San Lucas 22:61 - Xochapa Mixteco

⁶¹ Saa ndi̱ko koo Jesús ndi̱koto vaꞌa ra nuu ra Pedro, ta ndi̱kaꞌán ini ra ya ndi̱kaꞌan Jesús xiꞌin ra: “Ñûu vitin ta xa uni vi ichí ndikuaa un yeꞌe, saa kana nduxi”, káchi ra xiꞌin ra.

San Lucas 22:61 Mawu Ofanana

San Mateo 26:34

Saa ndi̱kuiin Jesús káꞌan ra xiꞌin ra: ―Ya ndaa káꞌan i xiꞌin un, ñǔu vitin tá täꞌan ka kana nduxi, ta xa uni ichí vi ndi̱kuaa un ya köo xíni un yeꞌe ―káchi Jesús xiꞌin ra.

San Mateo 26:75

Saa ndi̱kaꞌán ini ra, ya ndi̱kaꞌan Jesús xiꞌin ra, káchi ra saa: “Täꞌan ka vi kana cheꞌle, ta xa uni ichí vi ndikuaa un ya köo xíni un yeꞌe”, káchi ra xiꞌin ra. Saa ke̱ta ra keꞌe ta xa̱á ndinuni loꞌo xáku suchi ni ini ra.

San Marcos 5:30

Saa ku̱ndaa ini Jesús ke̱e ndee kúu mií ra. Ñaa ndi̱ko koo ra ndi̱koto ra nuu ndiꞌi na ikán, ndákan tuꞌun ñaꞌa ra, káchi ra saa: ―¿Unku ndóꞌo̱ ti̱in ndaa tikoto i? ―káchi ra xiꞌin na.

San Lucas 10:41

Saa ndi̱kuiin Jesús káꞌan ra xiꞌin yá: ―Marta, Marta, ya ndaa ndixa kua ndíꞌi ni ini un xáa chiñu un chi íyo ni chiñu nuu un ya síndiꞌi ni yóꞌó.

San Lucas 22:34

Saa ndi̱kuiin Jesús káꞌan ra xiꞌin ra, káchi ra saa: ―Küchiñu un ikan un ya káꞌan un xiꞌin i. Ñûu vitin tá täꞌan ka kana nduxi ta xa uni ichí vi ndikuaa un yeꞌe, ya köo xíni un yeꞌe, kachi un ―káchi Jesús xiꞌin ra.

San Lucas 22:60

Saa ndi̱kaꞌan ra Pedro, káchi ra saa: ―Tata, ni köo xíni i unkua káꞌan un xaꞌa xiꞌin i ―káchi ra. Ñaa káꞌan ka ra ta ka̱na va nduxi.

San Lucas 22:62

Ta saa ke̱ta ra Pedro keꞌe xa̱á ra ndinuni loꞌo xáku suchi ini ra xaꞌa ya ndi̱kuaa ra Jesús.

San Lucas 7:13

Ta saa ndi̱taꞌvi ni ini ra xi̱ni ra yá. Ñaa ndi̱kaꞌan ra xiꞌin yá káchi ra saa: ―Nana, kuäku un xaꞌa seꞌe un ―káchi ra xiꞌin yá.

San Lucas 7:19

ti̱ꞌvi ra nda kuaꞌan nda kaꞌan nda tuꞌun yóꞌó xiꞌin Jesús, káchi ra saa: “¿Án yóꞌo̱ ku ra íyo tuꞌun xaꞌa ke̱e nuu Ndioxi vaxi ñuu ivi yóꞌó, án xíniñuꞌu ka nde kundatun nde inka ra? kachi ndo xiꞌin ra”, káchi ra Juan xiꞌin tuꞌun kuaꞌan nuu Jesús.

San Juan 13:38

Saa ndi̱kuiin Jesús, káchi ra saa: ―¿Án ndixa ku un, íyo tuꞌva un ya kuvi un xaꞌa i? Ya ndixa kua káꞌan i xiꞌin un, ñǔu vitin, ta xa uni ichí vi ndikuaa un ya köo xíni un yeꞌe, saa kana chele ―káchi Jesús xiꞌin ra Pedro.

Los Hechos 5:31

Ta Ndioxi ta̱xi ra chiñu ndee ni ndaꞌa Jesús, ta̱xi ra ichí ndaꞌa ra ndu̱u ra iin ra chee ni ndi̱kunduꞌu ra ñaꞌñu kuáꞌá Ndioxi. Ta̱xi tu ra ichí ndaꞌa ra ya sikaku ra naꞌa ya ná kuchiñu na ndinama ini na, ta saa xaa kaꞌnu ini Ndioxi xaꞌa kuachi na.

Efesios 2:11

Ta xa kúndaa va ini ndo ya káꞌan na judío, “Naꞌa, na köo tuni Ndioxi kúu mií”, káchi na xaꞌa ndo. Chi káꞌan na xaꞌa mií na ya íyo tuni Ndioxi na, sundi tuni ya káꞌan na xaꞌa ikán ta mií va na chínuu ya xiꞌin ndaꞌa na.

El Apocalipsis 2:5

Yakan xíniñuꞌu ndo ndikaꞌán ini ndo ndá kuꞌva ndi̱xiyo ndo tá yachi, tá sikan xa̱á ndo kándixa ndo yeꞌe. Ta nduku ndo kuꞌva ya kuchiñu ndo kuꞌvi tuku ini ndo kuni ndo yeꞌe, tá kuꞌva ku̱ꞌvi ni ini ndo xi̱ni ndo yeꞌe tá núnu̱ú. Chi tá tu ná ïkan ndo saa, ta xaa i nditaꞌan i ndóꞌo̱, saa sikutaꞌa i kàà ndo nuu ndíchi ya xíxi ñu̱ꞌu̱ ini ya.