San Lucas 6:14 - Xochapa Mixteco

¹⁴ Ta ya yóꞌó ku kivi nda ikán. Iin ra náni Simón, ta ndi̱sama Jesús kivi ra náni ra Pedro, inka ra náni Andrés ñani ra Simón, inka ra náni Jacobo, inka ra náni Juan, inka ra náni Felipe, inka ra náni Bartolomé,

San Lucas 6:14 Mawu Ofanana

San Mateo 10:2

Ta ya yóꞌó ku kivi nda ikán, ra núnu̱ú ku ra Simón, ra káꞌan na xiꞌin Pedro xiꞌin ñani ra, ra Andrés, xiꞌin ra Jacobo xiꞌin ra Juan ñani ra, nda seꞌe ra Zebedeo ku uvi saa nda ikán.

San Mateo 10:3

Xiꞌin ra Felipe, inka ra náni Bartolomé xiꞌin ra Tomás tin inka ra náni Mateo, ra ndíkaya xuꞌun nuu na gobierno, inka ra náni Jacobo seꞌe ra Alfeo ku ra, xiꞌin ra Lebeo, ra káꞌan na xiꞌin Tadeo.

San Mateo 4:18

Tá xíka Jesús yuꞌu nduta ñûꞌu Galilea ikán, saa xi̱ni ra uvi nda taa, iin ra náni Simón, ta káꞌan tu na xiꞌin ra Pedro va xiꞌin ra Andrés ta iin ñani uvi saa nda. Saa táan uvi saa nda ñunu nda ini nduta ñûꞌu, chi nda tíin tiaka ku nda.

San Mateo 4:21

Saa xíka ka Jesús kuaꞌan ra ta xi̱ni ra uvi nda taa, ta iin ñani uvi saa nda, ra Jacobo xiꞌin ra Juan, ñani ra, seꞌe ra Zebedeo ku nda. Ndóꞌni nda ini barco síndaꞌa nda ñunu nda. Saa ndi̱kaꞌan Jesús xiꞌin nda, káchi ra saa: ―Naꞌa ndo kundikun ndo yeꞌe ―káchi ra xiꞌin nda.

San Marcos 1:19

Saa xíka nda kuaꞌan nda. Naꞌa loꞌo ta xi̱ni nda ra Jacobo xiꞌin ra Juan ñani ra. Nda seꞌe ra Zebedeo ku nda, ta ñúꞌu nda ini itun barco síndaꞌa nda ñunu nda.

San Marcos 1:29

Saa tá ka̱na koo nda ini veꞌe ñuꞌu sinagoga ikán, ta ndi̱kiꞌin Jesús kuaꞌan ra veꞌe ra Simón xiꞌin ra Andrés ñani ra, saa kuaꞌan ra Jacobo tin ra Juan xiꞌin ra.

San Marcos 14:33

Saa ke̱e ra kuaꞌan ra xiꞌin ra Pedro tin ra Jacobo xiꞌin ra Juan, ta xa̱á kúsuchi ni ini ra saa ndíꞌi ni ini ra.

San Marcos 3:16

Ya yóꞌó ku kivi uxi uvi saa nda ikán: Iin ra náni Simón ta chi̱nuu Jesús inka kivi väꞌa ra náni ra Pedro,

San Marcos 5:37

Saa ke̱e nda kuaꞌan nda veꞌe ra, ta köo ndi̱taxi ra kuꞌun ndá ka naꞌa xiꞌin ra, ndisaa ra Pedro xiꞌin ra Jacobo tin ra Juan ñani ra, nda ikán ku nda kuaꞌan xiꞌin ra.

San Marcos 9:2

Ndi̱yaꞌa iñu kivi, ta saa ke̱e ra Pedro xiꞌin ra Jacobo tin ra Juan kuaꞌan nda xiꞌin Jesús iin iku sukun ni. Ta ikán xi̱ni nda ndi̱nama nuu ra, ndu̱yeꞌe taxan ra.

