San Lucas 4:35 - Xochapa Mixteco

³⁵ Ta saa ndi̱ndaꞌi ra xiꞌin ri, kachi ra saa: ―Kasi yuꞌu un, ta saña ra, tïin ka un ra ―káchi Jesús xiꞌin ri. Ñaa chi̱ndaꞌa ri ra ndi̱kava ra nda nuu ñuꞌú. Ta saa ke̱e tachi nduvaꞌa kuaꞌan ya, nda iin ka ya köo ndi̱ndoꞌo ra.

San Lucas 4:35 Mawu Ofanana

San Mateo 17:18

Saa xa̱ꞌnda Jesús chiñu nuu tachi nduvaꞌa ikán, ndi̱kaꞌan ra xiꞌin ya keta ya kuꞌun ya. Saa ke̱ta ya kuaꞌan ya, ta ndikun ndu̱vaꞌa ra loꞌo ikán mí hora ikán.

San Mateo 8:26

Saa ndi̱kuiin Jesús káchi ra saa: ―¿Ndachu íꞌvi ni ndo? ¿Án köo kándixa ndo yeꞌe ya sikaku i ndóꞌo̱? ―káchi ra xiꞌin nda. Saa ndi̱koo ra ndi̱kaꞌan ra xiꞌin tachi tin tikuii. Ñaa si̱yaa tachi tin tikuiin, iin taxiin ku̱u.

San Marcos 1:26

Saa ndinuni loꞌo si̱kisi ñaꞌa ya, ta iin ndendee ndi̱ndaꞌi koꞌo ya, saa ke̱ta ya kuaꞌan ya.

San Marcos 4:39

Saa ndi̱koo ra ndi̱kaꞌan ra xiꞌin tachi íꞌna, ta ndi̱kaꞌan tu ra xiꞌin nduta ñûꞌu va, káchi ra saa: ―¡Yaa koo un nduta ñûꞌu, siyaa un! ―káchi ra xiꞌin rá. Saa ndikun siyaa tachi íꞌna, ta si̱yaa tu nduta ñûꞌu va, iin yayaa ku̱u.

San Marcos 9:26

Saa iin ndi̱ndaꞌi koꞌo ya, ñaa xa̱ꞌni toꞌo tuku ñaꞌa ya, nda tá káa ra ndi̱xiꞌi saa ndu̱u ra, saa si̱ndoo ñaꞌa ya, ta ke̱e ya kuaꞌan ya. Ta kuaꞌa ka vi na káꞌan xaꞌa ra: ndi̱xiꞌi vaꞌa ra, káchi na.

San Lucas 11:22

Sundi tá ná kixi inka ra ndee vaꞌa ka nuu ra ikán, ta kindaa ndiꞌi ra ñaꞌa ra ndaꞌa ra ya ndáa ni ini ra, ta nditaꞌvi ra ya xiꞌin nda taꞌan ra. Saa yeꞌe, tá káa taa ra ndee vaꞌa ikán saa káa i, chi ndee ni ka yeꞌe nuu kiti nǎꞌa. Xa̱a i ñuu ivi yóꞌó kándaa ndiꞌi i ñaꞌa ndaꞌa ri ―káchi Jesús xiꞌin na.

San Lucas 4:23

Ta saa ndi̱kaꞌan Jesús xiꞌin na, káchi ra saa: ―Xa ku̱ndaa va ini i chi vaxi kivi ta kaꞌan ndo xiꞌin i tá káchi na káꞌan: “Ndotor, xaa tatan un mií un”, kachi ndo. Ta saa kaꞌan ka ndo: “Án su yóꞌó ku ra i̱kan kuaꞌa ni ya vaꞌa ñuu Capernaum, ta vaꞌa ná ikan tu un taꞌan ya i̱kan un ñuu ikán ñuu un yóꞌó va”, kachi ndo xiꞌin i ―káchi Jesús xiꞌin na.

San Lucas 4:39

Saa ndi̱xaa ra ndi̱kuita ndee ra yuꞌu xito yá ñaa xa̱ꞌnda ra chiñu nuu kueꞌe ikán ya ná kee ya kuꞌun ya, ta ndikun si̱yaa ya xiꞌin yá, ndu̱vaꞌa yá. Saa ndi̱koo yá, xa̱á yá xáa ndúvi yá kuxi na.

San Lucas 4:41

Ta kuaꞌa ni na kúu mií tachi nduvaꞌa ta̱va ra ya kúu mií na ndi̱ndaꞌi koꞌo ya, káchi ya saa: ―¡Yóꞌo̱ ku Seꞌe Ndioxi! ―káchi ya xiꞌin ra. Ta xa̱ꞌnda Jesús chiñu nuu ya ná kutaxin yuꞌu ya, köo ndi̱taxi ra kaꞌan ya, saa chi xíni ya, ya ti̱ꞌvi Ndioxi ra vaxi ra ñuu ivi yóꞌó ya sikaku ra na ivi.

San Lucas 8:24

Ta saa si̱ndikoo nda Jesús, ndi̱kaꞌan nda xiꞌin ra, káchi nda saa: ―¡Tata Maestro, Tata Maestro! ¡Ndikaxin ini un koto ka kuvi yo! ―káchi nda xiꞌin ra. Saa ndi̱koo Jesús ndi̱kaꞌan ra xiꞌin tachi tin nduta tikuii. Ñaa si̱yaa tachi tin si̱yaa tu tikuii va. Iin yayaa ku̱u.

San Lucas 9:39

Tachi nduvaꞌa kua kúu mií ra, ta iin síndaꞌi koꞌo ñaꞌa ya xáꞌni too ya ra, táva ya chiñu yuꞌu ra. Xáa nduvaꞌa ni ya xiꞌin seꞌe i, ta ni köo xíin ya saña ya ra.

San Lucas 9:42

Ñaa ke̱e ra ikán ndi̱xaa yati ra xiꞌin seꞌe ra nuu Jesús, saa iin ki̱ꞌin tuku tachi nduvaꞌa ikán seꞌe ra si̱kana ya nda nuu ñuꞌú, xa̱á kísi niꞌni tuku ñaꞌa ya kúni kuvi ndiuu tuku ra ikan ya. Ta saa xa̱ꞌnda chiñu Jesús nuu ya ya ná saña ñaꞌa ya. Ta sa̱ña ya ra. Ñaa ndikun ndu̱vaꞌa ra, saa ta̱xi Jesús ra ndaꞌa iva ra.

El Apocalipsis 12:12

Yakan ¡ná kusini ni ndivi xiꞌin ndóꞌo̱ ndóo nuu ya! ¡Ta ndaꞌvi ni ndóꞌo̱ ndóo ñuu ivi! ¡xiꞌin ndiꞌi kiti táku ini nduta ñûꞌu! Ndaꞌvi ni naꞌa, chi nu̱u kiti nǎꞌa nuu ñuꞌú ta ndixa ni sáa ini ri xíni ñaꞌa ri, chi xa xíni ri siloꞌo ni kivi kúu mií ri ichí ya kaꞌnda chiñu ri, sixinu ri chiñu ya väꞌa. Soꞌva káchi tachi na xi̱ni soꞌo i nuu ndivi.