San Lucas 22:53 - Xochapa Mixteco

⁵³ Ndiꞌi saa kivi ndi̱xiyo i xiꞌin ndo veꞌe ñuꞌu ta köo ya ndikan ndo xiꞌin i. Sundi vitin ti̱ndaa hora ya taxi Ndioxi ikan ndo ya kúni mií ndo, chi kiti nǎꞌa kaꞌnda chiñu nuu ndóꞌo̱ ñuu ivi yóꞌó tiempo vitin ―káchi Jesús xiꞌin nda.

San Lucas 22:53 Mawu Ofanana

San Mateo 21:23

Tá ndi̱xaa Jesús yeꞌe veꞌe ñuꞌu kaꞌnu, ta saa xa̱á ra sínaꞌa ra naꞌa. Tá sínaꞌa ra na, saa ku̱yati nda naꞌnu nuu sutu xiꞌin nda xikuaꞌa nuu na judío, saa ndi̱ndakan tuꞌun ñaꞌa nda, káchi nda: ―¿Míí ke̱e ichí ya íkan un saa? ¿Unku na ta̱xi ichí ndaꞌa un ikan un saa? ―káchi nda xiꞌin ra.

San Lucas 22:52

Ta saa ndi̱kaꞌan ra xiꞌin nda sutu naꞌnu ikán tin nda policía ndáa veꞌe ñuꞌu xiꞌin inka na xikuaꞌa na ndi̱xaa tiin ñaꞌa, káchi ra saa: ―¿Ndachu ndíso ndo i̱chi xiꞌin itun vaxi ndo tiin ndo yeꞌe? ¿Án ra kuiꞌna ku i kua?

San Lucas 22:54

Ñaa ti̱in nda Jesús kuaꞌan ra xiꞌin nda veꞌe ra sutu, ra ínuu nuu ndiꞌi sutu. Saa ndíkun ra Pedro, xíka xíka ndíkun ra kuaꞌan ra sata Jesús.

San Juan 12:27

Saa ndi̱kaꞌan ka Jesús, káchi ra saa: ―Ta vitin yáꞌa ni ndíꞌi ini i, saa xíka ni ini i unkua nduku i nuu Ndioxi. ¿Án vaꞌa ka kaꞌan i xiꞌin Iva i ya sikaku ra yeꞌe xaꞌa ya kundoꞌo i vitin? Ta küvi kaꞌan i saa xiꞌin ra, chi xaꞌa ya kuvi i kua vaxi i ñuu ivi yóꞌó ―káchi Jesús.

San Juan 13:30

Tá xi̱xi ra iin yuꞌu loꞌo, ta ndikun ke̱ta ra kuaꞌan ra, ta xa ñǔu kua.

San Juan 14:30

’Ta soo uvi ndaa tuꞌun káꞌan i xiꞌin ndo, chi xa vaxi kiti nǎꞌa, kiti xáꞌnda chiñu nuu na ñuu ivi yóꞌó. Ta nda loꞌo köo xáꞌnda chiñu ri nuu yeꞌe.

San Juan 7:30

Ta saa ku̱ni na tiin na ra chikaa na veꞌe kàà, sundi nda iin na köo ndi̱tiin ñaꞌa chi täꞌan tindaa kivi ya chi̱tuni Ndioxi.

San Juan 7:45

Saa ndi̱ko koo na ndáa veꞌe ñuꞌu kuaꞌan na nuu nda fariseo xiꞌin nda naꞌnu nuu sutu, saa ndi̱kaꞌan na ikán xiꞌin nda káchi na saa: ―¿Ndachu köo ndi̱tiin ndo ra kixi xiꞌin ndo? ―káchi nda.

Los Hechos 26:18

ya kuna un nuu na, sindiko koo un na kixi na nuu i, nuu yéꞌe̱, saa saña na ndaꞌa ndee kiti nǎꞌa ta ndikundikun na ichí Ndioxi, kandixa na yeꞌe saa xaa kaꞌnu ini Ndioxi xaꞌa kuachi na, saa kuchiñu na koo na xiꞌin na i̱í na ndíkun ichí i”, káchi Jesús xiꞌin i ―ka̱chi ra Pablo xiꞌin ra rey Agripa.

Efesios 6:12

Ta süvi xiꞌin na taꞌan mií yo kua kánitaꞌan yo, chi xiꞌin tachi nduvaꞌa ya ndee ni naꞌnu tin ndiꞌi ni kúu ya kúu mií chiñu xáꞌnda chiñu ndiꞌi ñaꞌñu xiꞌin ka inka nuu ndiꞌi ndee kiti nǎꞌa ya íyo nuu naá ñuu ivi yóꞌó tin xiꞌin ya íyo nìnu nuu sukun ni ñuu ivi yóꞌó kua kánitaꞌan yo.

Colosenses 1:13

Ndioxi ku ra sa̱ña ndika yoo nuu ndee ya xáꞌnda chiñu nuu naá. Ta si̱yaꞌa ra yoo ndi̱kiꞌvi yo ndikundoo yo xiꞌin ra nuu xáꞌnda chiñu Seꞌe ra, ra kúꞌvi ni ini ra xíni ra.