San Lucas 22:31 - Xochapa Mixteco

³¹ Saa ndi̱kaꞌan Jesús xiꞌin ra Pedro, káchi ra saa: ―Yóꞌo̱, Simón Pedro, kuni soꞌo vaꞌa un ya káꞌan i xiꞌin un, chi kiti nǎꞌa, kiti Satanás ta xa ndu̱ku ri ichí nuu Ndioxi ya koto ndoso ri ndiꞌi ndo. Tá íkan naꞌa xiꞌin trigo na kísi niꞌnu na ya, saa ikan ri xiꞌin ndo.

San Lucas 22:31 Mawu Ofanana

San Mateo 26:30

Tá ndiꞌi xi̱ta nda yaa nuu xa̱a kaꞌnu nda Ndioxi, saa ke̱e nda kuaꞌan nda xiki náni itun Olivo.

San Mateo 4:10

Saa ndi̱kuiin Jesús, ndi̱kaꞌan ra xiꞌin ri, káchi ra saa: ―¡Kuataꞌa, keta kuáꞌan, kiti nǎꞌa! saa chi tuꞌun Ndioxi káchi ya saa: “Ndisaa Ndioxi xaa toꞌo naꞌa, ta ndisaa mií ra kandixa na”, káchi tuꞌun ra ―káchi Jesús xiꞌin kiti nǎꞌa.

San Lucas 10:41

Saa ndi̱kuiin Jesús káꞌan ra xiꞌin yá: ―Marta, Marta, ya ndaa ndixa kua ndíꞌi ni ini un xáa chiñu un chi íyo ni chiñu nuu un ya síndiꞌi ni yóꞌó.

Los Hechos 9:4

Saa ndu̱va ra kuaꞌan ra nuu ñuꞌú, ta xi̱ni soꞌo ra iin tachi taa káꞌan ya xiꞌin ra, káchi ya saa: ―Saulo, Saulo, ¿ndachu xíka un sítixuꞌvi un yeꞌe? ―káchi ra xiꞌin ra.

1 Corintios 5:5

Ta ñaa nditaxi ndo ra ndaꞌa kiti nǎꞌa ya ná ndiꞌi xaꞌa ikin kuñu ra xaꞌa ya väꞌa íkan ra, ta saa kuchiñu kaku ya vaꞌa ra kivi tá ná ndiko koo Tata yo Jesucristo kixi ra.

2 Corintios 2:11

Ta vaꞌa ná ndikiꞌin mani yo ra, ya ná täxi yo sindaꞌvi kiti nǎꞌa yo, saa chi xa ndiꞌi yo xíni ndá kuꞌva kua xáa chiñu ri.

1 Pedro 5:8

Ta káxin teꞌe koo ini ndo, küsun ndo, kundito ndo, saa chi kiti nǎꞌa, ri kánitaꞌan xiꞌin ndo ta ndá yokan ndíkun ri xíka ri sata ndo. Tá kuꞌva íkan kiti lion, ri ndee ni ndíkun xíka ndúku tiin kiti kaxi ri, kuꞌva saa íkan kiti nǎꞌa xiꞌin ndo.

El Apocalipsis 12:10

Saa xi̱ni soꞌo i tachi na nuu ndivi, ndee ka vi ndi̱kaꞌan ya káchi ya saa: Vitin ti̱ndaa kivi ya sikaku Ndioxi naꞌa, na ndíkun sata ra. Saa ti̱ndaa tu kivi ya sinaꞌa ra, ya iin mituꞌun mií ra kúu mií ndee ya chee ni. Ta vitin xáa ra kaꞌnda chiñu ra nuu ndiꞌi ni kúu na ñuu ivi. Saa tu Jesucristo, ra ti̱ꞌvi Ndioxi sikaku naꞌa, ndi̱kiꞌin ra ichí, íyo ya ndaꞌa ra, ya kaꞌnda chiñu ra nuu ndiꞌi ni kúu na ñuu ivi. Saa chi kiti nǎꞌa, ta xa ta̱va na ri nuu ndivi. Chi ri ikán ku ri táxi ni kuachi xaꞌa nda ñani yo xiꞌin kuꞌva yo, na ndíkun Tata yo Jesucristo. Nduvi niuun táxi ri kuachi xaꞌa na nuu Ndioxi.