San Lucas 6:37 - Xochapa Mixteco

³⁷ ’Käꞌan ndo xaꞌa inka naꞌa ya íyo kuachi na, saa chi köo xíni ndo nima na. Täxi ndo kuachi xaꞌa na, ta ni Ndioxi täxi ra kuachi xaꞌa ndo. Xaa kaꞌnu ini ndo xaꞌa kuachi taꞌan ndo, ta saa xaa kaꞌnu ini Ndioxi xaꞌa kuachi ndo.

San Lucas 6:37 Mawu Ofanana

San Mateo 18:30

Ta köo ndi̱xiin ra kundatun ra, ndi̱xaꞌan ra chi̱kaa ñaꞌa ra veꞌe kàà ndakua ná chaꞌvi ndiꞌi ra ya loꞌo níka ra nuu ra.

San Mateo 5:7

’Vaꞌa ni kée ndo tá kúndaꞌvi ni ini ndo xíni ndo inka naꞌa, chi saa kundaꞌvi ni ini Ndioxi kuni ra ndóꞌo̱.

San Marcos 11:25

Tá íyo ndo káꞌan ndo xiꞌin ra, ta xaa kaꞌnu ini ndo xaꞌa naꞌa na väꞌa kúni ndo xíni ndo, tá ndá ya väꞌa i̱kan na xiꞌin ndo, xaa kaꞌnu ini ndo xaꞌa kuachi na, ta saa xaa kaꞌnu ini Iva yo ra íyo nuu ndivi xaꞌa kuachi ndo.

San Lucas 23:16

Ná tiꞌvi i ra kuꞌun ra xaa nduvaꞌa na xiꞌin ra, ta saa saña i ra kuꞌun va ra ―káchi ra Pilato xiꞌin na.

San Lucas 6:36

Kundaꞌvi ini ndo kuni ndo ndiꞌi naꞌa, saa chi Iva yo Ndioxi ta kúndaꞌvi ni ini ra xíni ra ndóꞌo̱.

Los Hechos 3:13

Chi Ndioxi ra kaꞌnu, ra ka̱ñuꞌu ni xii sikua yo ra Abraham xiꞌin ra Isaac tin ra Jacob, ra ikán ku ra nda̱sa chee ni Jesús ra kúu Seꞌe ra, ta suvi ra ikán ku ra ti̱in ndo taxi ndo ndaꞌa na chiñu ta köo ndi̱xiin ndo saña ra tá ku̱ni ra Pilato saña ñaꞌa ra.

Efesios 4:32

Ta vitin xíniñuꞌu ndo koo ndo naꞌa, na vaꞌa ini. Kundaꞌvi ini ndo kuni taꞌan ndo. Xaa kaꞌnu ini ndo xaꞌa taꞌan ndo, tá kuꞌva xa̱a kaꞌnu ini Ndioxi xaꞌa ndo tixin Tata yo Jesucristo.

Colosenses 3:13

Ta säa ndo xiꞌin taꞌan ndo, kaꞌnu koo ini ndo xiꞌin taꞌan ndo. Tá ndá naꞌa íkan ya väꞌa xiꞌin ndo ta vaꞌa xaa kaꞌnu ini ndo xaꞌa na, tá kuꞌva i̱kan Tata yo xiꞌin ndo, xa̱a kaꞌnu ini ra xaꞌa ndo, saa ikan ndo.

Santiago 2:13

Saa chi ndiꞌi na köo kúndaꞌvi ini xíni inka na, ta kuꞌva saa kündaꞌvi ini Ndioxi kuni ra naꞌa tá ná xaa nani ra kuachi xiꞌin na ñuu ivi. Sundi naꞌa, na ku̱ndaꞌvi ini xi̱ni inka naꞌa, ta kuꞌva saa kundaꞌvi ini Ndioxi kuni ra na.

Santiago 5:9

Ñani yo xiꞌin kuꞌva yo, käꞌan kuachi ni ndo xaꞌa taꞌan ndo, chi ìyo ni taxi Ndioxi tindoꞌo kixi ya nuu ndo. Koto ndo chi mií Tata yo Jesucristo kúu juez, ta xa íyo tuꞌva ra ndíchi ra yéꞌe ya ndiko koo ra kixi ra.