San Lucas 22:15 - Xochapa Mixteco

¹⁵ Saa ndi̱kaꞌan ra xiꞌin nda, káchi ra saa: ―Yachi vi kúni ni i kuxini i xiꞌin ndo viko pascua yóꞌó. Ta vitin kua ti̱ndaa kivi ya kuxini i xiꞌin ndo yachi ka tá täꞌan kundoꞌo ni i.

San Lucas 22:15 Mawu Ofanana

San Lucas 12:50

Ndíkani ni ini i xaꞌa ya ndee ni kundoꞌo i, ta xaꞌa ya ikán kua nduu i tá káa ra chíchi nuu Ndioxi. Ta nda vitin ta ndíꞌi ni ini i ndátun i nda kivi ná xinu koo tiempo ya kuu saa.

San Lucas 22:14

Ñaa tá ti̱ndaa hora kuxini na, ta xa̱a Jesús ndi̱kunduꞌu ra nuu mesa xiꞌin nda ítaꞌan xiꞌin ra.

San Lucas 22:16

Saa chi inka pascua ya vaxi ta köo ka i kuxini xiꞌin ndo. Sundi nda ná xinu ndiꞌi ya kúni kaꞌan viko yóꞌó, nda saa kuxini i xiꞌin ndo nuu xáꞌnda chiñu Ndioxi ―káchi Jesús xiꞌin nda.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 17:1

Tá sindiꞌi Jesús ndi̱kaꞌan ra tuꞌun ikán, saa nda̱niꞌi nuu ra ndi̱koto ra nuu ndivi, ta saa ndi̱kaꞌan ra xiꞌin Ndioxi káchi ra saa: ―Tata Iva i Ndioxi, vitin ti̱ndaa kivi ya xaa kaꞌnu un yeꞌe kúu Seꞌe un, ta saa yeꞌe xaa kaꞌnu ni i yóꞌo̱.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.