San Lucas 2:37 - Xochapa Mixteco

³⁷ Ñaa ki̱ndoo yá íyo kuâán yá nda kivi ku̱u mií yá kumi xiko kumi kuiya yá. Ta nda iin kivi köo ndi̱keta yá ini veꞌe ñuꞌu. Nduvi niuu ndíkaa yá veꞌe ñuꞌu, sava xíxi suꞌun yá ta káꞌan ni yá xiꞌin Ndioxi.

San Lucas 2:37 Mawu Ofanana

San Lucas 5:33

Ta saa ndi̱kaꞌan sava nda ikán xiꞌin Jesús, káchi nda saa: ―Nda ítaꞌan xiꞌin ra Juan xiꞌin nda ítaꞌan xiꞌin nda fariseo ta xíxi suꞌun ni nda saa káꞌan nda xiꞌin Ndioxi. Ta nda ítaꞌan xiꞌin yóꞌo̱ ta ndiꞌi saa ichí xíxi ni nda saa xíꞌi nda, ¿ndachu köo xíxi suꞌun nda? ―káchi nda ikán xiꞌin Jesús.

Los Hechos 13:3

Tá ndi̱ꞌi ndi̱kaꞌan nda xiꞌin Ndioxi xaꞌa nda tin xi̱xi suꞌun nda, ta saa chi̱nuu ndaꞌa nda sata ra Bernabé xiꞌin ra Saulo. Saa ndi̱kaꞌan ndioxi nda xiꞌin nda.

Los Hechos 14:23

Ta iin iin ñuu nuu ndi̱yaꞌa ra Pablo xiꞌin ra Bernabé ta xi̱xi suꞌun nda saa ndi̱kaꞌan ni nda xiꞌin Ndioxi xaꞌa na xikuaꞌa ndi̱kaxin nda ya kundaa chiñu na xiꞌin na ndíkun Jesús. Ñaa ndi̱kaꞌan nda xaꞌa na xikuaꞌa ikán xiꞌin Iva yo, ra chee, ra káñuꞌu na.

Los Hechos 26:7

nda xinaꞌa iin saa nda kivi vitin ndátun na ñuu yo ya ki̱ndoo Ndioxi xaa súvi ra xiꞌin uxi uvi saa nda kúu seꞌe sikua ra Israel. Ta xaꞌa ya ikán kua káñuꞌu ni na Ndioxi nduvi niuun. Ta suvi xaꞌa ya ikán kua táxi na kuachi xaꞌa i vitin, Tata Rey Agripa.

1 Timoteo 5:5

Ta ná kuꞌva yo, ná kuâán ná ndi̱xiꞌi ndaa, ná köo nda iin naꞌa chindee ñaꞌa, ta ndáa ni ini ná xíni ná Ndioxi, saa káꞌan ni ná xiꞌin ra nduvi niuun ya ná chindee ra ná.

El Apocalipsis 3:12

Ndiꞌi naꞌa, na kúchiñu nuu ya väꞌa, xaꞌa ya köo síndoo na ichí i, ta taxi i ichí ndaꞌa na, nduu na naꞌa, na ndee ni, na xíniñuꞌu ni ini veꞌe ñuꞌu Ndioxi nuu ndivi. Tá kuꞌva ndíso ni itun ndíso xiní veꞌe, kuꞌva saa koo na ikán. Ta veꞌe ñuꞌu Ndioxi ikán koo na ndiꞌi saa kúu kivi. Ta chinuu i kivi Ndioxi, ra xáa kaꞌnu i sata iin iin na. Saa chinuu i kivi ñuu Ndioxi, ñuu Jerusalen ya xa̱á, sata iin iin na. Ta chinuu tu i kivi mií va i ya xa̱á, chinuu i ya sata iin iin na.

El Apocalipsis 7:15

Xaꞌa ya ikán kua kúu mií na ichí ndíta na yati nuu íyo tai toꞌo nuu índuꞌu ra kaꞌnu. Nduvi niuun xáa kaꞌnu na ra ini veꞌe ñuꞌu ra. Ndioxi ra índuꞌu nuu tai toꞌo, ta koo ra xiꞌin na, vií ni kundaa ra na xiꞌin ndee ra.