San Lucas 4:20 - Xochapa Mixteco

²⁰ Ta saa ndi̱kasi ra nuu tutu ikán, ta̱xi ra ya ndaꞌa ra ndíso chiñu xiꞌin veꞌe ñuꞌu sinagoga ikán. Saa ndi̱kunduꞌu ra ta iin kuaꞌan ini ndiꞌi ni kúu na ñúꞌu ini veꞌe ñuꞌu ikán xíto na nuu ra.

San Lucas 4:20 Mawu Ofanana

San Mateo 26:55

Saa ndi̱kaꞌan Jesús xiꞌin nda ikán, káchi ra saa: ―¿Án vaxi ndo xiꞌin ñaꞌa xiín xiꞌin carroti tiin ndo yeꞌe, tá kuꞌva íkan ndo xiꞌin na kuiꞌna, saa íkan ndo xiꞌin i? Ndiꞌi saa kivi ndi̱xiyo i si̱naꞌa i naꞌa veꞌe ñuꞌu kaꞌnu, ta köo ndi̱tiin ndo yeꞌe.

San Mateo 27:60

Ñaa ndi̱xaꞌan ra chi̱kaa ra ikin kuñu Jesús ini kava xa̱á, ya sikan si̱kuaꞌa ra. Ta saa si̱kutuvi ra yu̱ú yati yuꞌu kava ikán ta xiꞌin ya ikán ndi̱kasi ra yeꞌe ya, saa ke̱e ra kuanuꞌu ra.

San Lucas 19:48

Ta ni köo kúvi niꞌi nda kuꞌva ikan nda saa, chi ndiꞌi ni kúu naꞌa xíni soꞌo ni na ya káꞌan ra.

San Lucas 4:17

Saa ta̱xi na tutu ya ta̱a ra Isaías ra ndi̱kaꞌan ndoso tuꞌun yuꞌu Ndioxi xinaꞌa ndaꞌa ra. Ñaa ndi̱ndika ra ya, ta ndi̱taꞌan ra nuu káꞌan ya, káchi ya saa:

San Lucas 4:21

Ta saa xa̱á ra káꞌan ra xiꞌin na, káchi ra saa: ―Vitin nuu ndiꞌi ndo si̱xinu Ndioxi ya ta̱a ra Isaías xinaꞌa, tá xi̱ni soꞌo ndo ya ka̱ꞌvi i kua ku̱u saa ―káchi ra xiꞌin na.

San Lucas 5:3

Saa ndi̱keta Jesús ini iin nu, ta barco ra Simón Pedro, ku nu. Saa ndu̱ku Jesús ya mani nuu ra ya sikutaꞌa loꞌo ka ra nu chí maꞌñu tikuii ya kuchiñu kaꞌan ra xiꞌin ndiꞌi na ndíta yuꞌu tikuii ikán. Ta saa si̱kutaꞌa ra nu. Ñaa ndi̱kunduꞌu Jesús ini nu xa̱á ra sínaꞌa ra.

San Juan 8:2

Ta xitaan, tá ndi̱tuvi inka kivi ndi̱ko koo ra yeꞌe veꞌe ñuꞌu. Saa ndi̱xaa iin tiꞌvi chee na ñuu nuu ra, saa índuꞌu koo ra sínaꞌa ra na.

Los Hechos 16:13

Ta iin kivi ndíkundee na judío ke̱e nde kuaꞌan nde nuu ñuu nuu yáꞌa ita, nuu ndíkitaꞌan na judío káꞌan na xiꞌin Ndioxi. Saa ndi̱xaa nde ndi̱kundoo nde ikán, ta ndi̱kitaꞌan nde xiꞌin sava ná síꞌi ná ndíkitaꞌan ikán. Ñaa xa̱á nde káꞌan nde tuꞌun vaꞌa xaꞌa Jesús xiꞌin ná.

Los Hechos 3:12

Tá xi̱ni ra Pedro ndiꞌi na ikán, ta ndi̱kaꞌan ra xiꞌin na káchi ra saa: ―Ndóꞌo̱ na taꞌan yo, na Israel, ¿ndachu ndíkanda ni ini ndo xíto ndo ya ndo̱ꞌo ra yóꞌó? saa xíto ni ndo nuu nde ¿Án vaꞌa ni taa kúu nde yakan vaꞌa si̱ndaꞌa nde ra, káꞌán ndo? ¿Xiꞌin ndee mií nde si̱ndaꞌa nde ra, káꞌán ndo? Ta süvi saa íyo ya.