San Lucas 23:33 - Xochapa Mixteco

³³ Ñaa tá ndi̱xaa nda iin iku náni Leke Xiní Ndìì, ta ikán chinuu nda Jesús nuu itun cruzin xiꞌin uvi saa nda kuaꞌan xiꞌin ra. Iin ra chi̱nuu nda ndaꞌa cruzin ñaꞌñu kuáꞌá ra ta inka ra chi̱nuu nda ñaꞌñu ítin ra.

San Lucas 23:33 Mawu Ofanana

San Mateo 20:19

Saa nditaxi nda yeꞌe ndaꞌa naꞌa, na köo kúu judío ya kusiki ndaa na yeꞌe, kuaku ndaa ni na yeꞌe, saa kani ni na yeꞌe xiꞌin kuarta xaa nduvaꞌa ni na xiꞌin i. Ta sindiꞌi, saa kaꞌni na yeꞌe ndaꞌa cruzin. Sundi kivi uni nditaku i ―káchi Jesús xiꞌin nda.

San Mateo 26:2

―Xíni ndo soo uvi kivi kúmani, saa kana viko pascua. Saa nditaxi na yeꞌe, Taa ra xa̱a ñuu ivi yóꞌó, nditaxi na yeꞌe ndaꞌa naꞌa, na sáa ini xíni yeꞌe, ta na ikán chinuu yeꞌe ndaꞌa cruzin nuu kuvi i ―káchi Jesús xiꞌin nda ítaꞌan xiꞌin ra.

San Lucas 24:7

Ndi̱kaꞌan ra xiꞌin ndo, káchi ra saa: “Nduxa tiin nda taa yeꞌe, Taa ra xa̱a ñuu ivi yóꞌó, ta ndi̱taxi nda yeꞌe ndaꞌa naꞌa na väꞌa, saa chinuu nda yeꞌe nuu cruzin, kuvi i, sundi kivi uni nditaku i”, ka̱chi ra xiꞌin ndo ―káchi tatun Ndioxi ikán xiꞌin ná.

San Juan 18:32

Ndi̱kaꞌan nda saa nuu ndi̱xinu ya xa ndi̱kaꞌan Jesús yachi, ndá kuꞌva kua kundoꞌo ra kuvi ra.

San Juan 3:14

Tá i̱kan ra Moisés iku yuyu xinaꞌa, si̱kuaꞌa ra iin ko̱ó chi̱nuu ra nuu itun sukun ni, ta saa xíniñuꞌu na ñuu ivi chinuu sukun na yeꞌe, Taa ra xa̱a ñuu ivi yóꞌó.

Los Hechos 13:29

Saa tá ndi̱xinu ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xaꞌa ra kundoꞌo ra, saa xa̱ꞌni na ra. Ñaa si̱nuu na ikin kuñu ra nuu itun cruzin ya kuꞌun ra nduxin ra.

Los Hechos 2:23

Sundi tá ti̱in ndo Jesús ta xa xíni va Ndioxi unkua kundoꞌo ra, chi tá íyo ya chi̱tuni Ndioxi, saa íyo ndiꞌi ya ndo̱ꞌo ra. Ta ndóꞌo̱ xa̱ꞌni ndo ra chi ta̱xi ndo ra ndaꞌa naꞌa na väꞌa, ta̱xi ndo xa̱ꞌni ñaꞌa na Roma. Saa ndi̱xiyo yuꞌu ndo xiꞌin na, chi̱nuu na ra nuu itun cruzin ta ikán ndi̱xiꞌi ra.

Los Hechos 5:30

Ndioxi ra ka̱ndixa ni xii sikua yo ku ra si̱taku Jesús, ra chi̱nuu ndo nuu cruzin xa̱ꞌni ndo.

Gálatas 3:13

Chi Cristo ku ra cha̱ꞌvi xaꞌa yo nuu chiꞌña ya ta̱xi ley ya ta̱a Moisés ndaꞌa yo, chi köo ndi̱kuchiñu yo sixinu yo ya káꞌan ley ikán. Xaꞌa ya ikán kua cha̱ꞌvi Jesucristo xaꞌa yo chi ndi̱xaꞌa ndee ini ra si̱kuiso ra chiꞌña xiꞌin mií ra, saa ku̱chiñu ra ki̱ndaa ra chiꞌña sata yo. Chi saa káꞌan mií tuꞌun Ndioxi, káchi ya saa: “Ndiꞌi naꞌa, na tíkaa ikin kuñu nuu itun cruzin, ta na ndíso chiꞌña ku na”, káchi ya.

1 Pedro 2:24

Tá ndi̱xiꞌi Cristo nuu itun cruzin ta nuu nu ikán kua ndi̱kundiso ndiꞌi ra kuachi yo to̱so ra ya sata ikin kuñu ra kuaꞌan ya xiꞌin ra. I̱kan ra saa xiꞌin yo ya ná köo ka ndee kuu mií kuachi yo ya kaꞌnda chiñu ka ya nuu yo, saa kutaku yo ikan yo ya vaꞌa. Xaꞌa ya ndo̱ꞌo ni ra yakan si̱ndaꞌa ra yoo.