San Lucas 23:40 - Xochapa Mixteco

⁴⁰ Ñaa ndi̱ndaꞌi ra taꞌan ra xiꞌin ra, káchi ra saa: ―¿Ndachu köo íꞌvi un xíni un Ndioxi? Ta yo xa kuvi ku yo.

San Lucas 23:40 Mawu Ofanana

San Mateo 20:9

Saa ndi̱xaa na ndi̱kee sindiꞌi, na ndi̱kee kàà uꞌun xikuáa ta ki̱ꞌin na yaꞌvi taꞌan ya kíꞌin na xáa chiñu iin nduvi ndaa.

San Mateo 8:26

Saa ndi̱kuiin Jesús káchi ra saa: ―¿Ndachu íꞌvi ni ndo? ¿Án köo kándixa ndo yeꞌe ya sikaku i ndóꞌo̱? ―káchi ra xiꞌin nda. Saa ndi̱koo ra ndi̱kaꞌan ra xiꞌin tachi tin tikuii. Ñaa si̱yaa tachi tin tikuiin, iin taxiin ku̱u.

San Lucas 12:5

Ta vaꞌa ná kaꞌan i xiꞌin ndo ya kundaa ini ndo unku na xíniñuꞌu ndo ku íꞌvi ndo nuu: Ndioxi ku ra xíniñuꞌu ndo ku íꞌvi ndo nuu, saa chi kúu mií ra ichí kaꞌni ra ndóꞌo̱ ta saa taan ra ndóꞌo̱ ndaya. Ra ikán ku ra ku íꞌvi ndo kuni ndo ―káchi Jesús xiꞌin na.

San Lucas 23:39

Saa káꞌan iin ra xa̱ꞌni ndìì ínuu nuu cruzin káchi ra saa xiꞌin Jesús: ―¡Tá tu ndixa ra ti̱ꞌvi Ndioxi vaxi sikaku na ñuu ivi yóꞌó ku un, ta sikaku xiꞌin mií un, saa sikaku un ndeꞌe! ―káchi ra.

San Lucas 23:41

Vaꞌa ka vi yoo ya ndaa kua ndóꞌo va yo xaꞌa kuachi yo, ta ra ndaꞌvi yóꞌó, nda iin kuachi ra köo ―káchi ra.

Efesios 5:11

Ta ïkan ndo ñaꞌa väꞌa taꞌan ñaꞌa ya íkan na ñaa nuu naá. Ta vaꞌa ndituꞌun ndo xiꞌin na ya ná kundaa ini na xaꞌa ñaꞌa ya väꞌa íkan na.

El Apocalipsis 15:4

Ndiꞌi ni kúu naꞌa xíniñuꞌu na xaa toꞌo na yóꞌo̱ Tata Iva yo Ndioxi, Saa xíniñuꞌu na xaa kaꞌnu na yóꞌo̱, saa chi iin yóꞌo̱ ku ra i̱í ni. Ndiꞌi naꞌa na ki̱xi ndiꞌi ni kúu ñuu xa̱a na nuu un, ta xáa kaꞌnu na yóꞌo̱, chi ku̱ndaa ini na ya iin yóꞌo̱ ku ra ndaa ni, saa xáa nani un kuachi na xiꞌin nina ya ndaa Soꞌva káchi na xíta na nuu ndivi xi̱ni soꞌo i.

El Apocalipsis 16:11

Saa ndi̱kaꞌan kini ka na xaꞌa Ndioxi xaꞌa ya ndee ni ndóꞌo na táꞌi ni ikin kuñu na tíxuꞌvi ni na. Ta saa ni köo ndi̱xiin na ndiko koo ini na, ni köo ndi̱sindikoo na ya väꞌa íkan na.