San Lucas 6:26 - Xochapa Mixteco

²⁶ ’Saa ndaꞌvi ni ndóꞌo̱ tá tu vaꞌa ni káꞌan naꞌa xaꞌa ndo tiempo vitin, saa chi saa vaꞌa ni ndi̱kaꞌan xii sikua na xaꞌa sava nda siki, nda si̱ndaꞌvi naꞌa káꞌan ndoso nda tuꞌun yuꞌu Ndioxi ―káchi Jesús xiꞌin na.

San Lucas 6:26 Mawu Ofanana

San Mateo 7:15

Saa káꞌan tuku Jesús xiꞌin na, káchi ra saa: ―Kuenta ni koo ndo chi íyo nda profeta nda vata, nda káꞌan síkaꞌán Ndioxi ini nda kaꞌan nda tuꞌun yuꞌu ra. Ndíkani ini ndo xaꞌa ya luvi ni sínaꞌa nda ta vaꞌa ni nda káꞌán ndo, chi íin nda tá kuꞌva íyo kiti levo vita ni ini. Sundi kuenta ni koo ndo chi süvi ya ndaa kua íin nda saa, nda tá íyo iin kiti ndivaꞌi kueꞌe ni va saa íyo ini nda.

San Lucas 6:25

’Ndaꞌvi ni ndóꞌo̱ ndóo ndoso ni ñaꞌa xíxi nuu, chi vaxi kivi ta kuvi ni ndo soko. ’Saa ndóꞌo̱ vaꞌa ni xáku tiempo vitin, ndaꞌvi ni ndo saa chi vaxi kivi ta kuaku suchi ni ini ndo.

San Juan 15:19

Tá tu taꞌan na ñuu ivi yóꞌó ku ndo, ta kuꞌvi ini na kuni na ndóꞌo̱, ndikuu. Sundi ndóꞌo̱ ta süvi taꞌan na ku ndo. Chi yeꞌe ta ndi̱kaxin i ndóꞌo̱ ya ndu̱u ndo kuenta mií i. Ta xaꞌa ya ñaa kua kúndasi nuu na xíni na ndóꞌo̱.

San Juan 7:7

Chi ndóꞌo̱ ta küvi kundasi nuu na ñuu ivi yóꞌó kuni na ndóꞌo̱, ta yeꞌe kúndasi nuu va na xíni na yeꞌe, chi káꞌan teꞌe i xiꞌin na xaꞌa ya väꞌa íkan na.

ROMANOS 16:18

Naꞌa na íkan saa, ta köo ndíkun na Jesucristo, ndisaa ya kúni mií na íkan na. Vaꞌa ni káꞌan na, luvi ni káꞌan na ya síndaꞌvi na naꞌa, na kándixa ndiꞌi ndá ka mií ñaꞌa ya xíni soꞌo na.

Santiago 4:4

¡Ndóꞌo̱, ta süvi ndóꞌo̱ kúꞌvi ini xíni Ndioxi ku ndo! ¿Án köo xíni ndo ndiꞌi naꞌa, na kútoo ni ikan taꞌan ñaꞌa íkan na ñuu ivi yóꞌó, na ñaa ta na káni taꞌan xiꞌin Ndioxi ku na? Saa chi ndiꞌi naꞌa, na kútoo ni ikan ya väꞌa íkan na ñuu ivi yóꞌó, ta ndúu na naꞌa, na sâa ini xíni Ndioxi.