San Lucas 5:10

Saa tu ra Jacobo va xiꞌin ra Juan, nda seꞌe ra Zebedeo xiꞌin ra Símón, íꞌvi ka vi nda. Saa ndi̱kaꞌan Jesús xiꞌin ra Simón Pedro, káchi ra saa: ―Simón, ku ïꞌvi un, saa chi käꞌni ka un tiaka, taxi i inka chiñu ndaꞌa un, kivi vitin xáa chiñu ya taxi i ndaꞌa un, kuꞌun un ndikaya un naꞌa, ya kundikun na ichí Ndioxi ―káchi Jesús xiꞌin ra.

San Lucas 5:8

Ta saa tá xi̱ni ra Simón Pedro ya ndo̱ꞌo nda, ñaa ndi̱xaa ra si̱kusiti ra nuu Jesús, káchi ra saa: ―Tata, yóꞌo̱ ta ra vaꞌa ku un, ra i̱í ku un, yakan vaꞌa ka kuataꞌa nuu i chi küvi kitaꞌan i xiꞌin un chi süvi ra vaꞌa ku i, ra íyo kuachi ku i ―káchi ra xiꞌin Jesús.

San Lucas 6:13

Tá ndi̱tuvi inka kivi, ta ka̱na ra na ndíkun sata ra, tañu na ikán ndi̱kaxin ra uxi uvi taa nda kuꞌun nuu ra xaa chiñu nda inka ñuu. Ta ta̱xi ra kivi nda náni nda apóstol, ta tuꞌun ikán káchi ya saa: “Nda ti̱ꞌvi Ndioxi”.

San Lucas 6:15

inka ra náni Mateo, inka ra náni Tomás, inka ra náni Jacobo seꞌe ra Alfeo, inka ra náni Simón ra xi̱ndikaa xiꞌin partido náni Zelote,

San Juan 1:45

Ta ndi̱taꞌan ra Felipe ra Natanael saa ndi̱kaꞌan ra xiꞌin ra, káchi ra saa: ―Ndi̱kitaꞌan nde xiꞌin taa, ra ta̱a ra Moisés xaꞌa xiꞌin ya ta̱a nda profeta ndi̱kaꞌan ndoso tuꞌun yuꞌu Ndioxi xinaꞌa. Ta Jesús náni ra, seꞌe ra José ra ñuu Nazaret ku ra ―káchi ra Felipe xiꞌin ra.

San Juan 14:8

Saa ndi̱kuiin ra Felipe, káꞌan ra: ―Tata, vaꞌa sinaꞌa un Iva yo Ndioxi nuu nde ta xa vaꞌa va ―káchi ra xiꞌin Jesús.

San Juan 6:5

Saa tá ndi̱koto Jesús ta iin táꞌnda chee naꞌa ndíkun kuaꞌan nuu ra, ta saa ndi̱kaꞌan ra xiꞌin ra Felipe, káchi ra saa: ―¿Mií kuꞌun yo sata yo xita vaꞌa kuxi na? ―káchi ra.

San Juan 6:8

Saa ndi̱kuiin inka ra xíka xiꞌin ra, ra Andrés, ñani ra Simón Pedro, káchi ra saa:

Los Hechos 1:13

Saa tá ndi̱xaa nda ñuu Jerusalén, ta nda̱a nda piso ni̱nu̱ nuu ndóo nda. Ta nda ndi̱xaa ikán ku nda, kúu ra Pedro, tin ra Jacobo, xiꞌin ra Juan, inka ra Andrés, tin ra Felipe, xiꞌin ra Tomás, tin ra Bartolomé, xiꞌin ra Mateo, tin ra Jacobo seꞌe ra Alfeo, inka ra Simón ra Zelote ra ka̱nitaꞌan xiꞌin na chiñu nuu gobierno ndi̱xiyo ra ikán, tin inka ra Judas ñani ra Jacobo.

Los Hechos 12:2

Xa̱ꞌnda ra chiñu xa̱ꞌni na ra Jacobo ñani ra Juan xiꞌin i̱chi.

2 Pedro 1:1

Yeꞌe, Simón Pedro ra xáa chiñu nuu Tata yo Jesucristo ku i táa tutu ya tíꞌvi i xaa ndaꞌa ndóꞌo̱ ñani yo, na xa iin káchi luvi ni kándixa ra tá kuꞌva kándixa mií nde ra. Saa chi mií Tata yo Jesucristo ra síkaku yoo, ra kúu Iva yo Ndioxi ku iin taa ra ndee ni ndaa ini.