San Lucas 21:36 - Xochapa Mixteco

³⁶ Xíniñuꞌu ndo koo nduvi ndo, ndinuni kaꞌan ndo xiꞌin Ndioxi ndiꞌi saa tiempo ya ná ndöꞌo ndo saa, ta kuchiñu ndo kaku ndo nuu ndiꞌi tindoꞌo ya vaxi ñuu ivi. Ta saa kuchiñu ndo kundita ndo ndikuiso ndo yeꞌe, Ra xa̱a ñuu ivi yóꞌó ―káchi Jesús xiꞌin na.

San Lucas 21:36 Mawu Ofanana

San Mateo 24:42

’Saa ndóꞌo̱, koo tuꞌva ndo saa chi köo xíni ndo maa kua ndiko koo yeꞌe, ra kúu Tata ndo, ra chee nuu ndo.

San Mateo 24:43

Ta kuñuꞌu vaꞌa ini ndo ya yóꞌó: Iin taa, tá xíni ra maa kua kiꞌvi na kuiꞌna sikuiꞌna na ñaꞌa veꞌe ra, ta ni küsun ra, koo ra kundaa ra veꞌe ra.

San Mateo 24:44

Saa ndóꞌo̱, xíniñuꞌu ndo koo tuꞌva ndo, saa chi iin kuu soꞌva ndiko koo Yeꞌe, Taa ra xa̱a ñuu ivi yóꞌó ―káchi Jesús xiꞌin na.

San Mateo 25:13

Saa ndi̱kaꞌan ka ra xiꞌin nda, káchi ra: ―Saa ndóꞌo̱, kundoo tuꞌva ndo chi köo xíni ndo ndá kivi kua, ni ndá hora kua ndiko koo yeꞌe Taa ra xa̱a ñuu ivi yóꞌó ―káchi ra xiꞌin nda.

San Mateo 26:41

Küsun ndo, kaꞌan ni ndo xiꞌin Ndioxi ya ná ndïkava ndo nuu ya väꞌa. Saa chi kúni ni va ndo ikan ndo ya vaꞌa, sundi vita ni va ini ndo ―káchi ra xiꞌin nda.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Marcos 13:33

’Yakan kua káꞌan i xiꞌin ndo, kuenta ni koo ndo ta koo tuꞌva ndo, kaꞌan ni ndo xiꞌin Ndioxi, saa chi köo xíni ndo maa kua tindaa hora ya ndiko koo i.

San Marcos 13:37

Ya káꞌan i xiꞌin ndóꞌo̱ ta xiꞌin ndiꞌi naꞌa káꞌan i: “¡Küsun ndo, kundito ndo!” ―káchi ra xiꞌin nda ítaꞌan xiꞌin ra.

San Lucas 1:19

Saa ndi̱kuiin tatun Ndioxi káchi ya saa: ―Yeꞌe Gabriel ku yeꞌe, ta ndiꞌi saa kivi ndíchi i nuu Ndioxi, íyo tuꞌva i kaka i chiñu nuu ra. Suvi ra ti̱ꞌvi yeꞌe vaxi i kaꞌan i tuꞌun vaꞌa yóꞌó xiꞌin un.

San Lucas 18:1

Sindiꞌi saa xa̱á Jesús ndítuꞌun ra xiꞌin nda ítaꞌan xiꞌin ra, ndíkani ra nuu nda ya ná kaꞌan ni nda xiꞌin Ndioxi, ta ná ndïko koo ini nda.

San Lucas 20:35

Sundi na kúu mií ichí, na ndi̱niꞌi taꞌvi kutaku kivi ikán, ta köo ka naꞌa tindaꞌa ni täxi na seꞌe na tindaꞌa ka na.

San Lucas 21:35

Saa chi tá káa yoꞌó ya síkuikun na kiti, iin kúu soꞌva tíin na ri, ta saa koo tindoꞌo ya vaxi sata na ñuu ivi yóꞌó.

Los Hechos 10:2

Ta káñuꞌu ni ra Cornelio Ndioxi saa tu na veꞌe va ra, káñuꞌu ni na Ndioxi. Saa chíndee ni ra na judío, na ndaꞌvi, ta káꞌan ni ra xiꞌin Ndioxi.

1 Corintios 16:13

Ñani yo xiꞌin kuꞌva yo, kuenta ni koo ndo, ta ndinuꞌu ni ini ndo kandixa ndo Tata yo Jesucristo. Kuu ïꞌvi ndo, ndaku koo nima ndo, ta tuun ni kundikun ndo Tata yo.

2 Corintios 4:14

Saa chi ndeꞌe, ta xíni nde ya si̱taku Ndioxi Jesús ta saa sitaku tu ra yoo va. Saa tu ndóꞌo̱ va, iin káchi sitaku ra ndiꞌi yo, ta saa kundaka ra yoo kuꞌun yo xiꞌin ra nuu íyo mií ra.

