San Lucas 23:14 - Xochapa Mixteco

¹⁴ Ta ndi̱kaꞌan ra xiꞌin na, káchi ra saa: ―Ndóꞌo̱, ndáka ndo ra yóꞌó xa̱a ra xiꞌin ndo táxi ndo kuachi ndaꞌa i xaꞌa ra ya xíka ra táa sii ra naꞌa káchi ndo. Ta nuu ndiꞌi ndo ndi̱ndakan tuꞌun i ra xaꞌa ya chíkaa ndo kuachi ra. Ta köo ndi̱taꞌan i kuachi ra.

San Lucas 23:14 Mawu Ofanana

San Mateo 27:19

Ñaa tá índuꞌu ra nuu tai xáa nani ra kuachi xaꞌa Jesús, ta saa ti̱ꞌvi yá síꞌi ra Pilato chiñu ndi̱xaa nuu ra, káchi yá saa: “Këꞌe un ra ñaa, saa chi ra vaꞌa ku ra. Köo kuachi ra. Kini ni ndi̱xani i i̱kan ra ñuu ndiveꞌe”, káchi yá xiꞌin chiñu ndi̱xaa nuu ra Pilato.

San Mateo 27:24

Saa xi̱ni ra Pilato ya köo xíni soꞌo na ya káꞌan ra, ñaa xa̱á ndi̱siso vaꞌa ka na. Ñaa xa̱ꞌnda ra chiñu taxi na tikuii ndaꞌa ra. Saa ndi̱kata ra ndaꞌa ra nuu ndiꞌi na, káchi ra saa: ―Köo ndíso i kuachi xaꞌa ra yóꞌó, ra vaꞌa ku ra, ta koto ka mií ndo xiꞌin ra ―káchi ra xiꞌin na.

San Mateo 27:4

Saa ndi̱kaꞌan ra xiꞌin nda, káchi ra saa: ―Ndee ni ndee kuachi i̱kan i chi ndi̱taxi i taa ra vaꞌa, ra köo kuachi kúu mií ndaꞌa ndo, ya kaꞌni ndo ra ―káchi ra xiꞌin nda. Saa ndi̱kuiin nda, káꞌan nda: ―¡Unkua ndóꞌo vi ndeꞌe! ¡Köo xáꞌni ka nde mií nde! ¡Kuachi mií va un kua! ―káchi nda xiꞌin ra.

San Mateo 27:54

Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa: ―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.

Los Hechos 13:28

Köo ndi̱niꞌi na kuachi ra ya káꞌan kuvi ra, ta saa ni ndi̱kaꞌan na xiꞌin ra Pilato ya ná kaꞌnda ra chiñu kaꞌni ñaꞌa na.

Los Hechos 17:11

I̱í va ini na ñuu Berea ikán nuu na ñuu Tesalónica, chi vaꞌa ni ka va ndi̱kiꞌin na ikán tuꞌun Ndioxi ya káꞌan ra Pablo xiꞌin na. Ndiꞌi saa kivi síkuaꞌa na tuꞌun Ndioxi ya kundaa vaꞌa ka ini na án ya ndixa kua káꞌan ra Pablo xiꞌin na.

HEBREOS 7:26

Jesús ku ra ku sutu chee ni ka, ra ndee ni xíniñuꞌu yo. Saa chi ra ikán ta ra i̱í ni ku ra, nda iin kuachi ni ya väꞌa köo ndi̱kan ra, ta köo íyo yuꞌu ra xiꞌin na íkan kuachi, saa nda̱a ra kuaꞌan ra nuu ndivi, ta sukun ni ka nda̱a ra kuaꞌan ra.