San Lucas 2:49 - Xochapa Mixteco

⁴⁹ Saa ndi̱kuiin ra, káchi ra saa: ―¿Nana, ndachu ndúku ni ndo yeꞌe? ¿Án su chiñu Iva i kua xíniñuꞌu ni i xaa súvi i? ―káchi ra xiꞌin na.

San Lucas 2:49 Mawu Ofanana

San Mateo 21:12

Tá ndi̱xaa Jesús keꞌe yeꞌe veꞌe ñuꞌu kaꞌnu, saa xa̱á ra táva ndiꞌi ra na ndóo xíko xiꞌin na sáta, ya ná kana koo na kuꞌun na. Saa si̱nduva ra mesa na ndóo náma xuꞌun, xiꞌin tai na ndóo xíko sa̱ta̱.

San Lucas 2:48

Ta saa xa̱a iva siꞌí ra nuu índuꞌu ra, ndi̱kanda ni ini na xiꞌin ra. Ñaa ndi̱kaꞌan siꞌí ra xiꞌin ra, káchi yá saa: ―¿Ndachu i̱kan un saa xiꞌin nde, iva? Tata un tin yeꞌe ndúku ka vi nde yóꞌo̱, saa ndíꞌi ka vi ini nde xaꞌa un ―káchi yá xiꞌin ra.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 5:17

Ta ndi̱kaꞌan Jesús xiꞌin nda, káchi ra saa: ―Iva i ta ndiꞌi saa kivi xáa chiñu ra, ta saa tu yeꞌe va, ndiꞌi saa kivi xáa chiñu i ―káchi ra xiꞌin nda.

San Juan 5:36

Sundi íyo inka ya ndíkuiin xaꞌa i, ta ndee ni ka ya ikán nuu ya ndi̱kaꞌan ra Juan. Ta ya ikán ku chiñu ya ndi̱kaꞌan Iva i Ndioxi xiꞌin i ikan i. Ta chiñu ikán ku ya ndíkuiin teꞌe xaꞌa i, ya ndixa kua ti̱ꞌvi Iva i yeꞌe vaxi i.

San Juan 6:38

Saa chi yeꞌe ta ke̱e i nuu ndivi vaxi i ñuu ivi yóꞌó ikan i ya kúni Ndioxi, ta växi i xaa súvi i ya kúni mií i.

San Juan 8:29

Chi Iva i ra ti̱ꞌvi yeꞌe vaxi i ta íyo ra xiꞌin i, köo síndoo mituꞌun ra yeꞌe, íyo ra xiꞌin i ta nina ya kúni mií ra kua íkan i ―káchi Jesús xiꞌin nda.

San Juan 9:4

Ta xíniñuꞌu i xaa súvi i chiñu ra ti̱ꞌvi yeꞌe vaxi i, chi vitin ta tá káa nduvi saa káa ya, ta vaxi kivi ta tá káa ñuu saa nduu ya, ta nda iin naꞌa küchiño xaa chiñu.