San Lucas 6:17 - Xochapa Mixteco

¹⁷ Tá ndi̱ko koo Jesús xiꞌin nda ítaꞌan xiꞌin ra. Ñaa ndi̱xinu nda iin yoso, ta ikán ndi̱kitaꞌan na ndíkun sata ra ndóo na ndátun ñaꞌa na. Saa ndóo kuaꞌa ni tu na ki̱xi ñuu Jerusalén xiꞌin na ki̱xi inka ñuu ya ñúꞌu estado Judea, xiꞌin na ki̱xi ñuu ya ñúꞌu yati yuꞌu nduta ñûꞌu ñuu Tiro tin na ki̱xi ñuu Sidón. Ndóo na ndátun ñaꞌa na chi kúni na kuni soꞌo na ya káꞌan ra, sava na kúni sindaꞌa ra na xiꞌin kueꞌe ya ndóꞌo na.

San Lucas 6:17 Mawu Ofanana

San Mateo 11:21

―¡Ndaꞌvi ni ndóꞌo̱ na ñuu Corazín! ¡Ndaꞌvi ni ndóꞌo̱ na ñuu Betsaida! Chi vaxi kivi tixuꞌvi ni ndo. Xinaꞌa tá ndi̱xini na ñuu Tiro xiꞌin na ñuu Sidón taꞌan yatuꞌun xíto ndo vitin, ta ndá tiempo vi ndi̱ko koo ini na ikán xaꞌa kuachi na, xa ndi̱kundixi na toto ndai ni nuu, ta xa chi̱kaa na yaa ñu̱ꞌu̱ xiní na xaꞌa ya sínaꞌa na mií na ya ndi̱ko koo ini na xaꞌa kuachi na ndikuu.

San Mateo 12:15

Tá xi̱ni Jesús ya ndíkani ini nda, saa ke̱ta ra veꞌe ñuꞌu kuaꞌan ra. Kuaꞌa ka vi naꞌa ndi̱kundikun kuaꞌan sata ra. Saa si̱ndaꞌa ndiꞌi ra na kúꞌvi.

San Mateo 14:14

Tá nu̱u ra sata barco saa xi̱ni ra iin chútu ndaa naꞌa, ñaa ku̱ndaꞌvi ni ini ra xi̱ni ra na, saa si̱ndaꞌa ra ndiꞌi na kúꞌvi ndáka naꞌa kuaꞌan xiꞌin na.

San Mateo 15:21

Saa ke̱e Jesús, ta ndi̱kiꞌin ra kuaꞌan ra inka ñaꞌñu yati ñuu Tiro xiꞌin Sidón.

San Mateo 5:1

Tá xi̱ni Jesús ndi̱xaa kuaꞌa ni naꞌa, saa nda̱a ra ndi̱kunduꞌu ra nuu iin xiki, ñaa ku̱yati nda ítaꞌan xiꞌin ra nuu ra, ya kuni soꞌo nda ya káꞌan ra.

San Lucas 5:15

Saa ndi̱xita ndiꞌi tuꞌun xaꞌa Jesús, kuaꞌa ni naꞌa xi̱ni soꞌo xaꞌa ra. Saa ndi̱kitaꞌan kuaꞌa ni na kuaꞌan na nuu Jesús ya kuni soꞌo na tuꞌun káꞌan ra, chi kúni tu na sindaꞌa ra na xiꞌin kueꞌe ndóꞌo va na.

San Lucas 6:12

Iin kivi ikán ke̱e Jesús kuaꞌan ra iin iku kaꞌan ra xiꞌin Ndioxi, ta iniun ñǔu ndi̱kaꞌan ra xiꞌin Ndioxi.

San Lucas 6:16

inka ra náni Judas ñani ra Jacobo, tin inka ra náni Judas Iscariote ra ndi̱taxi Jesús ndaꞌa na sáa ini xíni ñaꞌa.

San Lucas 6:18

Ta sava na kúu mií tachi nduvaꞌa ndee ni ndo̱ꞌo na ta si̱ndaꞌa ra na, ndu̱vaꞌa na.