San Lucas 23:26 - Xochapa Mixteco

²⁶ Saa ta ndi̱kundaka nda lapa ikán Jesús kuaꞌan ra xiꞌin nda chinuu nda ndaꞌa itun cruzin. Tá kuaꞌan nda ichí ta ndi̱kitaꞌan nda xiꞌin iin ra náni Simón, ra ke̱e ñuu Cirene ndi̱ko koo ra kuaꞌan ra ñuu Jerusalén ndi̱xaꞌan ra iku. Saa ti̱in nda ra chíndee taꞌan ra xiꞌin Jesús ndíso ra itun cruzin xiꞌin ra ndíkun ra kuaꞌan ra sata Jesús.

San Lucas 23:26 Mawu Ofanana

San Mateo 5:41

Tá ndá naꞌa xáa nduxa xiꞌin ndo kuiso ndo ñaꞌa na kuꞌun xiꞌin ndo iin mil metro, ta vaꞌa kundiso ndo ñaꞌa na kuꞌun xiꞌin ndo uvi mil metro.

San Lucas 14:27

Tá tu kúni ndo kundikun ndo yeꞌe ta vaꞌa kundiso ndo cruzin ndo ta saa kundikun ndo yeꞌe.

San Lucas 23:25

Sa̱ña ndixa ra, ra Barrabás ke̱e ra veꞌe kàà, vani ra xa̱ꞌni ndìì tin chu̱ꞌun ra naꞌa ka̱ni taꞌan na xiꞌin gobierno, ta ndi̱saña ra i̱kan ra Pilato. Ta saa ta̱xi ra Pilato Jesús ndaꞌa nda lapa ya chinuu ñaꞌa nda ndaꞌa cruzin chi saa íyo ya ku̱ni na ñuu.

San Lucas 9:23

Ta saa ndi̱kaꞌan ra xiꞌin ndiꞌi na ndóo ikán káchi ra saa: ―Tá ndá ndóꞌo̱ kúni xaa súvi ya káꞌan Ndioxi, ta ïkan ka ndo ndisaa ya kúni mií ndo, saa kuchiñu ndo ikan ndo ya kúni Ndioxi. Ta naꞌa ndo kundikun ndo yeꞌe kundiso ndo cruzin ndo, koo ndúvi ndo ndiꞌi saa kivi ya ndoꞌo ndo xaꞌa i.

Los Hechos 13:1

Tañu na ndíkun Jesús ndóo ñuu Antioquía ñúꞌu nda káꞌan tuꞌun yuꞌu Ndioxi xiꞌin nda sínaꞌa. Ta nda kúu mií chiñu yóꞌó kuu ra Bernabé xiꞌin ra Simón ra káꞌan na xiꞌin ra tu̱ún, inka ra náni Lucio, ra ke̱e ñuu Cirene, xiꞌin ra náni Manaén, ra xa̱ꞌnu xiꞌin ra rey Herodes, ra ndi̱xiyo gobernador nuu na Galilea. Nda ikán xiꞌin ra Saulo ku nda ku̱u mií chiñu yóꞌó.

Los Hechos 2:10

Ta sava tu yo ke̱e Frigia xiꞌin Panfilia, ta sava tu yo ke̱e Egipto va. Sava tu yo ke̱e estado Libia ya ndíkaa yati xiꞌin ñuu Cirene. Ta sava tu yo ka̱ku Roma ta xa̱a yo ndóo yo yóꞌó. Raza na judío ku sava yo, ta sava yo xi̱ndikun inka ichí, ta ndi̱kundikun yo ichí na judío.

Los Hechos 6:6

Tá ndiꞌi ndi̱kaxin na nda ikán, ta ndi̱kundaka na nda ndi̱xaa nda xiꞌin na nuu nda apóstol. Saa chi̱nuu ndaꞌa nda sata uxa saa nda, ñaa ndi̱kaꞌan nda xiꞌin Ndioxi xaꞌa nda.

Los Hechos 6:9

Saa ndi̱kuita na xáꞌan veꞌe ñuꞌu ya náni veꞌe ñuꞌu na Xíka Ndíka. Ta köo íyo yuꞌu na ikán xiꞌin ra Esteban xaꞌa ya ikán kua xa̱á na káni taꞌan na xiꞌin tuꞌun xiꞌin ra. Suvi na judío kúu va na, ta ke̱e na inka ñuu, na ke̱e ñuu Cirene tin na ke̱e ñuu Alejandría, xiꞌin na ke̱e estado Cilicia xiꞌin na ke̱e estado Asia.