San Lucas 6:25 - Xochapa Mixteco

²⁵ ’Ndaꞌvi ni ndóꞌo̱ ndóo ndoso ni ñaꞌa xíxi nuu, chi vaxi kivi ta kuvi ni ndo soko. ’Saa ndóꞌo̱ vaꞌa ni xáku tiempo vitin, ndaꞌvi ni ndo saa chi vaxi kivi ta kuaku suchi ni ini ndo.

San Lucas 6:25 Mawu Ofanana

San Lucas 12:20

Ta saa ndi̱kaꞌan Ndioxi xiꞌin ra, káchi ra saa: “Yóꞌo̱ kíꞌvi ku yóꞌo̱, ñûu vitin kuvi un, ta ndiꞌi ñaꞌa ya kúu mií un ya vaꞌa inka va na koo ya”, káchi Ndioxi xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 13:28

Ta kuaku ni ndo ndakua kaxi nuꞌu ndo, chi kuni ndo ra Abraham xiꞌin ra Isaac tin ra Jacob xiꞌin ndiꞌi nda ndi̱kaꞌan ndoso tuꞌun yuꞌu Ndioxi xinaꞌa. Kuni ndo nda íyo nda xiꞌin Ndioxi nuu xáꞌnda chiñu ra, ta ndóꞌo̱ küchiñu ka ndo kiꞌvi ndo.

San Lucas 6:24

’Sundi ndaꞌvi ni ndóꞌo̱ kuika, saa chi xa íyo ni ñaꞌa ndo ya kúsini ni ndo xiꞌin.

San Lucas 6:26

’Saa ndaꞌvi ni ndóꞌo̱ tá tu vaꞌa ni káꞌan naꞌa xaꞌa ndo tiempo vitin, saa chi saa vaꞌa ni ndi̱kaꞌan xii sikua na xaꞌa sava nda siki, nda si̱ndaꞌvi naꞌa káꞌan ndoso nda tuꞌun yuꞌu Ndioxi ―káchi Jesús xiꞌin na.

San Lucas 8:53

Ñaa ku̱siki ndaa na ra, ndi̱xaku ndaa ñaꞌa na, chi xíni na xa ndi̱xiꞌi vaꞌa yá.

Efesios 5:4

Ni käꞌan kini ndo, ni ndá ka tuꞌun ya köo ndáa yaꞌvi käꞌan ndo, ni käꞌan siki ndo xaꞌa ndá ka ñaꞌa ya kini ni káa, ni käꞌan ndo ndá ka tuꞌun ya kini. Ta ya vaꞌa ni ikan ndo kua kaꞌan ndo tuꞌun vaꞌa ya táxi ndo tixaꞌvi ndaꞌa Ndioxi.

1 Tesalonicenses 5:3

Tá xa̱á naꞌa káꞌan na: “Vaꞌa ni táxin káa ndóo yo, köo ya ndíꞌi ini yo xaꞌa”, káchi na. Ta saa kua iin kuu soꞌva tindaa tindoꞌo nuu na. Tá ndóꞌo iin ñaꞌa yá ñúꞌu seꞌe, iin kúu soꞌva xáa seꞌe yá xáꞌnda ya, kuꞌva saa kundoꞌo naꞌa tá ná ndiko koo Tata yo Jesucristo ñuu ivi yóꞌó. Ta nda iin ka na nïꞌi nuu kuꞌun na ya kaku na nuu tindoꞌo ya ndee ni vaxi nuu na tiempo ikán.

Santiago 4:9

Ta sinuu ndo ini ndo ná nu̱u ini ndo, kusuchi ini ndo kuaku ndo. Saa ndasa chiꞌña ndo ini ndo kuaku ni ndo, tá tu vaꞌa ni xáku ndo, ta vaꞌa ná sindikava ndo ini ndo.

El Apocalipsis 3:17

Káꞌan ndo kuika ni ndo, ta nda iin ñaꞌa köo kúmani nuu ndo káchi ndo. Sundi ndóꞌo̱, ta köo kíꞌin ndo kuenta ya ndixa ni ndaꞌvi ndo, nda loꞌo ñaꞌa köo nuu ndo, nda ya kuxi ndo köo, iin kúndaꞌvi chála ndo, tá íin na kuáa̱ küvi koto saa íin ndo, ta köo kíꞌin ndo kuenta.