San Lucas 20:24 - Xochapa Mixteco

²⁴ Taxi ndo iin xuꞌun kàà ná koto i nuu ya. ¿Unku naꞌna kua ta unku kivi kua ínuu nuu ya? ―káchi ra xiꞌin nda. Saa ndi̱kuiin nda káꞌan nda: ―Naꞌna ra rey César kua ―káchi nda xiꞌin ra.

San Lucas 20:24 Mawu Ofanana

San Mateo 18:28

Saa ke̱ta ra moso ikán kuaꞌan ra, ñaa ndi̱kitaꞌan ra xiꞌin inka moso taꞌan mií ra, ta níka ra ikán iin ciento xuꞌun vali ya náni denario nuu ra. Ñaa xa̱á ra xáxin ra sukun ra xáa nduxa ra xiꞌin ra, káchi ra saa: “¡Chaꞌvi ya níka un nuu i!”, káchi ra xiꞌin ra.

San Mateo 20:2

Saa ndi̱niꞌi ra naꞌa ta ki̱ndoo ra chaꞌvi ra na xiꞌin iin xuꞌun ya náni denario kiꞌin na xaꞌa iin kivi ya xaa chiñu na xiꞌin ra. Saa ti̱ꞌvi ra na kuaꞌan na xaa chiñu na nuu ñuꞌú ra.

San Mateo 22:20

Saa ndi̱ndakan tuꞌun ra nda, káchi ra saa: ―¿Unku na xíin naꞌna ya, ta unku kivi kua ínuu nuu xuꞌun yóꞌó? ―káchi ra xiꞌin nda.

San Marcos 12:16

Saa ta̱xi nda ya ndaꞌa ra, ta ndi̱kaꞌan ra xiꞌin nda: ―¿Unku naꞌna kua ínuu nuu ya, ta unku kivi kua ínuu xiꞌin ya? ―káchi ra xiꞌin nda. Saa ndi̱kuiin nda káꞌan nda: ―Naꞌna ra rey César kua, ta kivi ra ikán kua ínuu xiꞌin ya ―káchi nda xiꞌin ra.

San Lucas 2:1

Ta suvi mií tiempo ikán kua ku̱u mií ra rey Augusto chiñu nuu ndiꞌi na ivi ta xa̱ꞌnda ra chiñu ya kuꞌun ndiꞌi na ndikaꞌi kivi na.

San Lucas 20:22

Ta vitin kúni nde kundaa ini nde unkua káchi yóꞌo̱, ¿án vaꞌa chaꞌvi yo xuꞌun ya káꞌan ra César, ra rey ñuu Roma xiꞌin yo án chäꞌvi yo ya? ―káchi nda xiꞌin ra.

San Lucas 20:23

Sundi ku̱ndaa ini ra ya xíto ndoso ñaꞌa nda, saa ndi̱kaꞌan ra xiꞌin nda, káchi ra saa: ―¿Ndachu vaxi ndo xíto ndoso ndo yeꞌe?

San Lucas 20:25

Saa ndi̱kuiin ra káchi ra saa: ―Tá tu naꞌna ra rey ínuu nuu ya, ta kúni kachi ya xuꞌun ra ikán kua. Taxi ndo ya kúu kuenta ra rey ndaꞌa ra, ta vaꞌa taxi tu ndo ya kúu kuenta Ndioxi va ndaꞌa mií Iva yo Ndioxi ―káchi Jesús xiꞌin nda.

San Lucas 23:2

Tá ndi̱xaa na xiꞌin ra nuu ra Pilato, ta xa̱á na táxi na kuachi siki xaꞌa ra, káchi na saa: ―Xi̱ni nde ra yóꞌó táa sii ni ra naꞌa ya kuꞌun na sata ra. Ta väꞌa íkan ra, ra táꞌvi ñuu yo ku ra chi káꞌan ra xiꞌin na, ya ná chäꞌvi na xuꞌun ya kuaꞌan ndaꞌa ra rey César, saa chi mií ra ku Cristo, ra ti̱ꞌvi Ndioxi vaxi ra nduu ra rey ñuu ivi yóꞌó, káchi ra xiꞌin na ―káchi nda.

San Lucas 3:1

Ndi̱xinu xaꞌun kuiya kúu mií ra rey Tiberio chiñu nuu ndiꞌi na ñuu ya ndíkun ndaa ñuu Roma. Ta xa̱ꞌnda chiñu ra nuu ndiꞌi nda gobernador ikán, ra Poncio Pilato ku ra xa̱ꞌnda chiñu nuu na ñuu ya ñúꞌu Judea, ta ra Herodes ku̱u gobernador nuu na ñuu ya ñúꞌu Galilea. Inka ra Felipe, ñani ra Herodes, ku̱u gobernador nuu na ñuu ya ñúꞌu Iturea xiꞌin na ñuu ya ñúꞌu Traconite. Ta inka ra náni Lisanias ku̱u gobernador nuu na ñuu ya ñúꞌu Abilinia.

Los Hechos 11:28

Saa si̱kaꞌán Ndioxi ini iin ra ikán, Agabo nani ra ta ndi̱kundichi ra nuu na taꞌan ra na kándixa Jesús, xa̱á ra káꞌan ra, káchi ra saa: ―Koo tama chee ni ndiꞌi ni kuu ñuu ya ndíkun ndaa ñuu Roma ―káchi ra. Ta saa ndixa ndi̱xiyo, xa̱á tama tiempo ku̱u ra Claudio rey.

Los Hechos 26:32

Saa ndi̱kaꞌan ra rey Agripa xiꞌin ra gobernador Festo, káchi ra saa: ―Vaꞌa va sa̱ñá ra kuꞌun ra tá tu köo ndi̱kaꞌan ra xiꞌin un tiꞌvi un ra kuꞌun ra ndaꞌa ra rey César kaꞌnu ñuu Roma ya xaa nani ra ikán kuachi ra, ndíkuu ―káchi ra rey Agripa xiꞌin ra Festo.

Filipenses 4:22

Ta ndiꞌi na ñani yo, na ndóo ñuu Roma yóꞌó, tíꞌvi ni tu na yóꞌó va tuꞌun mani xaa nuu ndo. Ta saa tu na taꞌan yo, na xáa chiñu nuu ra rey César veꞌe chiñu kaꞌnu yóꞌó, tíꞌvi tu na yóꞌó va tuꞌun mani xaa nuu ndo.