San Lucas 23:22 - Xochapa Mixteco

²² Saa ndi̱kaꞌan tuku ra Pilato xiꞌin na ichí uni, káchi ra: ―¿Ndá xaꞌa kua kuvi ra, ta köo ya ndi̱kan ra? Köo kuachi ra ndi̱taꞌan i ya káꞌan kuvi ra. Vaꞌa takua ná sindoꞌo ni i ra saa saña i ra kuꞌun va ra ―káchi ra xiꞌin nda.

San Lucas 23:22 Mawu Ofanana

San Lucas 23:14

Ta ndi̱kaꞌan ra xiꞌin na, káchi ra saa: ―Ndóꞌo̱, ndáka ndo ra yóꞌó xa̱a ra xiꞌin ndo táxi ndo kuachi ndaꞌa i xaꞌa ra ya xíka ra táa sii ra naꞌa káchi ndo. Ta nuu ndiꞌi ndo ndi̱ndakan tuꞌun i ra xaꞌa ya chíkaa ndo kuachi ra. Ta köo ndi̱taꞌan i kuachi ra.

San Lucas 23:16

Ná tiꞌvi i ra kuꞌun ra xaa nduvaꞌa na xiꞌin ra, ta saa saña i ra kuꞌun va ra ―káchi ra Pilato xiꞌin na.

San Lucas 23:20

Xaꞌa ya ku̱ni ra Pilato saña ra Jesús, yakan ndi̱kaꞌan tuku ra xiꞌin na, saña ñaꞌa ra.

San Lucas 23:21

Ta ni köo ndi̱xiin na, ndíkundee na ndáꞌi koꞌo vaꞌa ka na, káchi na saa: ―¡Kaꞌni ra! ¡Kiꞌin ra chinuu un ndaꞌa cruzin, ná kuvi ra! ―káchi na.

San Lucas 23:23

Ta ni köo ndi̱xiin na, ndinuni loꞌo ndáꞌi koꞌo na nuu ra. Iin tuun káꞌan na xiꞌin ra ya ná chinuu ra Jesús ndaꞌa itun cruzin. Ñaa ta ndakua ndi̱xinu ndixa yuꞌu na xiꞌin nda sutu naꞌnu nuu sutu.

San Lucas 23:4

Saa ndi̱kaꞌan ra Pilato xiꞌin sutu naꞌnu nuu na veꞌe ñuꞌu tin naꞌa na chútu ndaa ikán, káchi ra saa: ―Nda iin kuachi ra yóꞌó köo níꞌi i ―káchi ra xiꞌin na.

1 Pedro 1:19

tá kuꞌva yáꞌa ni ndee kúu mií nií Tata yo Jesucristo nduta ndáa yaꞌvi ni, rá vaꞌa, rá ndi̱xita nuu cruzin, rá káa tá káa nií kiti levo loꞌo ri sóko sutu nuu Ndioxi, ri vaꞌa ni, ri köo nda loꞌo ya väꞌa kúu mií. Kuꞌva saa ndi̱xiyo nií ra, rá cha̱ꞌvi Ndioxi xaꞌa kuachi yo.

1 Pedro 3:18

Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.