San Lucas 24:19 - Xochapa Mixteco

¹⁹ Saa ndi̱kaꞌan ra xiꞌin nda káchi ra saa: ―¿Ta unkua ku̱u kua? ―káchi ra xiꞌin nda. Saa ndi̱kuiin nda, káꞌan nda: ―Xaꞌa ra Jesús, ra ñuu Nazaret va kua káꞌan nde. Ra ndi̱kaꞌan ndoso tuꞌun yuꞌu Ndioxi ndi̱xiyo ra, ta ndee ni ndee taa ku̱u mií ra, kuaꞌa ni ya vaꞌa i̱kan ra, vaꞌa ni si̱naꞌa ra. Ta vaꞌa ni káꞌan Ndioxi xaꞌa ra tin ndiꞌi naꞌa.

San Lucas 24:19 Mawu Ofanana

San Mateo 21:11

Saa ndi̱kuiin na kuaꞌan xiꞌin Jesús, káꞌan na: ―Jesús, ra profeta ku ra, ra ke̱e ñuu Nazaret estado Galilea ku ra ―káchi na.

San Marcos 1:24

―Yóꞌo̱ ku Jesús, ra ñuu Nazaret, ta ¿ndachu kuakiꞌvi un xiꞌin nde? ¿Án vaxi un sindiꞌi xaꞌa un ndeꞌe? Chi yeꞌe ta xíni vaꞌa i yóꞌo̱, yóꞌo̱ ku ra i̱í, ra ke̱e nuu Ndioxi ―káchi ya xiꞌin ra.

San Lucas 24:18

Saa iin ku̱taxin yuꞌu nda, ñaa ndi̱kuiin iin ra náni Cleofas káꞌan ra: ―¿Án iindaa yóꞌo̱ ku ra inka ñuu, ra köo ndi̱xini unkua ku̱u ñuu Jerusalén semana ya ndi̱yaꞌa yóꞌó? ―káchi ra xiꞌin Jesús.

San Lucas 7:16

Tá xi̱ni na ndi̱taku ra, ta ndi̱kanda ni ini na ndi̱ndiꞌvi ni na. Saa xa̱á na xáa kaꞌnu na Ndioxi, káchi na saa: ―Iin ra chee ni ra káꞌan ndoso tuꞌun yuꞌu Ndioxi ku ra ndi̱kuita tañu yo. Ti̱ꞌvi Ndioxi ra vaxi ra koto ra yoo na kúu ñuu ra ―káchi na.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 4:19

Ñaa tá xi̱ni soꞌo yá ya ndi̱kaꞌan ra xiꞌin yá, saa ndi̱kaꞌan yá xiꞌin ra, káchi yá saa: ―Tata, va iin ra káꞌan ndoso tuꞌun yuꞌu Ndioxi va ku un túvi i.

San Juan 6:14

Saa tá xi̱ni na ikán yatuꞌun i̱kan Jesús, ta ndi̱kaꞌan na, káchi na saa: ―Ndixa ra yóꞌó ku ra káꞌan ndoso tuꞌun yuꞌu Ndioxi, mií ra chee ni, ra ndátun yo xaa ñuu ivi yóꞌó ku ra ―káchi na.

San Juan 7:52

Saa ndi̱kuiin nda káꞌan nda: ―¿Án taꞌan ra ikán ku tu yóꞌo̱ va? Xíniñuꞌu un kaꞌvi vaꞌa un tuꞌun Ndioxi saa kua kundaa ini un, chi nda iin na káꞌan ndoso tuꞌun yuꞌu Ndioxi, ta köo na kée nda iin ñuu ya ñúꞌu estado Galilea ―káchi nda xiꞌin ra.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 2:22

’Nda taꞌan yo nda ñuu Israel, kuni soꞌo ndo ya kaꞌan i xiꞌin ndo xaꞌa Jesús, ra ñuu Nazaret. Iin taa ra vaꞌa ni ku ra. Suvi mií Ndioxi ku ra ndi̱kaxin ra i̱kan ra kuaꞌa ni ya vaꞌa, chi̱ndee ni ra yoo, i̱kan ni ra yatuꞌun Ndioxi nuu yo. Ta tixin ndiꞌi ya yóꞌó si̱naꞌa Ndioxi yoo ndá taa ku Jesús.

Los Hechos 7:22

Yakan vaꞌa si̱kuaꞌa ra tá kuꞌva síkuaꞌa ndiꞌi mií na ñuu Egipto. Si̱kuaꞌa vaꞌa ra ta ndee ni ndee ndi̱xiyo ra, vaꞌa ni ndi̱kaꞌan ra ta kuaꞌa ni ya vaꞌa i̱kan ra.