San Lucas 22:45 - Xochapa Mixteco

⁴⁵ Saa tá si̱ndiꞌi ra ndi̱kaꞌan ra xiꞌin Ndioxi, ta ndi̱ko koo ra ndi̱xaa ra nuu ndóo nda ítaꞌan xiꞌin ra. Ta köo ndi̱kundee ka ini nda xiꞌin ya suchi ini, ñaa ndi̱naa ini nda ndi̱kixi nda.

San Lucas 22:45 Mawu Ofanana

San Mateo 26:40

Saa ndi̱ko koo ra ndi̱xaa ra nuu ndóo uni saa nda ítaꞌan xiꞌin ra, ta ndi̱taꞌan ra nda ndóo nda kíxi nda. Saa ndi̱kaꞌan ra xiꞌin ra Pedro, káchi ra saa: ―¿Án nda iin hora loꞌo vi köo ndi̱kuchiñu ndo kundito ndo xiꞌin i? ―káchi ra xiꞌin nda.

San Mateo 26:43

Saa ndi̱ko koo tuku ra ndi̱xaa ra nuu ndóo nda ítaꞌan xiꞌin ra, ta ndi̱taꞌan tuku ra nda ndóo nda kíxi nda, chi kúni kusun ni nda.

San Marcos 14:37

Saa ndi̱ko koo ra, ta ndi̱taꞌan ra nda ítaꞌan xiꞌin ra ndóo nda kíxi nda. Saa ndi̱kaꞌan ra xiꞌin ra Pedro, káchi ra saa: ―¿Án kíxi va un, Simón? ¿Án nda iin hora loꞌo köo ndi̱kuchiñu un kundito un?

San Lucas 22:44

Ta ndíꞌi ka vi ini ra, ndinuni loꞌo káꞌan ra xiꞌin Ndioxi, ndakua ndi̱xinu titiin nuu ra. Ndoo ka vi rá kóyo vaxi nùù nuu ra. Tá íin koꞌndo nduta nií, saa íin rá kóyo nuu ñuꞌú.

San Lucas 22:46

Saa ndi̱kaꞌan ra xiꞌin nda, káchi ra saa: ―¿Ndachu ndóo ndo kíxi ndo? Kuandikoo ndo kaꞌan ndo xiꞌin Ndioxi, ya ná ndïkava ndo ndaꞌa ya väꞌa, ya kuni koto ndoso ndóꞌo̱ ―káchi ra xiꞌin nda.