San Lucas 22:52 - Xochapa Mixteco

⁵² Ta saa ndi̱kaꞌan ra xiꞌin nda sutu naꞌnu ikán tin nda policía ndáa veꞌe ñuꞌu xiꞌin inka na xikuaꞌa na ndi̱xaa tiin ñaꞌa, káchi ra saa: ―¿Ndachu ndíso ndo i̱chi xiꞌin itun vaxi ndo tiin ndo yeꞌe? ¿Án ra kuiꞌna ku i kua?

San Lucas 22:52 Mawu Ofanana

San Mateo 26:47

Saa káꞌan ka ra, ta ndi̱xaa ra Judas taꞌan nda uxi uvi ítaꞌan xiꞌin ra ku ra. Kuaꞌa ni naꞌa ndi̱xaa xiꞌin ra ikán, ta ndíso na i̱chi ndi̱xaa na, saa ndíso tu na carroti va ndi̱xaa xiꞌin na. Na xikuaꞌa nuu na judío xiꞌin nda naꞌnu nuu sutu ku nda ti̱ꞌvi nda ikán kuaꞌan nda tiin nda Jesús.

San Mateo 26:55

Saa ndi̱kaꞌan Jesús xiꞌin nda ikán, káchi ra saa: ―¿Án vaxi ndo xiꞌin ñaꞌa xiín xiꞌin carroti tiin ndo yeꞌe, tá kuꞌva íkan ndo xiꞌin na kuiꞌna, saa íkan ndo xiꞌin i? Ndiꞌi saa kivi ndi̱xiyo i si̱naꞌa i naꞌa veꞌe ñuꞌu kaꞌnu, ta köo ndi̱tiin ndo yeꞌe.

San Lucas 22:37

Chi vitin kua ti̱ndaa kivi ya xaa ndúvi i ya ta̱a iin ra ndi̱kaꞌan ndoso tuꞌun yuꞌu Ndioxi, káchi ya saa: “Tá kuꞌva ndóꞌo iin ra väꞌa, ra xáꞌni ndii saa kundoꞌo i”, káchi ya ta̱a ra xaꞌa i. Saa chi ndiꞌi ya íyo xaꞌa i ta xinu ndiꞌi ya ―káchi Jesús xiꞌin nda.

San Lucas 22:4

Ñaa ke̱e ra ndi̱xaꞌan ra nuu nda sutu naꞌnu tin nda naꞌnu nuu policía nda ndáa veꞌe ñuꞌu. Ndi̱xaꞌan ra ndi̱kaꞌan ra xiꞌin nda ndá kuꞌva ikan ra nditaxi ra Jesús ndaꞌa nda.

San Lucas 22:51

Saa ndi̱kaꞌan Jesús xiꞌin ra, káchi ra saa: ―Xa vaꞌa, këꞌe ka ndo nda ―káchi ra xiꞌin nda. Saa ku̱yati ra ti̱in ndaa ra soꞌo ra moso ikán si̱tiin taꞌan ra ya, si̱ndaꞌa ñaꞌa ra.

San Lucas 22:53

Ndiꞌi saa kivi ndi̱xiyo i xiꞌin ndo veꞌe ñuꞌu ta köo ya ndikan ndo xiꞌin i. Sundi vitin ti̱ndaa hora ya taxi Ndioxi ikan ndo ya kúni mií ndo, chi kiti nǎꞌa kaꞌnda chiñu nuu ndóꞌo̱ ñuu ivi yóꞌó tiempo vitin ―káchi Jesús xiꞌin nda.

San Juan 17:12

Tá ndi̱xiyo i ñuu ivi yóꞌó xiꞌin na ta xi̱ndaa i na ta̱xi un ndaꞌa i, xi̱ndaa i na xiꞌin ndee kúu mií kivi un. Ta nda iin na köo ndi̱kindaa na ndaꞌa i. Iindaa ra xa íyo tuꞌun xaꞌa ndiꞌi xaꞌa ku ra ndi̱ꞌi xaꞌa, saa ndi̱xinu ya káꞌan tuꞌun Ndioxi ya ta̱a na xinaꞌa.

Los Hechos 5:26

Saa ke̱e ra ínuu nuu na policía kuaꞌan ra xiꞌin na policia, ndikuiso tuku ñaꞌa nda. Sundi köo ndi̱xiin nda xaa nduvaꞌa nda xiꞌin nda xaꞌa ya íꞌvi nda nuu naꞌa, chi sana ndikitaꞌan ndiꞌi na ta kaꞌni ñaꞌa na xiꞌin yu̱ú, káꞌán nda.