San Lucas 5:14 - Xochapa Mixteco

¹⁴ Ñaa ndi̱kaꞌan Jesús xiꞌin ra, ya ná käꞌan ra xiꞌin nda iin naꞌa ya ndu̱vaꞌa ra. Saa ndi̱kaꞌan ka Jesús xiꞌin ra, káchi ra saa: ―Xa ndu̱vaꞌa un ta vaꞌa kuꞌun un nuu sutu, ná koto ra yóꞌo̱. Saa taxi un kiti ndaꞌa ra xiꞌin inka ñaꞌa tá íyo ya káꞌan ley Ndioxi ya ta̱a ra Moisés, saa koo ya taxi un ndaꞌa ra. Tá sindiꞌi xa̱a nduvi ndiꞌi un ya, ta saa kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.

San Lucas 5:14 Mawu Ofanana

San Mateo 10:18

Nda nuu na chiñu naꞌnu, na kúu gobierno án nuu nda rey, kundaka na ndóꞌo̱ kuꞌun ndo xaꞌa ya ndíkun ndo yeꞌe. Ta saa kuchiñu ndo kaꞌan ndo tuꞌun vaꞌa xaꞌa i xiꞌin na ikán tin na köo kúu judío.

San Mateo 12:16

Ñaa ndi̱kaꞌan ni ra xiꞌin na, ya ná ndïtuꞌun na xiꞌin nda iin naꞌa xaꞌa ra.

San Mateo 8:4

Saa ndi̱kaꞌan Jesús xiꞌin ra, káchi ra saa: ―Kuáꞌan, ta koto un käꞌan un xiꞌin nda iin naꞌa. Kuáꞌan nuu sutu ta kuniꞌi un ndiꞌi ñaꞌa ya káꞌan ley Ndioxi ta̱a ra Moisés, taxi un ya ndaꞌa sutu ya ná kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.

San Mateo 9:30

Ñaa ndu̱vaꞌa uvi saa nda, ndi̱xuna nuu nda. Saa ndi̱kaꞌan Jesús xiꞌin nda, káchi ra saa: ―Kuenta ni koo ndo ndïtuꞌun ndo xiꞌin nda iin naꞌa ndá kuꞌva ndu̱vaꞌa ndo ―káchi ra xiꞌin nda.

San Marcos 1:44

―Kuáꞌan, ta nda iin naꞌa käꞌan un xiꞌin ya si̱ndaꞌa i yóꞌo̱. Iin ndaku kuꞌun un nuu sutu ná koto ra yóꞌo̱ ya ndu̱vaꞌa un. Ta kuniꞌi un ñaꞌa taxi un ndaꞌa ra, ya xaa ndúvi un ya káꞌan ley Ndioxi ya ta̱a ra Moisés. Tá si̱ndiꞌi un xa̱a ndúvi ndiꞌi un ya ikán, saa kundaa ini ndiꞌi na ya ndu̱vaꞌa un ―káchi ra xiꞌin ra.

San Marcos 6:11

Tá ndá ñuu ndi̱xaa ndo, köo xíin na ndikiꞌin vaꞌa na ndóꞌo̱, ni köo xíin na kuni soꞌo na ya káꞌan ndo, ta köo ndo ñuu na. Kana koo ndo kuaꞌan ndo, ta ndiyakun ndo yaa ñuu na ya chi̱chi sata nduxan ndo, ya ná kundaa ini na ku̱ndasi na tuꞌun Ndioxi. Ya ndaa káꞌan i xiꞌin ndo tá ná tindaa kivi sindiꞌi ya xaa nani Ndioxi kuachi xiꞌin na ñuu ivi yóꞌó, ta ndee ni ka uꞌvi sitixuꞌvi ra na ku̱ndasi tuꞌun ra nuu na väꞌa xi̱ndoo ñuu Sodoma xiꞌin ñuu Gomorra xinaꞌa ―káchi ra xiꞌin nda.

San Lucas 17:14

Saa xi̱ni ñaꞌa Jesús, ta ndi̱kaꞌan ra xiꞌin nda, káchi ra saa: ―Kuáꞌan ndo nuu sutu ná koto ra ndóꞌo̱ án xa ndu̱vaꞌa ndo ―káchi ra xiꞌin nda. Saa ke̱e nda kuaꞌan nda, tá xíka nda kuaꞌan nda ta ñaa ndu̱vaꞌa nda.

San Lucas 5:13

Ta saa chi̱nuu ndaꞌa Jesús xiní ra, ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra. Ta saa ndikun ki̱ndaa kueꞌe táꞌi ñií xiꞌin ra.

San Lucas 9:5

Tá ndá ñuu ndi̱xaa ndo köo xíin na ndikiꞌin vaꞌa na ndóꞌo̱, ta köo ndo ñuu na, kama kee ndo, ta ndiyakun ndo yaá xaꞌa ndo, ya ná kundaa ini na ya ku̱ndasi na tuꞌun Ndioxi ―káchi Jesús xiꞌin nda.