San Lucas 2:29 - Xochapa Mixteco

²⁹ Tata Iva yo Ndioxi, vitin xa ndi̱xinu ya ndi̱kaꞌan un xiꞌin i yachi, yakan vaꞌa taxi un kuvi yeꞌe ra xáa chiñu nuu un chi xa íyo vaꞌa ni ini i.

San Lucas 2:29 Mawu Ofanana

San Lucas 2:26

Ta xa yachi ndi̱kaꞌan Tachi I̱í Ndioxi xiꞌin ra, káchi ya saa: ―Küvi yachi un, nda ná kuni un taa ra ti̱ꞌvi Ndioxi sikaku na Israel, saa kuvi un ―káchi ya xiꞌin ra.

San Lucas 2:28

Saa ndi̱kiꞌin ra Simeón ra loꞌo Jesús ndi̱kunumi ndaa ñaꞌa ra. Ta xa̱á ra káꞌan ra ya vaꞌa xaꞌa Ndioxi, káchi ra saa:

Filipenses 1:23

Ni köo xíni i unkua vaꞌa ikan i, ¿án vaꞌa ka ya kuvi i, án vaꞌa ka ya kutaku i? Sundi ya ndíkani ini i kua: vaꞌa ni ka kua ná kuvi i, túvi i, chi koo i xiꞌin Cristo.

El Apocalipsis 14:13

Saa xi̱ni soꞌo i tuꞌun ya ke̱ta nuu ndivi, ndi̱kaꞌan ya xiꞌin i káchi ya saa: ―Taa tuꞌun káꞌan i xiꞌin un: “Kivi vitin xiꞌin ndiꞌi saa kivi ya vaxi, ndiꞌi naꞌa na ndíkun Tata yo Jesucristo, tá ná kuvi na xaꞌa ya kándixa na ra, ta taxi Ndioxi koo vaꞌa ni na xiꞌin ra, nuu kusini ni na” ―káchi tuꞌun ya xi̱ni soꞌo i. Saa ndi̱kaꞌan Tachi i̱í Ndioxi, káchi ya saa: ―Saa ndi̱xa íyo ya, tá ná xaa na nuu ndivi, ta ndixa kua ndikundee na, chi xa si̱xinu na chiñu i̱kan na ñuu ivi yóꞌó. Ni Ndioxi ta ndi̱kaꞌán ini ra xaꞌa ya vaꞌa i̱kan na, ta nuu ndivi ikán ndichaꞌvi ra na xaꞌa chiñu ya i̱kan na ñuu ivi yóꞌó ―Soꞌva káchi Tachi Ndioxi xi̱ni soꞌo i.

El Apocalipsis 6:10

Ta ndee ka vi ndi̱kaꞌan ya vaꞌa na ndi̱xiꞌi ikán, káchi ya saa: ―Tata Iva yo Ndioxi, ra i̱í, ra ndaa ni, ra xáꞌnda chiñu nuu ndiꞌi ñaꞌa, ¿nda maa vi xinu koo tiempo ya xaa nani un kuachi nde nuu sindoꞌo ni un naꞌa, na xa̱ꞌni ndeꞌe? ―káchi na xiꞌin Ndioxi.