San Lucas 6:30 - Xochapa Mixteco

³⁰ Tá ndá naꞌa ndúku ñaꞌa nuu ndo ta küxiꞌnda ndo ya nuu na. Tá tu ndá na kíndaa ñaꞌa ndo ndaꞌa ndo, ta käꞌan kuachi ndo xaꞌa ya.

San Lucas 6:30 Mawu Ofanana

San Mateo 18:35

Saa ndi̱kaꞌan ka ra xiꞌin na, káchi ra saa: ―Tá i̱kan ra rey ikán saa ikan Iva i Ndioxi ra íyo nuu ndivi xiꞌin ndo, tá tu köo ndinuꞌu ini ndo xáa kaꞌnu ini ndo xaꞌa ya íkan na taꞌan ndo xiꞌin ndo ―káchi Jesús xiꞌin na.

San Mateo 5:39

Ta yeꞌe káchi saa xiꞌin ndo, ndïko koo ndo ikan ndo saa xiꞌin naꞌa, na íkan ndá ka ñaꞌa xiꞌin ndo. Tá ndá naꞌa ka̱ni xaꞌnda iin ñaꞌñu nuu ndo, ta käni taꞌan ndo xiꞌin na, vaꞌa sindiko koo ndo inka ñaꞌñu nuu ndo ná kani na ndóꞌo̱.

San Mateo 6:12

Xaa kaꞌnu ini un xaꞌa kuachi nde, saa chi saa tu ndeꞌe va xáa kaꞌnu ini nde xaꞌa kuachi na íkan ya väꞌa xiꞌin nde.

San Lucas 11:41

Saa ndóꞌo̱, tá chíndee ndo na ndaꞌvi ta ndinuꞌu ini ndo taxi ndo ñaꞌa ndo ndaꞌa na. Ta saa kua kindoo vaꞌa ndo nuu Ndioxi.

San Lucas 12:33

Xiko ndo ñaꞌa kúu mií ndo, saa taxi ndo xuꞌun ndaꞌa na ndaꞌvi. Kundiꞌi ini ndo chivaꞌa ndo ñaꞌa ndo ini ñaꞌa ya köo ndíꞌi xaꞌa íyo nuu ndivi ni na kuiꞌna küchiñu sikuiꞌna ya, ni tikixin küchiñu ri sindiꞌi xaꞌa ri ya.

San Lucas 18:22

Ñaa tá xi̱ni soꞌo Jesús ya ndi̱kaꞌan ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siín ya ikan un. Xiko ndiꞌi ñaꞌa kúu mií un ta chindee un na ndaꞌvi. Saa ku ndixa ya ndukuika un xiꞌin Ndioxi nuu ndivi. Ikan ya ñaa, tá sindiꞌi un i̱kan un ya, ta saa kixi un kundikun un yeꞌe ―káchi Jesús xiꞌin ra.

San Lucas 6:29

Tá tu ndá na káni xaꞌnda nuu ndo, ta sindiko koo ndo inka ñaꞌñu nuu ndo ná kani na ndóꞌo̱. Tá íyo iin ra kúni kindaa chilo ndo ndaꞌa ndo, ta vaꞌa taxi ndo ya ná kuꞌun ya xiꞌin ra. Nda tikoto ndo soko ndo ná kuꞌun xiꞌin ra.

San Lucas 6:31

Tá kuꞌva kúni ndo ikan naꞌa xiꞌin ndo, saa ikan ndo xiꞌin na.

San Lucas 6:38

Saa ndóꞌo̱, vaꞌa koo ini ndo, ta saa koo ya niꞌi ndo, tá káꞌa ñaꞌa ya ñúꞌu ini koxta tá kísi ni̱ꞌnù na ya ndakua niꞌi loꞌo kuakee ñaꞌa ini ya, án nduta ku rá ta ndakua xíta ndaa rá yuꞌu ñaꞌa, saa koo ya niꞌi ndo. Saa chi tá kuꞌva vaꞌa ni síniꞌi ndo ñaꞌa, kuꞌva saa vaꞌa ni koo ya niꞌi tuku ndo ―káchi Jesús xiꞌin na.

Los Hechos 20:35

Taꞌan ya xi̱ni ndo i̱kan i kua xíniñuꞌu ndo ikan ndo, ya kuchiñu ndo chindee ndo inka na köo kúndee ini xaa chiñu. Ndi̱kaꞌán ndo ya ndi̱kaꞌan Tata yo Jesús, káchi ra saa: “Vaꞌa ni ka kée na táxi ñaꞌa ndaꞌa inka na, süvi ka vi na ndíkiꞌin ya”, káchi Tata yo ―káchi ra Pablo xiꞌin na.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

Efesios 4:28

Ndiꞌi naꞌa, na ku̱too sikuiꞌna, ta ná sïkuiꞌna ka na. Vaꞌa ná xaa chiñu na xiꞌin ndaꞌa na, ta saa koo ñaꞌa nuu na chindee taꞌan na xiꞌin na ndaꞌvi, na köo ñaꞌa nuu.