San Lucas 20:36 - Xochapa Mixteco

³⁶ Saa chi nuu ndivi köo ka na kuvi, tá íin na tatun Ndioxi, saa nduu na. Ta nduu na seꞌe Ndioxi xaꞌa ya ndi̱taku na i̱kan ra.

San Lucas 20:36 Mawu Ofanana

San Mateo 22:30

Tá ná ndi̱taku na ndíi, ta köo ka naꞌa tindaꞌa nuu ndivi, ni täxi ka na seꞌe síꞌi na tindaꞌa ná xiꞌin taa. Tá kuꞌva íin na tatun Ndioxi saa koo na koo xiꞌin Ndioxi.

San Marcos 12:25

Chi kivi tá ná sitaku Ndioxi na ndíi, ta nda iin ka na ikán tïndaꞌa, saa chi koo na tá kuꞌva íyo na tatun Ndioxi, na íyo nuu ndivi ta köo tíndaꞌa na.

ROMANOS 8:16

Suvi mií Tachi I̱í Ndioxi ndítuꞌun teꞌe ya xiꞌin tachi yo, ya kúu yo seꞌe Ndioxi.

1 Corintios 15:26

Saa sindiꞌi xaꞌa tu ra ya xáꞌni ndìì, ya sáa ini xíni yoo, nda nuu sindiꞌi kua ikan ra saa, sindiꞌi xaꞌa ra ya ikán.

1 Corintios 15:42

Yakan saa tu ikin kuñu na ndíi va: chi tá ndi̱xiꞌi yo sínduxi na ikin kuñu yo tixin ñuꞌú, táꞌi ya. Sundi tá ná nditaku yo ta nda iin ka kivi ndïꞌi xaꞌa ikin kuñu yo.

1 Corintios 15:49

Ta vitin kúu mií yo ikin kuñu yo tá ndi̱xiyo ikin kuñu taa ra núnu̱ú, ra ndi̱kuaꞌa xiꞌin ñuꞌú. Sundi sindiꞌi kuu mií yo ikin kuñu yo taꞌan ikin kuñu taa ra ke̱e nuu ndivi.

Filipenses 3:21

Ta ndinama ra ikin kuñu yo ya vita ni kúu mií yo, saa nduu ya tá káa ikin kuñu mií ra, ya luvi ni. Ta xiꞌin ndee kúu mií ra ya xáꞌnda chiñu ra nuu ndiꞌi ñaꞌa kua ndisama ra yoo.

El Apocalipsis 20:6

Vaꞌa ni kée na nditaku núnu̱ú ikan Ndioxi, nduu i̱í na nuu ra. Ta küvi ka na ichí uvi, chi ya xáꞌni ndìì ta köo ka ndee ya kaꞌni uvi tuku ya na. Kutaku na xiꞌin Ndioxi ndiꞌi saa kivi ya vaxi, nduu na sutu nuu ra ya xaa chiñu na nuu ra xiꞌin nuu Tata yo Jesucristo, saa koo na kaꞌnda chiñu na xiꞌin ra iin mil kuiya.

El Apocalipsis 21:4

Ta mií ra ku ra ndiyakun ndiꞌi tikuii nuu na xaꞌa ya xáku na. Nda iin ichí küvi ka na, ni köo ka na kuaku, ni köo ka na kusuchi ini, ni na kúꞌvi köo ka na koo, chi ya ndo̱ꞌo na yachi ta xa ndi̱ꞌi xaꞌa ndiꞌi ya.

El Apocalipsis 22:9

Saa ndi̱kaꞌan tatun ikán xiꞌin i, káchi ya saa: ―Ïkan un saa, küsiti un nuu i. Saa chi tá káa mií un xiꞌin nda ñani un nda káꞌan ndoso tuꞌun yuꞌu Ndioxi tin ndiꞌi na xáa súvi ya káꞌan tuꞌun ya íyo nuu tutu yóꞌó, tá íin ndóꞌo̱, saa káa tu yeꞌe va. Yakan xäa kaꞌnu un yeꞌe, chi ndisaa mií Ndioxi ku ra xíniñuꞌu yo xaa kaꞌnu yo ―káchi tatun Ndioxi xiꞌin i.