San Lucas 21:23 - Xochapa Mixteco

²³ Saa ná ñaꞌa ñúꞌu seꞌe án ná chíchin seꞌe kivi ikán, ndaꞌvi ni ná chi ndee ni kuu. Saa chi yáꞌa ni ndee kuu ñuu ivi, ta saa ndee ni ndoꞌo na ñuu Jerusalén yóꞌó.

San Lucas 21:23 Mawu Ofanana

San Mateo 21:16

Saa ndi̱kaꞌan nda naꞌnu nuu sutu xiꞌin Jesús, káchi nda: ―¿Án xíni soꞌo un unkua káꞌan na vali yóꞌó? káchi nda. Saa ndi̱kuiin Jesús, káꞌan ra: ―Uun, xíni soꞌo va i ya káꞌan na. Ta ndóꞌo̱, ¿án täꞌan kaꞌvi ndo ya káꞌan tuꞌun Ndioxi xaꞌa ya yóꞌó, nuu káꞌan ya? “Nda na vali xiꞌin na lee vali chíchin ta ndee ni ndinuꞌu ini na káꞌan vaꞌa na xaꞌa i, saa xíta na yaa nuu i”, káchi ya íyo nuu tuꞌun Ndioxi ―káchi Jesús xiꞌin nda.

San Mateo 21:41

Saa ndi̱kuiin na, káꞌan na, káchi na saa: ―Ndee ni ikan ra xiꞌin na, kaꞌni ra na. Sindiꞌi xaꞌa ra na. Saa taxi too ra ñuꞌú ra ndaꞌa inka na vaꞌa chaꞌvi ―káchi na.

San Mateo 21:44

Ndiꞌi na kákiꞌi ta kóyo na sata yu̱ú yóꞌó ta ndoꞌni yaa na ikan ya, tá ná ndikava ya sata na ta ndasa yuchi ndiꞌi ya na ―káchi Jesús xiꞌin na.

San Mateo 24:19

¡Ndaꞌvi ni ná síꞌi ñúꞌu seꞌe, saa tu ná íyo seꞌe vali na chíchi, tá ná tindaa kivi ya kuu saa!

San Marcos 13:17

Ta ndaꞌvi ni ná ñaꞌa ná ñúꞌu seꞌe, saa tu ná sikan ka̱ku seꞌe lee ná chíchin seꞌe, ndoꞌo ni ná kivi tá ná kuu saa.

San Lucas 19:27

Saa tu ndiꞌi na sáa ini xíni yeꞌe, na köo ndi̱kuni koo i rey, siyaꞌa ndiꞌi ndo na ná kixi na chí choꞌo, ta vitin kaꞌni ndo na nuu i”, káchi ra rey ikán. Soꞌva káchi tuꞌun ndíchi ikán ―káchi Jesús xiꞌin na.

San Lucas 19:43

Sundi vaxi kivi ta kixi na íyo kuachi xiꞌin ndo kani taꞌan na xiꞌin ndo. Iin kava nduu ndiꞌi na nuu ñuu ndo. Ndiꞌi ni kúu ñaꞌñu ndasi na ndóꞌo̱.

San Lucas 23:29

Saa chi vaxi kivi ta ndoꞌo ni ndo, ta kivi ikán kaꞌan naꞌa: “¡Vaꞌa ni kée ná numa, ná köo seꞌe ndikaku xiꞌin ná köo ndi̱sikuaꞌnu seꞌe!”, kachi na.

1 Corintios 7:26

Ya ndíkani ini yeꞌe, ta vaꞌa ni kua ná tïndaꞌa nda taa, vaꞌa ni ka kua ná kindoo kuâán nda xaꞌa ya uꞌvi ni tiempo ndóo yo vitin.

1 Tesalonicenses 2:16

Tá kúni nde kaꞌan nde xiꞌin naꞌa, na köo kúu judío ya kuchiñu na kaku na, ta köo táxi na judío taꞌan nde kaꞌan nde xiꞌin na ikán. Ta xaꞌa ya íkan na saa, ta ndee ni kuandaa kuachi sata na ndúkuaꞌa ka ya, yáꞌa ni ndee kundoꞌo na tixuꞌvi ni na.

HEBREOS 13:16

Ta ndïndoso ini ndo ya ikan ndo ya vaꞌa xiꞌin taꞌan ndo. Saa chindee ndo na taꞌan ndo xiꞌin ya kúu mií ndo, saa chi tá íkan ndo saa ta tá íin ya sóko ndo nuu Ndioxi saa íin ya íkan ndo, ta kúvaꞌa ni ini Ndioxi xiꞌin ya íkan ndo.

Santiago 5:1

¡Ndóꞌo̱, na kuika, ndóꞌo̱ íyo xuꞌun! Kuni soꞌo ni ndo ya ndituꞌun i xiꞌin ndo, kusuchi ni ini ndo, ta kuaku ni ndo chi ndee ni kundoꞌo ndo kivi vaxi.

1 Pedro 4:17

Saa chi vitin kua ti̱ndaa tiempo ya xaa nani Ndioxi kuachi xiꞌin ndiꞌi naꞌa. Tá kuꞌva kéꞌe na saa ikan ra xiꞌin na, ta xiꞌna xiꞌin naꞌa, na ndíkun ñaꞌa kua xáa ra ikan ra saa. Tá tu xiꞌna xiꞌin yoo kua íkan ra saa ya ndee ni ndóꞌo yo, ta yáꞌa ni ka va ndee kundoꞌo naꞌa, na köo xíin xaa súvi tuꞌun vaꞌa xaꞌa ra.