San Lucas 21:28 - Xochapa Mixteco

²⁸ Tá xa̱á kúu ndiꞌi ya ndi̱kaꞌan i xiꞌin ndo ta kusini ndo ndikundita ndaku ndo ta ndaniꞌi xíni ndo chi xa ku̱yati ni tindaa kivi ya kixi i chindee i ndóꞌo̱ ta nda iin ka ya ndöꞌo ndo ―káchi Jesús xiꞌin na.

San Lucas 21:28 Mawu Ofanana

San Lucas 13:11

Saa ndíkaa iin yá kúꞌvi ini veꞌe ñuꞌu ikán. Xa ndi̱xinu xaꞌun uni kuiya kúu mií yá tachi nduvaꞌa. Ta xa̱a toso ñaꞌa ya, ni köo kúvi ka ndundaku sata yá.

San Lucas 18:7

Tá tu saa i̱kan ra ikán, ta ndisaa ka vi Ndioxi, ¿án chïndee ra na ndi̱kaxin ra tá ná kaꞌan na xiꞌin ra vitin taan? ¿Án ndïkuiin kama ra yuꞌu na?

San Lucas 21:29

Saa ndi̱kaꞌan ka ra iin tuꞌun ndíchi xiꞌin na káchi ra saa: ―Vaꞌa koto ndo ndaꞌa itun higo tá kúun kuiꞌi ndaꞌa nu án ndá ka itun.

ROMANOS 8:19

Ta vitin ndiꞌi ñaꞌa si̱kuaꞌa Ndioxi ndátun ni ya, ta kúni ya ná tindaa kíi kivi ya sinaꞌa Ndioxi ya kúu yo seꞌe ra.

ROMANOS 8:23

Ta süvi ndisaa ñaꞌa si̱kuaꞌa Ndioxi tíxuꞌvi, nda mií yo kándixa Jesucristo tíxuꞌvi ni. Saa chi tá táku ka yo ñuu ivi yóꞌó, ta xa ta̱xi Ndioxi Tachi I̱í ra ndaꞌa yo. Xiꞌin ya yóꞌó káꞌan ra xiꞌin yo niꞌi ka yo ñaꞌa ya ndi̱kaꞌan ra taxi ra ndaꞌa yo. Ta vitin ndátun yo tin xáku yaa mií yo, saa ndátun ni yo ya ndikuiso mani ra yoo nduu yo seꞌe ra ta saa ndasa xa̱á ra ikin kuñu yo.

Efesios 1:14

Ta Tachi I̱í ra ya íyo xiꞌin yo kua xiꞌna ta̱xi ra ndaꞌa yo ya káꞌan ra xiꞌin yo ya niꞌi yo ya ki̱ndoo ra xiꞌin yo taxi ra ndaꞌa yo. Chi tixin Tachi I̱í ra kua taxi ra saña ndíka mií yo kúu na ñuu ra. Xaꞌa ya i̱kan Ndioxi saa xiꞌin yo kua xíniñuꞌu yo xaa kaꞌnu ni yo ra chi ndee ni kaꞌnu ra.

Efesios 4:30

Ta ïkan ndo ya väꞌa, ya táxi ndo kusuchi ini Tachi I̱í Ndioxi, chi Tachi I̱í ra kua xiꞌna ndi̱niꞌi ndo nuu ra, ya yóꞌó ta tá káa tuni mií ra saa káa ya nuu ki̱ndoo ra xiꞌin ndo ya sikaku ra ndóꞌo̱ kivi vaxi.