San Lucas 22:33 - Xochapa Mixteco

³³ Saa ndi̱kuiin ra, káchi ra saa: ―Tata, xa íyo ndúvi va i kuꞌun i xiꞌin un tá tu veꞌe kàà ná kuꞌun un ta kuꞌun i xiꞌin va un, án yóꞌo̱ kuvi ku un ta kuvi i xiꞌin va un ―káchi ra.

San Lucas 22:33 Mawu Ofanana

San Mateo 20:22

Saa ndi̱kuiin Jesús káꞌan ra xiꞌin yá, káchi ra saa: ―Nana, ni köo kúndaa ini ndo unkua ndúku ndo nuu i. ¿Án kuchiñu ndo koꞌo ndo vaso nuu koꞌo i ta kuchi ndo tá kuꞌva kuchi i? ¿Án xáꞌa ndee ini ndo ndoꞌo ndo xiꞌin i? Chi yeꞌe ta yáꞌa ni vi ndee tixuꞌvi i? ―káchi ra xiꞌin nda. Saa ndi̱kuiin nda, káꞌan nda: ―Kuchiñu va nde, Tata ―káchi nda xiꞌin ra.

San Marcos 14:29

Saa ndi̱kuiin ra Pedro, káꞌan ra, káchi ra saa: ―Vani ndiꞌi nda ná kunu kuꞌun, ta sindoo ndaꞌa mií nda yóꞌo̱, sundi yeꞌe ta sïndoo i yóꞌo̱ ―káchi ra xiꞌin Jesús.

San Marcos 14:31

Ta ndee ni ndinuꞌu ini ra káꞌan tuku ra xiꞌin Jesús, káchi ra saa: ―Tata, vani nda kuvi i xaꞌa un, sundi ndïkuaa i yóꞌo̱ ―káchi ra. Tá ndi̱kaꞌan ra ikán, saa ndi̱kaꞌan ndiꞌi nda.

San Lucas 22:34

Saa ndi̱kuiin Jesús káꞌan ra xiꞌin ra, káchi ra saa: ―Küchiñu un ikan un ya káꞌan un xiꞌin i. Ñûu vitin tá täꞌan ka kana nduxi ta xa uni ichí vi ndikuaa un yeꞌe, ya köo xíni un yeꞌe, kachi un ―káchi Jesús xiꞌin ra.

San Lucas 22:57

Saa ndi̱kuiin ra Pedro káꞌan ra, káchi ra saa: ― Süvi ya ndaa kua, köo xíni i ra ñaa ―káchi ra xiꞌin yá.

San Juan 13:38

Saa ndi̱kuiin Jesús, káchi ra saa: ―¿Án ndixa ku un, íyo tuꞌva un ya kuvi un xaꞌa i? Ya ndixa kua káꞌan i xiꞌin un, ñǔu vitin, ta xa uni ichí vi ndikuaa un ya köo xíni un yeꞌe, saa kana chele ―káchi Jesús xiꞌin ra Pedro.

Los Hechos 21:13

Ta ndi̱kuiin ra, káchi ra saa: ―Küaku ndo chi nda yeꞌe kúchiꞌña ini íkan ndo. Tá ti̱in na yeꞌe ka̱tun na, ta vaꞌa ná tiin va na yeꞌe, chi yeꞌe ta xa íyo tuꞌva i kundoꞌo i xaꞌa Tata yo Jesús, vani kaꞌni na yeꞌe xaꞌa va ra ―káchi ra xiꞌin na.