San Lucas 6:36 - Xochapa Mixteco

³⁶ Kundaꞌvi ini ndo kuni ndo ndiꞌi naꞌa, saa chi Iva yo Ndioxi ta kúndaꞌvi ni ini ra xíni ra ndóꞌo̱.

San Lucas 6:36 Mawu Ofanana

San Mateo 5:48

Xaꞌa ya ñaa kua ná koo ndo naꞌa, na ndaa ini, tá kuꞌva íyo Iva yo Ndioxi ra i̱í, ra ndaa ini ―káchi Jesús xiꞌin na.

San Lucas 6:35

Kuꞌvi ini ndo kuni ndo na sáa ini xíni ndóꞌo̱, ikan ndo ya vaꞌa xiꞌin na, taxi too ndo ñaꞌa ndo ndaꞌa na, ta kündatun ndo ndikiꞌin ndo ya ndaꞌa na. Ta saa niꞌi ndo ya vaꞌa nuu Ndioxi, chee ni koo ya niꞌi ndo. Saa kunani ndo seꞌe Ndioxi ra chee ni, saa chi Ndioxi ta vaꞌa ni íkan ra xiꞌin na väꞌa tin na xïin ndikuni ya vaꞌa vaxi nuu ra.

San Lucas 6:37

’Käꞌan ndo xaꞌa inka naꞌa ya íyo kuachi na, saa chi köo xíni ndo nima na. Täxi ndo kuachi xaꞌa na, ta ni Ndioxi täxi ra kuachi xaꞌa ndo. Xaa kaꞌnu ini ndo xaꞌa kuachi taꞌan ndo, ta saa xaa kaꞌnu ini Ndioxi xaꞌa kuachi ndo.

Efesios 4:31

Ta vaꞌa ndindoso ini ndo xaꞌa ya väꞌa i̱kan naꞌa xiꞌin ndo. Ndiꞌi ya ndee ni kini sáa ini ndo, xiꞌin ya ndúkueꞌe ni ini ndo, xiꞌin ya ndee ni ndáꞌi ndo nuu taꞌan ndo, xiꞌin ya kánaꞌa ndo xaꞌa na taꞌan ndo tin ndiꞌi ka ya väꞌa ndíkani ini ndo.

Santiago 3:17

Sundi naꞌa, na kúu mií ya ndíchi vaxi nuu Ndioxi ta köo ikán na ñaꞌa ya väꞌa, nina ya vaꞌa íkan na, ni köo kuachi ini na, saa kúu na, naꞌa na vaꞌa ni ini xiꞌin na ivi, kúndaꞌvi ini na xíni ñaꞌa na, ndiꞌi saa ichí kúni na xaa súvi na ya vaꞌa. Saa íkan na ya vaꞌa xiꞌin ndiꞌi naꞌa, ta köo íyo uvi yuꞌu na, na íkan saa ku na ndixa ndíkun ichí Ndioxi.