San Lucas 24:36 - Xochapa Mixteco

³⁶ Saa káꞌan ka nda xiꞌin na ya ndo̱ꞌo nda, ta iin ku̱u soꞌva ndi̱tuvi Jesús ndi̱kundichi sava ra maꞌñu na, káchi ra saa: ―Ná koo vaꞌa ni ini ndo ―káchi ra xiꞌin na.

San Lucas 24:36 Mawu Ofanana

San Mateo 10:13

Tá ndi̱kuiso vaꞌa na veꞌe ikán ndóꞌo̱ ta kaꞌan ndo xiꞌin Ndioxi xaꞌa na ná niꞌi na ya vaꞌa nuu ra, tá tu köo ndi̱xiin na ndikuiso na ndóꞌo̱, ta ya vaꞌa niꞌi na nuu Ndioxi, ta nïꞌi ka na ya.

San Marcos 16:14

Tá sindiꞌi ta ndi̱tuvi ra nuu uxi iin saa nda, tá ndóo nda xíxi nda nuu mesa. Ta saa ndi̱ndaꞌi ra xiꞌin nda xaꞌa ya tuun nima nda, ya köo ndi̱xiin nda kandixa nda ya ndi̱kaꞌan na taꞌan nda xiꞌin nda ya ndi̱taku ra.

San Lucas 10:5

Tá ndi̱xaa ndo ndá veꞌe nuu kuaꞌan ndo, ta chindee ndo na kaꞌan ndo xiꞌin na: “Ná koo vaꞌa ni ini ndóꞌo̱ ndóo veꞌe yóꞌó”, kachi ndo xiꞌin na.

San Juan 14:27

’Táxi i tuꞌun vaꞌa ndaꞌa ndo ya koo vaꞌa ni ini ndo, ta köo táxi i ya tá kuꞌva táxi na ñuu ivi yoꞌo ya, síndoo i tuꞌun vaꞌa yóꞌó ya koo ya xiꞌin ndo. Ta ya táxi i koo vaꞌa ini ndo, ta süvi taꞌan ya táxi na ñuu ivi yóꞌó kua. Ta ku ïꞌvi ndo, ni kündiꞌi ini ndo.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

San Juan 20:26

Saa ndi̱yaꞌa una kivi ta ndi̱kitaꞌan ndiꞌi tuku nda ndóo nda ini veꞌe ikán. Ta íyo ra Tomás xiꞌin nda. Ta ndási tuun tuku yeꞌe ndóo nda, saa ndi̱xaa Jesús ndi̱kundichi sava tuku ra maꞌñu nda, saa chi̱ndee ra nda, káchi ra saa: ―¡Ná koo vaꞌa ni ini ndo! ―káchi ra xiꞌin nda.

Los Hechos 1:3

Saa ndi̱tuvi táku ra nuu nda ikán, si̱naꞌa ra mií ra nuu nda ya ndixa kua táku ra. Ta tixin uvi xiko kivi ndi̱tuvi ra nuu nda, ndíkani ra nuu nda xaꞌa ichí ya xáꞌnda chiñu Ndioxi.

1 Corintios 15:5

Ta xiꞌna nuu ra Pedro ndi̱tuvi ra, saa ndi̱tuvi ra nuu uxi uvi saa nda xi̱taꞌan xiꞌin ra.

1 Corintios 15:7

Ta si̱ndiꞌi saa ndi̱tuvi ra nuu ra Jacobo, saa ndi̱tuvi tu ra nuu ndiꞌi nda apóstol xáa chiñu nuu va ra.

2 Tesalonicenses 3:16

Ta mií Iva yo ra táxi koo vaꞌa ni ini yo, ná taxi ra koo vaꞌa ni ini ndo ndiꞌi saa ichí xaꞌa ndiꞌi ya íkan ndo. Ta saa ná koo ra xiꞌin ndiꞌi ndo.

El Apocalipsis 1:4

Yeꞌe Juan táa i tutu yóꞌó kuaꞌan ya nuu uxa veꞌe ñuꞌu ya ñúꞌu estado Asia. Ndikiꞌin ni ndo tuꞌun mani, saa ná koo vaꞌa ni ini ndiꞌi ndóꞌo̱ na ndíkitaꞌan káñuꞌu Ndioxi. Ndioxi ra xa táku nda kivi núnu̱ú, ta táku ra kivi vitin, saa kutaku ra ndiꞌi saa kivi ya vaxi. Ta mií ra xiꞌin uxa nuu Tachi ra ya íyo xiꞌin ra nuu xáꞌnda chiñu ra ná chikaa ni ya vaꞌa ndóꞌo̱, ta ná taxi ra ya koo vaꞌa ni ini ndo.