San Lucas 2:38 - Xochapa Mixteco

³⁸ Ta saa ndi̱xaa yá mií hora ikán nuu íyo iva siꞌi ra loꞌo Jesús. Ñaa xa̱á yá káꞌan yá xiꞌin Ndioxi, táxi yá ndixaꞌvi ndaꞌa ra xaꞌa ya ti̱ꞌvi ra, ra loꞌo Jesús vaxi ra ñuu ivi. Ta saa ndítuꞌun yá xaꞌa ra xiꞌin ndiꞌi na ndátun Ndioxi ya tiꞌvi ra taa sikaku na Israel.

San Lucas 2:38 Mawu Ofanana

San Marcos 15:43

Saa ndi̱xaa iin ra chiñu kaꞌnu, ra ke̱e ñuu Arimatea náni ra José. Ta ndátun ra ikán kivi ya xáa kaꞌnda chiñu Ndioxi ñuu ivi yóꞌó. Ta köo ndi̱ndiꞌvi ra ndi̱xaꞌan ra ndu̱ku ra ikin kuñu Jesús nuu ra Pilato ya sinduxin ñaꞌa ra.

San Lucas 1:68

Kaꞌnu ni ná koo Ndioxi ra chíndee yoo na Israel, saa chi vaxi ra koto ra yoo saa saña ndíka ra yoo.

San Lucas 2:25

Ta tiempo ikán íyo iin ra náni Simeón ñuu Jerusalén, ta vaꞌa ni taa kúu mií ra, káñuꞌu ni ra Ndioxi, ta íyo Tachi I̱í Ndioxi xiꞌin ra. Saa ndátun ra taa, ra tiꞌvi Ndioxi kixi sindiko ini na Israel.

San Lucas 2:36

Ta kivi ikán íyo iin yá náni Ana ini veꞌe ñuꞌu kaꞌnu ikán ta xa ku̱chee ni yá, saa káꞌan ndoso yá tuꞌun yuꞌu Ndioxi, ta seꞌe ra Fanuel ku yá. Xii sikua yá ku ra Aser. Ta loꞌo ni yá ti̱ndaꞌa yá. Ta ndi̱xiyo yá xiꞌin ií yá uxa kuiya, ta saa ndi̱xiꞌi ra.

San Lucas 23:51

Ta köo ndi̱xiyo yuꞌu ra xiꞌin na chiñu xaꞌa ya i̱kan na xiꞌin Jesús, saa chi ndátun tu ra ikán va xáa Ndioxi kaꞌnda chiñu ra nuu na ñuu ivi yoꞌo.

San Lucas 24:21

Ta ndeꞌe ndi̱kani ini nde ra vaxi chindee ndeꞌe saña nde ndaꞌa na ñuu Roma ku ra káꞌán nde. Ta vitin xa ndi̱xinu uni vi kivi kua ndi̱xiꞌi ra.

2 Corintios 9:15

Ta ndixaꞌvi ni Ndioxi xaꞌa ya kúꞌvi ni ini ra xíni ra yoo, ta ni köo níꞌi yo tuꞌun kaꞌan yo xiꞌin ra ya taxi yo tixaꞌvi ndaꞌa ra xaꞌa ya vaꞌa ni íkan ra xiꞌin yo.

Efesios 1:3

Ta saa ná xaa kaꞌnu ni yo Ndioxi ra kúu Iva Tata yo Jesucristo, chi ta̱xi ni ra ndiꞌi ya vaꞌa íyo nuu ndivi ndaꞌa yo tixin Jesucristo.