San Lucas 21:20 - Xochapa Mixteco

²⁰ ’Tá xi̱ni ndo iin ndi̱kava nduu ndiꞌi nda lapa nuu ñuu Jerusalén yóꞌó, ta saa kundaa ini ndo kama ni ndiꞌi xaꞌa ya.

San Lucas 21:20 Mawu Ofanana

San Mateo 24:15

Xaꞌa ya ñaa kua ná kundaa ini ndo xiꞌin ya ta̱a ra profeta Daniel. Chi yeꞌe káꞌan i xiꞌin ndo: Tá xíto ndo ya väꞌa, ya kini, ya kúndasi nuu Ndioxi xíni ra, ndi̱xaa ya íyo ya ñaꞌñu ií ni ini veꞌe ñuꞌu kaꞌnu, ta saa kua kundaa ini ndo ya xa ti̱ndaa kivi ya ndee ni ndee vaxi tindoꞌo. Saa ndiꞌi naꞌa, na káꞌvi ya yóꞌó ta ná kundaa ini na xiꞌin ya.

San Marcos 13:14

’Ta ndóꞌo̱ tá xi̱ni ndo ya väꞌa, ya kini ya síndiꞌi xaꞌa ya i̱í, taꞌan ñaꞌa ya ndi̱kaꞌan ra Daniel xaꞌa, ra ndi̱kaꞌan ndoso tuꞌun yuꞌu Ndioxi, tá xi̱ni ndo ya ikán íyo ya ini veꞌe ñuꞌu kaꞌnu nuu köo xíniñuꞌu ya koo ya, ta vaꞌa ka kana koo ndóꞌo̱ ndóo estado Judea yóꞌó, kee ndo kunu ndo kuꞌun ndo iku, (ta ndóꞌo̱ káꞌvi ya yóꞌó ta ná kundaa ini ndo xiꞌin ya káꞌvi ndo).

San Lucas 19:43

Sundi vaxi kivi ta kixi na íyo kuachi xiꞌin ndo kani taꞌan na xiꞌin ndo. Iin kava nduu ndiꞌi na nuu ñuu ndo. Ndiꞌi ni kúu ñaꞌñu ndasi na ndóꞌo̱.

San Lucas 21:7

Saa ndi̱ndakan tuꞌun sava na ra, káchi na saa: ―Tata Maestro, ¿maa kua kuu saa? ¿Unku ya koo seña kuni nde tá xa ku̱yati ti̱ndaa tiempo ndiꞌi xaꞌa veꞌe ñuꞌu yóꞌó? ―káchi na xiꞌin ra.

HEBREOS 11:30

Xaꞌa ya xi̱ndaa ini na judío xi̱ni na Ndioxi yakan tá si̱ndiꞌi ndi̱kava nduu na uxa ichí sata nama ya ndási nduu ndiꞌi nuu ñuu Jericó, ta iin ndi̱kuꞌun ndiꞌi ya, ndi̱koyo ya.

HEBREOS 12:1

Ta xa xíni yo yáꞌa ni kuaꞌa ku naꞌa, na xi̱ndaa ni ini xi̱ni Ndioxi. Ta saa ná ikan yoo tá kuꞌva i̱kan na ikán. Ta ná xaꞌa ni ka yo ndee xiꞌin mií yo, ndinuꞌu ni ini yo ná kaka yo ichí Iva yo Ndioxi, ta saa ná sindoo ndiꞌi yo ya sási nuu yo, xiꞌin ya väꞌa ya síkoyo yoo nuu kuachi.