San Lucas 6:29 - Xochapa Mixteco

²⁹ Tá tu ndá na káni xaꞌnda nuu ndo, ta sindiko koo ndo inka ñaꞌñu nuu ndo ná kani na ndóꞌo̱. Tá íyo iin ra kúni kindaa chilo ndo ndaꞌa ndo, ta vaꞌa taxi ndo ya ná kuꞌun ya xiꞌin ra. Nda tikoto ndo soko ndo ná kuꞌun xiꞌin ra.

San Lucas 6:29 Mawu Ofanana

San Mateo 26:67

Saa ko̱ꞌni ndaa nda sii nuu ra, ta ka̱ni ni ñaꞌa nda xiꞌin ikin ndaꞌa nda, ta saa káni ni nda xaꞌnda nuu ra.

San Lucas 22:64

Ndi̱kasi nda nuu ra ta káni ni nda xaꞌnda nuu ra saa káꞌan nda xiꞌin ra, káchi nda saa: ―Tá tu ra profeta ku un ta kaꞌan xiꞌin nde unku ka̱ni yóꞌo̱ ―káchi nda xiꞌin ra.

San Lucas 6:30

Tá ndá naꞌa ndúku ñaꞌa nuu ndo ta küxiꞌnda ndo ya nuu na. Tá tu ndá na kíndaa ñaꞌa ndo ndaꞌa ndo, ta käꞌan kuachi ndo xaꞌa ya.

San Juan 18:22

Tá ndi̱kaꞌan Jesús saa, ta iin ra policía ra ndáa veꞌe ñuꞌu xa̱kin ra iin xaꞌnda nuu Jesús, saa ndi̱kaꞌan ra xiꞌin ra, káchi ra saa: ―¿Án saa ndíkuiin un yuꞌu sutu ra chee? ―káchi ra xiꞌin ra.

Los Hechos 23:2

Tá xi̱ni soꞌo ra Ananías, ra ínuu nuu ndiꞌi sutu, ya ndi̱kaꞌan ra Pablo, ta saa xa̱ꞌnda ra chiñu nuu nda ndíta yati xiín ra Pablo ya ná kani nda yuꞌu ra.

1 Corintios 4:11

Ta nda kivi vitin ta ndee ni káꞌun ini nde kúni kuxi nde ta íchi tu nde tikuii va, ni köo tu toto kundixi va nde, saa xáa nduvaꞌa naꞌa xiꞌin nde, ta ni köo tu veꞌe va nde.

1 Corintios 6:7

Saa chi ya kánitaꞌan ndo xiꞌin taꞌan mií ndo ta ya kaꞌa̱n ni nuu ku ya. Chi vaꞌa ka kua ná ikan na ñani yo ya väꞌa xiꞌin ndo án sikuiꞌna na ñaꞌa ndo, ta xaꞌa ndee ini ndo xiꞌin na, ta küꞌun ndo taxi ndo kuachi xaꞌa na nuu na chiñu.

2 Corintios 11:20

Chi ndóꞌo̱ ta xáꞌa ndee ni ini ndo xiꞌin naꞌa, na xáa nduxa xiꞌin ndo xáa chiñu ndo, ta táva na xuꞌun ndaꞌa ndo. Ta saa vaꞌa ni kúni ndo xíni ndo na ya xáꞌnda na chiñu nuu ndo. Vaꞌa ni kúni ndo xíni ndo naꞌa, na vaꞌa ni ka náꞌa nuu mií ndo, nda káni na xaꞌnda nuu ndo, ta köo káꞌan ndo.

HEBREOS 10:34

Saa ku̱ndaꞌvi ni ini ndo xi̱ni ndo na tá ñúꞌu na veꞌe kàà. Ta nda kúsini ndo tá xíto ndo kíndaa na ñaꞌa ndo ndaꞌa ndo. Saa chi ndóꞌo̱, ra xíni ndo, vaꞌa ni ka ñaꞌa kúu mií ndo nuu ndivi, ya taxi Ndioxi ndaꞌa ndo, saa chi ya ikán ta nda iin ichí ndïꞌi xaꞌa ya.