin na.

San Lucas 6:38 Mawu Ofanana

San Mateo 10:42

Saa ndiꞌi na táxi án nda iin vaso loꞌo tikuii vixin koꞌo na vali yóꞌó, ta niꞌi na ya vaꞌa nuu Ndioxi, xaꞌa ya íkan na saa xiꞌin na ndíkun yeꞌe ―káchi Jesús.

San Mateo 7:2

Tá kuꞌva káꞌan un xaꞌa inka naꞌa, saa ikan Ndioxi xiꞌin un. Mií kuꞌva xíniñuꞌu un xiꞌin na, kuniñuꞌu ra xiꞌin un.

San Marcos 4:24

Saa ndi̱kaꞌan ka ra xiꞌin na, káchi ra saa: ―Kuenta ni koo ndo xiꞌin ya xíni soꞌo ndo, chi tá kuꞌva íkan ndo, saa ikan Ndioxi xiꞌin ndo, ta ndee ka ikan ra xiꞌin ndo taxi kuaꞌa ka ra ya kundaa ini ndo.

San Lucas 6:30

Tá ndá naꞌa ndúku ñaꞌa nuu ndo ta küxiꞌnda ndo ya nuu na. Tá tu ndá na kíndaa ñaꞌa ndo ndaꞌa ndo, ta käꞌan kuachi ndo xaꞌa ya.

Santiago 2:13

Saa chi ndiꞌi na köo kúndaꞌvi ini xíni inka na, ta kuꞌva saa kündaꞌvi ini Ndioxi kuni ra naꞌa tá ná xaa nani ra kuachi xiꞌin na ñuu ivi. Sundi naꞌa, na ku̱ndaꞌvi ini xi̱ni inka naꞌa, ta kuꞌva saa kundaꞌvi ini Ndioxi kuni ra na.