San Lucas 22:19 - Xochapa Mixteco

¹⁹ Sindiꞌi ta ki̱ꞌin ra iin xita vaꞌa, saa ta̱xi ra tixaꞌvi ndaꞌa Ndioxi. Tá ndiꞌi ta̱xi ra tixaꞌvi ndaꞌa Ndioxi, saa ta̱ꞌvi ra ya, ta ndi̱kaꞌan ra xiꞌin nda, káchi ra saa: ―Xita vaꞌa yóꞌó ku kuñu i, ya taxi i xaꞌa kuachi ndo, ta ikan ndo tá íkan i vitin ya ndikaꞌán ini ndo xaꞌa i ―káchi ra xiꞌin nda.

San Lucas 22:19 Mawu Ofanana

San Mateo 14:19

Ñaa ndi̱kaꞌan ra xiꞌin na, ya ndikundoo na nuu iku kuii. Saa ti̱in ra uꞌun xita vaꞌa ikán xiꞌin uvi saa tiaka, ta nda̱niꞌi nuu ra nuu ndivi ta̱xi ra ndi̱xaꞌvi ndaꞌa Ndioxi, saa ta̱ꞌvi ra ya ta̱xi ra ya ndaꞌa nda ítaꞌan xiꞌin ra, ta nda ikán ndi̱taꞌvi ya xiꞌin naꞌa.

San Mateo 15:36

Ñaa ti̱in ra uxa xita vaꞌa xiꞌin tiaka ikán, ta ta̱xi ra tixaꞌvi ndaꞌa Ndioxi. Saa ta̱ꞌvi ra xita vaꞌa ikán xiꞌin kiti tiaka vali. Ñaa ta̱xi ra ya ndaꞌa nda ítaꞌan xiꞌin ra, ndi̱taꞌvi nda ikán ya xiꞌin na.

San Lucas 22:17

Saa ti̱in ra iin copa vinu ta ta̱xi ra tixaꞌvi ndaꞌa Ndioxi. Tá ndiꞌi ta̱xi ra tixaꞌvi ndaꞌa Ndioxi, saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Siyaꞌa ndo rá ndaꞌa taꞌan ndo, ta loloꞌo rá koꞌo iin iin ndo xiꞌin taꞌan ndo.

San Lucas 22:20

Tá si̱ndiꞌi nda xi̱xi nda, saa ti̱in ra copa vinu ikán ta ndi̱kaꞌan ra xiꞌin nda, káchi ra saa: ―Nduta vinu yóꞌó ku iin trato ya xa̱á ki̱ndoo Ndioxi xiꞌin ndo vitin chi rá yóꞌó ku nií i rá kuita xaꞌa ndiꞌi ndo.

San Lucas 24:30

Tá ndi̱kundoo nda kuxi nda nuu mesa, ta ti̱in Jesús xita vaꞌa, xa̱á ra táxi ra tixaꞌvi ndaꞌa Ndioxi xaꞌa ya. Tá si̱ndiꞌi ra ta̱xi ra tixaꞌvi ndaꞌa Ndioxi, ta saa ta̱ꞌvi ra ya ta̱xi ra ndaꞌa nda kuxi nda.

San Juan 6:23

Saa kúu ta ndi̱xaa ka barco tun ke̱e ñuu Tiberias, ndi̱xaa nu yati yuꞌu tikuii ikán, nuu ta̱xi Jesús xita vaꞌa xi̱xi na yachi, tá ta̱xi ra tixaꞌvi ndaꞌa Ndioxi,

San Juan 6:51

Mií yeꞌe ku xita vaꞌa ya táku ya nùù nuu ndivi, ndiꞌi na xíxi xita vaꞌa yóꞌó ta nda iin ichí ndïꞌi xaꞌa na. Ta xita vaꞌa ya táxi i ndaꞌa na ku ikin kuñu i, ya soko i xaꞌa ndiꞌi na ñuu ivi yóꞌó ya kutaku na ―káchi Jesús xiꞌin na.

1 Corintios 10:16

Xa xíni ndo chi ya ndíkitaꞌan yo xiꞌin Cristo kua xíꞌi yo nduta vino, chi ndi̱xita nií ra xaꞌa yo yakan vaꞌa ndíkitaꞌan yo xiꞌin ra. Saa tu tá xíxi yo xita vaꞌa, chi ta̱xi ra ikin kuñu ra xaꞌa yo, yakan vaꞌa ndíkitaꞌan yo xiꞌin ra.

1 Corintios 10:4

Ta ndiꞌi na xii sikua yo, iin káchi xi̱ꞌi ndiꞌi na tikuii nduta ta̱xi Ndioxi ndaꞌa na. Nduta ka̱na koo tixin yu̱ú chee ni ya kuaꞌan xiꞌin na ku rá xi̱ꞌi na, chi yu̱ú kaꞌnu ikán ta tá káa Jesucristo saa ndi̱xiyo ya.

Gálatas 1:4

Chi Tata yo Jesucristo ta ndi̱taxi ra mií ra ndi̱xiꞌi ra xaꞌa kuachi yo, xaꞌa ya saa chi̱tuni mií Iva yo Ndioxi, ya kuchiñu yo kaku yo nuu ya väꞌa, ya xáꞌnda chiñu ñuu ivi yóꞌó, nuu ndóo yo tiempo vitin.

Gálatas 4:25

Ta yá Agar ku yá ndínaꞌa iku ya Sinaí ndíkaa chí Arabia, ta iku ikán kua ndínaꞌa ñuu Jerusalén vitin ya íyo tá kuꞌva íyo naꞌa, na xáa chiñu xiꞌin ya nduxa.

Efesios 5:2

Tá kuꞌva íkan Cristo xiꞌin yo, kúꞌvi ni ini ra xíni ra yoo, ta saa xíniñuꞌu ndóꞌo̱ kuꞌvi ni ini ndo kuni taꞌan ndo. Chi xaꞌa ya kúꞌvi ni ini ra xíni ra yoo kua ndi̱soko ra mií ra xaꞌa yo. Tá kuꞌva íkan naꞌa, sóko na kiti levo loꞌo nuu Ndioxi ya xíxi ri nuu ra, saa kuandaa xiko ya támi ni xáꞌan nuu ra. Ta saa i̱kan Cristo xiꞌin yo tá ndi̱xiꞌi ra, ta nda̱a xiko tami ni xaꞌan nuu Ndioxi.

1 Tesalonicenses 5:18

Ndiꞌi saa ichí taxi ndo tixaꞌvi ndaꞌa ra xaꞌa ndiꞌi ñaꞌa, saa chi saa kúni Ndioxi ikan ndo xaꞌa ya ndíkun ndo Jesucristo.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

1 Pedro 2:24

Tá ndi̱xiꞌi Cristo nuu itun cruzin ta nuu nu ikán kua ndi̱kundiso ndiꞌi ra kuachi yo to̱so ra ya sata ikin kuñu ra kuaꞌan ya xiꞌin ra. I̱kan ra saa xiꞌin yo ya ná köo ka ndee kuu mií kuachi yo ya kaꞌnda chiñu ka ya nuu yo, saa kutaku yo ikan yo ya vaꞌa. Xaꞌa ya ndo̱ꞌo ni ra yakan si̱ndaꞌa ra yoo.