San Lucas 22:35 - Xochapa Mixteco

³⁵ Saa ku̱u ta ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Ndikaꞌán ndo, yachi tá ti̱ꞌvi i ndóꞌo̱ ndi̱xika ndo ndi̱kaꞌan ndoso ndo tuꞌun Ndioxi xiꞌin naꞌa iin iin ñuu, ta köo leka ndo ndi̱xaꞌan xiꞌin ndo, ni xuꞌun, ni nduxan ya ndinama ndo köo ndi̱xaꞌan xiꞌin ndo, ta ¿án ndá ñaꞌa ku̱mani nuu ndo? ―káchi ra xiꞌin nda. Saa ndi̱kuiin nda, káchi nda saa: ―Nda iin ñaꞌa köo ndi̱kumani nuu nde, Tata ―káchi nda.

San Lucas 22:35 Mawu Ofanana

San Lucas 10:4

Ta küniꞌi ndo leka ndo kuꞌun xiꞌin ndo, ni xuꞌun küꞌun xiꞌin ndo, ni nduxan küꞌun xiꞌin ndo. Ta ni kündita ndo ichí ya kaꞌan ndioxi ndo xiꞌin nda iin naꞌa.

San Lucas 22:34

Saa ndi̱kuiin Jesús káꞌan ra xiꞌin ra, káchi ra saa: ―Küchiñu un ikan un ya káꞌan un xiꞌin i. Ñûu vitin tá täꞌan ka kana nduxi ta xa uni ichí vi ndikuaa un yeꞌe, ya köo xíni un yeꞌe, kachi un ―káchi Jesús xiꞌin ra.

San Lucas 22:36

Saa ndi̱kaꞌan ra xiꞌin nda, káchi ra saa: ―Ta vitin síin káa ya káꞌan i xiꞌin ndo, tá ndá ndóꞌo̱ íyo bolsa án ndá ka ñaꞌa ta kuniꞌi ndo ya ná kuꞌun ya xiꞌin ndo. Tá ndá ndóꞌo̱ köo i̱chi ta xiko ndo tikachi ndo ná kana xuꞌun sata ndo i̱chi ndo.

San Lucas 9:3

Tá täꞌan kuꞌun nda ta ndi̱kaꞌan ka ra xiꞌin nda, káchi ra saa: ―Kuáꞌan ndo, ta nda iin ñaꞌa küꞌun xiꞌin ndo. Küniꞌi ndo itun, ni leka, ni xita, ni xuꞌun, ni tikoto ndo ya ndinama ndo küꞌun xiꞌin ndo. Nda iin ñaꞌa küꞌun xiꞌin ndo.

2 Corintios 8:15

Chi saa kua káꞌan tuꞌun Ndioxi, káchi ya saa: Naꞌa, na ndi̱kuiso kuaꞌa ni ñaꞌa, ta köo ndi̱ndoo ndoso ya nuu na. Ni naꞌa, na ndi̱kuiso loꞌo ya, ta köo ya ndíkumani nuu na.