Colosenses 4:2

Ñani yo xiꞌin kuꞌva yo, xïkuiin ndo kaꞌan ni ndo xiꞌin Ndioxi, saa koo ndúvi ni ndo ndiꞌi saa kivi ya taxi ni ndo tixaꞌvi ndaꞌa ra.

1 Tesalonicenses 5:17

Kaꞌan ni ndo xiꞌin Ndioxi ndiꞌi saa ichí, xïkuiin ndo.

2 Timoteo 4:5

Sundi yóꞌo̱, ta kaxin teꞌe ni koo ini un, saa xaꞌa ndee ndiꞌi ini un xiꞌin ya tíxuꞌvi ni un xaꞌa Tata yo Jesucristo, ta ku ïꞌvi un kaꞌan ndoso un tuꞌun vaꞌa xaꞌa ra, saa vívií xaa súvi un chiñu ya ta̱xi Iva yo Ndioxi ndaꞌa un.

1 Pedro 4:7

Ta vaꞌa ná kundaa ini ndo chi xa yati ni va ndiꞌi xaꞌa ñuu ivi yóꞌó, yakan ndóꞌo̱ ta káxin teꞌe koo ini ndo, ta ndinuꞌu ni ini ndo kaꞌan ni ndo xiꞌin Ndioxi ndiꞌi saa kivi.

1 Pedro 5:8

Ta káxin teꞌe koo ini ndo, küsun ndo, kundito ndo, saa chi kiti nǎꞌa, ri kánitaꞌan xiꞌin ndo ta ndá yokan ndíkun ri xíka ri sata ndo. Tá kuꞌva íkan kiti lion, ri ndee ni ndíkun xíka ndúku tiin kiti kaxi ri, kuꞌva saa íkan kiti nǎꞌa xiꞌin ndo.

1 Juan 2:28

Ta káꞌan tuku i xiꞌin ndo ñani yo, ndóꞌo̱ ta tá íin seꞌe i na kúꞌvi ni ini i xíni i, saa íin ndo. Ta kutaꞌan vaꞌa ni ndo xiꞌin Tata yo Jesucristo ta saa tá ná ndiko koo ra ñuu ivi yóꞌó ta vaꞌa ni kuni ndo kuyati ndo nuu ra, kükaꞌan nuu ndo kuni ndo ra.

Judas 1:24

Ná xaa kaꞌnu ni yo Ndioxi chi ndee ni ndee kúu mií ra ya chindee ra yoo ya ná sïndikoo yo ichí ra ya ndaa kándixa yo. Ta vaxi kivi kundita yo nuu ra nuu íyo ndiꞌi ya kaꞌnu luvi ni. Saa ndasa vaꞌa ra yoo nduu yo naꞌa, na köo ka kuachi kúu mií nuu ra, ta yáꞌa ni kusini yo kivi ikán.

El Apocalipsis 11:4

Ta uvi saa nda káꞌan ndoso tuꞌun Ndioxi xiꞌin naꞌa ikán, tá íin uvi itun olivo án uvi kàà ya candelero, saa íin nda. Chi itun olivo ikán xiꞌin candelero ikán ta ndíta ya nuu Ndioxi, ra kúu xitoꞌo ñuu ivi yóꞌó.

El Apocalipsis 6:17

Saa chi vitin ndi̱xinu kivi nuu ndee ni kuu chi sáa ni Ndioxi xíni ra ndeꞌe, saa tu kiti Levo, sindiꞌi xaꞌa ri ndeꞌe xaꞌa kuachi nde. Ta nda iin na küchiñu kundee ini xiꞌin ya uꞌvi ni vaxi ―káchi na ikán.

El Apocalipsis 7:9

Sindiꞌi ikán saa ndi̱koto i, ta xi̱ni i íyo kuaꞌa ni naꞌa, yáꞌa ni kuaꞌa ku na, nda iin naꞌa küchiñu kaꞌvi na ikán. Na ikán ta ndiꞌi ni kúu xaꞌa ñuu ivi yóꞌó ka̱na koo na, na ke̱e ñuu naꞌnu tin ñuu vali, kuaꞌa ni nuu tuꞌun káꞌan ndiꞌi na. Ndíta ndiꞌi na ikán yati nuu ndíchi tai toꞌo nuu índuꞌu ra kaꞌnu xiꞌin Levo loꞌo. Yaa ka vi tikoto ndíxi ndiꞌi na, saa ndíso na ñu̱ú síkuiko na ya nuu ra xiꞌin kiti Levo loꞌo.

El Apocalipsis 8:2

Saa xi̱ni i uxa nda tatun Ndioxi ndíta nda yati nuu Ndioxi, saa ta̱xi ra iin itun trompeta ndaꞌa iin iin nda ikán.