San Lucas 22:50 - Xochapa Mixteco

⁵⁰ Ñaa ndikun ndi̱xaꞌan iin ra ítaꞌan xiꞌin Jesús xa̱ꞌnda ra soꞌo kuaꞌá iin ra moso ra xáa chiñu nuu sutu, ra ínuu nuu ndiꞌi nda sutu.

San Lucas 22:50 Mawu Ofanana

San Marcos 14:47

Saa ta̱va iin ra ítaꞌan xiꞌin Jesús i̱chi̱ ra, ta xa̱ꞌnda ra iin soꞌo ra kúu moso nuu sutu, ra ínuu nuu ndiꞌi sutu.

San Lucas 22:49

Saa xi̱ni nda ndóo xiꞌin Jesús ya kundoꞌo nda ta ndi̱kaꞌan nda xiꞌin ra, káchi nda saa: ―Tata, ¿án kani nde na xiꞌin i̱chi? ―káchi nda.

San Lucas 22:51

Saa ndi̱kaꞌan Jesús xiꞌin ra, káchi ra saa: ―Xa vaꞌa, këꞌe ka ndo nda ―káchi ra xiꞌin nda. Saa ku̱yati ra ti̱in ndaa ra soꞌo ra moso ikán si̱tiin taꞌan ra ya, si̱ndaꞌa ñaꞌa ra.

ROMANOS 12:19

Ñani yo, xiꞌin kuꞌva yo, ndüku ndo kuꞌva ya sindiko koo ndo ya väꞌa nuu taꞌan ndo, chi mií Ndioxi ku ra chaꞌvi nuu naꞌa xaꞌa ya väꞌa íkan na xiꞌin ndo. Tá kuꞌva káꞌan tuꞌun mií ra, ya káchi saa: “Yeꞌe ku i kúu mií ichí ya xaa nduvaꞌa i xiꞌin naꞌa, chaꞌvi i na tá kuꞌva íkan na”, káchi Iva yo Ndioxi.

2 Corintios 10:4

Saa chi ndeꞌe, ta köo xíniñuꞌu nde taꞌan ndaꞌa chiñu ya xíniñuꞌu na ñuu ivi yóꞌó tá kánitaꞌan na, chi ndeꞌe, ta ndee Ndioxi va ku ya xíniñuꞌu nde ya kuchiñu sindiꞌi xaꞌa nde ndiꞌi ndee ya väꞌa, ya ndíkuita kánitaꞌan xiꞌin nde.