San Lucas 23:25 - Xochapa Mixteco

²⁵ Sa̱ña ndixa ra, ra Barrabás ke̱e ra veꞌe kàà, vani ra xa̱ꞌni ndìì tin chu̱ꞌun ra naꞌa ka̱ni taꞌan na xiꞌin gobierno, ta ndi̱saña ra i̱kan ra Pilato. Ta saa ta̱xi ra Pilato Jesús ndaꞌa nda lapa ya chinuu ñaꞌa nda ndaꞌa cruzin chi saa íyo ya ku̱ni na ñuu.

San Lucas 23:25 Mawu Ofanana

San Mateo 27:26

Saa ta̱va ra Pilato ra Barrabás veꞌe kàà. Sindiꞌi saa xa̱ꞌnda ra chiñu ya kani ni na Jesús xiꞌin cuarta ya íyo ñaꞌa xiín nuu, ta saa chinuu na ra ndaꞌa cruzin kuvi ra.

San Marcos 15:15

Saa ku̱ni ra Pilato kindoo vaꞌa ra xiꞌin ndiꞌi na ikán. Yakan xa̱ꞌnda ra chiñu tava na ra Barrabás veꞌe kàà. Saa xa̱ꞌnda tu ra chiñu ya xaa nduvaꞌa na xiꞌin Jesús. Ta sindiꞌi tikaa na ra ndaꞌa cruzin.

San Lucas 23:2

Tá ndi̱xaa na xiꞌin ra nuu ra Pilato, ta xa̱á na táxi na kuachi siki xaꞌa ra, káchi na saa: ―Xi̱ni nde ra yóꞌó táa sii ni ra naꞌa ya kuꞌun na sata ra. Ta väꞌa íkan ra, ra táꞌvi ñuu yo ku ra chi káꞌan ra xiꞌin na, ya ná chäꞌvi na xuꞌun ya kuaꞌan ndaꞌa ra rey César, saa chi mií ra ku Cristo, ra ti̱ꞌvi Ndioxi vaxi ra nduu ra rey ñuu ivi yóꞌó, káchi ra xiꞌin na ―káchi nda.

San Lucas 23:24

I̱kan saꞌa ndixa ra Pilato ya ndi̱kaꞌan na xiꞌin ra.

San Lucas 23:26

Saa ta ndi̱kundaka nda lapa ikán Jesús kuaꞌan ra xiꞌin nda chinuu nda ndaꞌa itun cruzin. Tá kuaꞌan nda ichí ta ndi̱kitaꞌan nda xiꞌin iin ra náni Simón, ra ke̱e ñuu Cirene ndi̱ko koo ra kuaꞌan ra ñuu Jerusalén ndi̱xaꞌan ra iku. Saa ti̱in nda ra chíndee taꞌan ra xiꞌin Jesús ndíso ra itun cruzin xiꞌin ra ndíkun ra kuaꞌan ra sata Jesús.

San Lucas 23:5

Ñaa iin káchi ndi̱kuiin ndiꞌi na káꞌan na xiꞌin ra Pilato, káchi na saa: ―Ra chúꞌun naꞌa ku ra ñaa, ta chíkaa ra yuꞌu na ya kanitaꞌan na xiꞌin na chiñu. Ndiꞌi ni kúu ñuu estado Galilea xiꞌin estado Judea ndi̱xika ra sínaꞌa ra, ta vitin nda ñuu Jerusalén yóꞌó xa̱a ra íkan ra saa ―káchi na xiꞌin ra Pilato.

San Juan 18:40

Saa iin ndá síso ndi̱kuiin ndiꞌi na káchi na saa: ―¡Säña un ra yóꞌó! ¡Ra Barrabás saña un! ―káchi na. Ta ra kuiꞌna ndi̱xiyo ra ikán.

San Juan 19:16

Saa ndi̱taxi ra Pilato Jesús ndaꞌa nda lapa ikán ya chinuu ñaꞌa nda nuu cruzin, ta saa ndi̱kiꞌin nda ra kuaꞌan xiꞌin nda.

Los Hechos 3:14

Sundi ndóꞌo̱ ta köo ndi̱xiin ndo saña ra vaꞌa, ra i̱í ni, chi ra xa̱ꞌni ndìì va ku ra ndi̱kaꞌan ndo xaꞌa saña.