San Lucas 22:22 - Xochapa Mixteco

²² Vaꞌa ka vi yeꞌe Taa ra xa̱a ñuu ivi yóꞌó kuꞌun i tá kuꞌva chi̱tuni mií Ndioxi kundoꞌo va i, sundi ndaꞌvi ni va mií ra nditaxi yeꞌe ndaꞌa na sáa ini xíni yeꞌe, saa chi ndoꞌo ni ra ―káchi Jesús xiꞌin nda.

San Lucas 22:22 Mawu Ofanana

San Mateo 26:24

Yeꞌe kuu Taa, ra xa̱a ñuu ivi yóꞌó, ta ndixa kua xíniñuꞌu kuvi i, tá kuꞌva káꞌan tuꞌun Ndioxi ya ta̱a nda profeta xaꞌa i xinaꞌa. Sundi ¡ndaꞌvi ni taa ra ndixiko vata yeꞌe nuu na sáa ini xíni yeꞌe! Vaꞌa ni ka kua tá ná käku va ra, ndikuu ―káchi Jesús xiꞌin nda.

San Mateo 27:5

Saa ki̱ꞌin ra xuꞌun xa̱ta ra ini veꞌe ñuꞌu, ta ndi̱kiꞌin ra kuaꞌan ra. Ikán si̱koꞌni ndaa ra mií ra.

San Marcos 14:21

Ya ndaa kua yeꞌe, Taa ra xa̱a ñuu ivi yóꞌó, ta xíniñuꞌu ndoꞌo ni i, saa kuvi i, tá kuꞌva íyo ya xa ta̱a na xaꞌa i xinaꞌa, saa kundoꞌo i kuvi i. Sundi ndaꞌvi ni ra ndixiko vata yeꞌe nuu na sáa ini xíni yeꞌe. Vaꞌa ka kua tá tu köo ndi̱kaku ra, ndikuu ―káchi Jesús.

San Lucas 22:23

Saa xa̱á nda ndákan tuꞌun taꞌan nda kúni nda kundaa ini nda unku nda ikan saa xiꞌin Jesús.

San Lucas 24:46

Ta ndi̱kaꞌan ra xiꞌin na, káchi ra saa: ―Soꞌva káꞌan tuꞌun Ndioxi ya ta̱a na xinaꞌa: “Ra Cristo, ra ndi̱kaxin Ndioxi sikaku na ñuu ivi yóꞌó ta xíniñuꞌu ra ndoꞌo ni ra ta kuvi ra, sundi kivi uni nditaku ra.

San Juan 17:12

Tá ndi̱xiyo i ñuu ivi yóꞌó xiꞌin na ta xi̱ndaa i na ta̱xi un ndaꞌa i, xi̱ndaa i na xiꞌin ndee kúu mií kivi un. Ta nda iin na köo ndi̱kindaa na ndaꞌa i. Iindaa ra xa íyo tuꞌun xaꞌa ndiꞌi xaꞌa ku ra ndi̱ꞌi xaꞌa, saa ndi̱xinu ya káꞌan tuꞌun Ndioxi ya ta̱a na xinaꞌa.

Los Hechos 10:42

Ta ti̱ꞌvi ra ndeꞌe kaꞌan ndoso nde tuꞌun Ndioxi tin ndituꞌun nde xiꞌin na xaꞌa Jesús chi ndaꞌa ra ikán kua ta̱xi Ndioxi ichí ya taxi ra kuachi xaꞌa na íyo kuachi ta saña ra na köo kuachi, saa ikán ra xiꞌin na táku tin na ndíi.

Los Hechos 17:31

Chi Ndioxi ta xa ndi̱kaxin ra Jesús, Seꞌe ra ya kixi ra iin kivi ya xaa nani ra kuachi xiꞌin ndiꞌi na ñuu ivi, ta nina xiꞌin ya ndaa ikan ra saa xiꞌin na. Chi Ndioxi ta̱xi ra xi̱ni ndiꞌi na ñuu ivi tá kivi si̱taku ra Jesús tañu na ndíi ―káchi ra Pablo xiꞌin na.

Los Hechos 2:23

Sundi tá ti̱in ndo Jesús ta xa xíni va Ndioxi unkua kundoꞌo ra, chi tá íyo ya chi̱tuni Ndioxi, saa íyo ndiꞌi ya ndo̱ꞌo ra. Ta ndóꞌo̱ xa̱ꞌni ndo ra chi ta̱xi ndo ra ndaꞌa naꞌa na väꞌa, ta̱xi ndo xa̱ꞌni ñaꞌa na Roma. Saa ndi̱xiyo yuꞌu ndo xiꞌin na, chi̱nuu na ra nuu itun cruzin ta ikán ndi̱xiꞌi ra.

1 Pedro 1:11

Ta Tachi ya kúu mií Cristo, ra ndi̱kaxin Ndioxi kixi ndoꞌo ni xaꞌa yo kua ta̱xi xiní ndaꞌa nda ndi̱kaꞌan tuꞌun yuꞌu Ndioxi, ya kundaa ini nda xaꞌa ñaꞌa ya chee ni kuu mií ra kixi kivi vaxi, ta ndu̱ku ni tu nda kuꞌva kundaa ini nda xaꞌa ra ndá taa kuu ra, ta saa ndu̱ku tu nda kundaa ini nda ndá kivi kua kixi ra.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.