San Lucas 20:46 - Xochapa Mixteco

⁴⁶ ―Kuenta ni koo ndo, ïkan ndo tá íkan nda sínaꞌa ya ta̱a ra Moisés, saa chi saa íkan nda: Ndíkundixi nda tikoto nani ni chi kútoo nda ná kañuꞌu ndiꞌi naꞌa nda. Kútoo nda ná chindee ndiꞌi na nda tá xíka nda kuaꞌan nda nuu yaꞌvi. Saa tu tá kuaꞌan nda veꞌe ñuꞌu sinagoga án nuu viko, nina nuu tai ndóo na kúu mií chiñu ndee kútoo nda kundoo nda.

San Lucas 20:46 Mawu Ofanana

San Mateo 16:6

Saa ndi̱kaꞌan Jesús xiꞌin nda, káchi ra saa: ―Koto vaꞌa ndo, kuenta ni koo ndo xiꞌin uxan iya nda fariseo xiꞌin nda saduceo ―káchi ra xiꞌin nda.

San Mateo 23:1

Saa ndi̱kaꞌan Jesús xiꞌin naꞌa tin nda ítaꞌan xiꞌin ra, káchi ra saa:

San Marcos 8:15

Saa ndi̱kaꞌan Jesús xiꞌin nda: ―Koto ndo, kuenta ni koo ndo xiꞌin uxan iya nda fariseo, saa tu uxan iya ra Herodes va ―káchi ra xiꞌin nda.

San Lucas 11:43

’¡Ndaꞌvi ni ndóꞌo̱ fariseo, chi vaxi kivi ta ndoꞌo ni ndo! Saa chi tá kuaꞌan ndo veꞌe ñuꞌu sinagoga ta nina tai nuu ndóo na kúu mií chiñu ndee kútoo ndo kundoo ndo. Saa tu tá xíka ndo kuaꞌan ndo ichí va, kúni ndo ná xaa toꞌo ndiꞌi naꞌa ndóꞌo̱.

San Lucas 12:1

Káꞌan nda saa xiꞌin ra ta saa ndi̱kaya naꞌa, kuaꞌa ni mil ku na ndi̱kaya, iin chíndaꞌa taꞌan mií na. Ta saa xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Kuenta ni koo ndo, koto ïkan ndo tá íkan nda fariseo. Saa chi nda ikán ta yáꞌa ni uvi yuꞌu nda, tá káa uxan iya ya kée xiꞌin uxan xita vaꞌa, saa íin nda.

San Lucas 14:7

Saa xi̱ni Jesús ndiꞌi na ndi̱xaa kuxi nuu viko tíndaꞌa ikán, nina nuu vaꞌa, nuu ndóo na naꞌnu ndíkundoo na. Tá xi̱ni ra ikán na saa, ñaa ndi̱kaꞌan ra xiꞌin na ndíkani ra nuu na, káchi ra saa:

San Lucas 20:47

Ta kíndaa nda veꞌe ná ndi̱ndoo ndaa ndaꞌa ná, ñaa xáa nda ndása vaꞌa nda mií nda nuu inka na, ta xáa nda káꞌan nda xiꞌin Ndioxi. Naꞌa ni káꞌan nda xiꞌin ra ya ná kuni inka naꞌa káñuꞌu ni nda Ndioxi. Ndaꞌvi ni nda yóꞌó, chi ndee ni ka ndoꞌo nda ikan Ndioxi ―káchi Jesús.

ROMANOS 12:10

Kuꞌvi ni ini ndo kuni taꞌan ndo, tá kuꞌva kúꞌvi ini ndo xíni ndo ñani ndo án kuꞌva ndo na ka̱ku xiꞌin ndo. Chinuu vaꞌa ndo tuꞌun na taꞌan ndo, saa xaa toꞌo taꞌan ndo.

2 Timoteo 4:15

Ta kuenta ni koo un xiꞌin ra, chi nda loꞌo köo xíin ra kuni ra tuꞌun vaꞌa ya káꞌan ndoso yo xaꞌa Tata yo Jesucristo.

3 Juan 1:9

Xa ta̱a i iin tutu kuaꞌan ndaꞌa na veꞌe ñuꞌu nuu íyo un, ta ra Diótrefes ku ra kútoo ni xaa kaꞌnu xiꞌin mií, chi köo xíin ra xaa súvi ra ya káꞌan nde xiꞌin ra.