San Lucas 23:42 - Xochapa Mixteco

⁴² Saa ndi̱kaꞌan ra xiꞌin Jesús, káchi ra saa: ―Tata, ndikaꞌán ini un xaꞌa i tá ná xáa un kaꞌnda chiñu un ―káchi ra xiꞌin Jesús.

San Lucas 23:42 Mawu Ofanana

San Lucas 12:8

Saa ndi̱kaꞌan ka Jesús xiꞌin na, káchi ra saa: ―Ndiꞌi na köo kúkaꞌan nuu xíni yeꞌe ra kúu Taa ra xa̱a ñuu ivi yóꞌó, ta ni yeꞌe ta kaꞌan i xaꞌa na nuu na tatun Ndioxi.

San Lucas 18:13

Ta inka ra ndíkaya xuꞌun kuaꞌan ndaꞌa gobierno, ndi̱kundichi xika ra, ni köo xáꞌa ndee ini ra ndaniꞌi ra nuu ra, vaꞌa ka ndi̱kuita ndee ra nuu ñuꞌú, tíin ndaa ra xiní ra, káchi ra saa: “Tata Iva yo Ndioxi, kundaꞌvi ini un kuni un yeꞌe, saa chi ra ivi kuachi ku i”, káchi ra ndíchi ra.

San Lucas 23:41

Vaꞌa ka vi yoo ya ndaa kua ndóꞌo va yo xaꞌa kuachi yo, ta ra ndaꞌvi yóꞌó, nda iin kuachi ra köo ―káchi ra.

San Lucas 23:43

Saa ndi̱kaꞌan Jesús xiꞌin ra, káchi ra saa: ―Ya ndaa káꞌan i xiꞌin un, kivi vitin koo un xiꞌin i nuu latun ni káa ―káchi Jesús xiꞌin ra.

San Lucas 24:26

Taa ra ti̱ꞌvi Ndioxi vaxi sikaku na ñuu ivi yóꞌó ta xíniñuꞌu ra ndoꞌo ni ra, ta saa vaxi kivi saa ndiko koo tuku ra ndikunduꞌu ra kaꞌnda chiñu ra xiꞌin Ndioxi nuu ndi̱xiyo ra ―káchi Jesús xiꞌin nda.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 20:28

Saa ndi̱kuiin ra Tomás, káchi ra saa: ―¡Tata, yóꞌo̱ ku Tata i tin Ndioxi mií i! ―káchi ra xiꞌin Jesús.

Los Hechos 16:31

Saa ndi̱kuiin ra Pablo káꞌan ra: ―Xíniñuꞌu un kandixa un Tata yo Jesucristo, saa kuchiñu un kaku un, ta saa tu na veꞌe va un ―káchi ra xiꞌin ra.

Los Hechos 20:21

Ndi̱kaꞌan ndoso i tuꞌun ra xiꞌin na kúu judío tin na köo kúu judío, ya xíniñuꞌu na ndiko koo ini na xaꞌa kuachi na nuu Ndioxi, saa xáa na kundaa ni ini na kuni na Tata yo Jesucristo.

1 Pedro 1:11

Ta Tachi ya kúu mií Cristo, ra ndi̱kaxin Ndioxi kixi ndoꞌo ni xaꞌa yo kua ta̱xi xiní ndaꞌa nda ndi̱kaꞌan tuꞌun yuꞌu Ndioxi, ya kundaa ini nda xaꞌa ñaꞌa ya chee ni kuu mií ra kixi kivi vaxi, ta ndu̱ku ni tu nda kuꞌva kundaa ini nda xaꞌa ra ndá taa kuu ra, ta saa ndu̱ku tu nda kundaa ini nda ndá kivi kua kixi ra.

1 Juan 5:1

Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.