San Lucas 2:11 - Xochapa Mixteco

¹¹ Kivi vitin ka̱ku iin ra loꞌo sikaku ndóꞌo̱ ñuu ra rey David, ta ra ikán ku Cristo ra ndi̱kaxin Ndioxi kaꞌnda chiñu nuu na ñuu ivi.

San Lucas 2:11 Mawu Ofanana

San Mateo 1:16

Ta ra Jacob ku ra xi̱kuu iva ra José, ra ndi̱xiyo ií yá María, yá ndi̱xiyo siꞌí Jesús, ra kúu Cristo.

San Mateo 1:21

Kaku seꞌe yá ta chinuu un kivi ra kunani ra JESÚS, saa chi ra ikán ku ra sikaku na ñuu ra xaꞌa kuachi na.

San Mateo 16:16

Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

San Mateo 16:20

Saa ndi̱kaꞌan Jesús xiꞌin nda ítaꞌan xiꞌin ra, ya ná käꞌan nda xiꞌin nda iin naꞌa ya kúu ra Cristo ra ti̱ꞌvi Ndioxi vaxi sikaku na ñuu ivi yóꞌó.

San Lucas 1:43

¿Unku vi yeꞌe yakan vaxi un koto un yeꞌe, chi yóꞌo̱ ku siꞌí Iva i?

San Lucas 1:69

Xaꞌa ya ti̱ꞌvi ra iin ra Chee ni vaxi ra sikaku ra yoo ta tixin seꞌe sikua ra David, ra xa̱a chiñu nuu ra kua i̱kan ra saa xiꞌin yo.

San Lucas 2:26

Ta xa yachi ndi̱kaꞌan Tachi I̱í Ndioxi xiꞌin ra, káchi ya saa: ―Küvi yachi un, nda ná kuni un taa ra ti̱ꞌvi Ndioxi sikaku na Israel, saa kuvi un ―káchi ya xiꞌin ra.

San Lucas 2:4

Ta xaꞌa ya ikán kua ke̱e ra José ñuu Nazaret ya ndíkaa estado Galilea. Ta ndi̱kiꞌin ra kuaꞌan ra kaꞌi kivi ra ñuu Belén ya ndíkaa estado Judea, nuu ka̱ku ra rey David, xii sikua ra.

San Juan 1:41

Ta ra xiꞌna xi̱ni ra Andrés ku ra Simón Pedro ñani ra, saa ndi̱kaꞌan ra xiꞌin ra, káchi ra saa: ―Ndi̱taꞌan nde ra Mesías ―káchi ra. (Ta Mesías ku tuꞌun hebreo ya kúni kachi Cristo).

San Juan 1:45

Ta ndi̱taꞌan ra Felipe ra Natanael saa ndi̱kaꞌan ra xiꞌin ra, káchi ra saa: ―Ndi̱kitaꞌan nde xiꞌin taa, ra ta̱a ra Moisés xaꞌa xiꞌin ya ta̱a nda profeta ndi̱kaꞌan ndoso tuꞌun yuꞌu Ndioxi xinaꞌa. Ta Jesús náni ra, seꞌe ra José ra ñuu Nazaret ku ra ―káchi ra Felipe xiꞌin ra.

San Juan 11:27

Saa ndi̱kuiin yá káꞌan yá: ―Kándixa i Tata, kándixa i yóꞌo̱ ku ra ku Cristo, ra kúu Seꞌe Ndioxi, ra xa íyo tuꞌun xaꞌa, ra ti̱ꞌvi Ndioxi vaxi ñuu ivi ku un ―káchi yá Marta xiꞌin ra.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 4:25

Saa ndi̱kaꞌan yá xiꞌin ra, káchi yá saa: ―Xíni i iin kivi ta kixi Taa ra Mesías. Ta káꞌan tu na xiꞌin ra Cristo va. Tá ná kixi ra ikán ta saa ndikani vaꞌa ka ra nuu nde ―káchi yá.

San Juan 4:42

Saa ndi̱kaꞌan na xiꞌin yá ikán, káchi na saa: ―Ndinuꞌu ni ini nde kándixa ñaꞌa nde, saa chi süvi iindaa yóꞌo̱ ndi̱kaꞌan xiꞌin nde, xi̱ni soꞌo mií nde ya káꞌan ra, ta kúndaa ini nde ya ndixa kua, ra yóꞌó ku ra ku Cristo ra vaxi sikaku na ñuu ivi yóꞌó ―káchi na xiꞌin yá.

San Juan 6:69

Ta ndeꞌe kándixa nde yóꞌo̱, saa xíni nde yóꞌo̱ ku Cristo, Seꞌe Ndioxi ra táku ―káchi ra Pedro xiꞌin Jesús.

San Juan 7:41

Ta sava na káꞌan: ―Cristo ra ti̱ꞌvi Ndioxi vaxi ku ra ―káchi na. Ta sava tuku na káꞌan: ―Süvi Cristo ku ra, köo xíni yo kixi iin ra chee, ra kúu Cristo chí estado Galilea.

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

Los Hechos 13:23

Ta ra rey David ikán kúu xii sikua Jesús, ra ti̱ꞌvi Ndioxi ki̱xi sikaku yo na Israel. Tá íyo ya ki̱ndoo Ndioxi xiꞌin xii sikua yo, saa íyo ya i̱kan ra.

Los Hechos 17:3

Ta sínaꞌa ra na, káchi ra saa xiꞌin na: ―Tuꞌun Ndioxi ya ta̱a nda ndi̱kaꞌan ndoso tuꞌun yuꞌu ra xinaꞌa káꞌan ya xaꞌa ra kúu Cristo, ta xíniñuꞌu ra ndoꞌo ni ra, saa kuvi ra, ta sindiꞌi nditaku ra, káchi tuꞌun Ndioxi. Ta Jesús ku ra kúu Cristo, taa ra káꞌan tuꞌun Ndioxi xaꞌa. Ta suvi xaꞌa ra ikán kua káꞌan i xiꞌin ndo vitin ―káchi ra Pablo xiꞌin na.

Los Hechos 2:36

Ta xaꞌa ya ñaa kua xíniñuꞌu kundaa ini ndiꞌi ndóꞌo̱ na taꞌan yo Israel chi suvi mií Jesús ra chi̱nuu ndo nuu cruzin ku ra kúu Cristo ra sikaku yoo ―káchi ra Pedro xiꞌin nda.

Los Hechos 5:31

Ta Ndioxi ta̱xi ra chiñu ndee ni ndaꞌa Jesús, ta̱xi ra ichí ndaꞌa ra ndu̱u ra iin ra chee ni ndi̱kunduꞌu ra ñaꞌñu kuáꞌá Ndioxi. Ta̱xi tu ra ichí ndaꞌa ra ya sikaku ra naꞌa ya ná kuchiñu na ndinama ini na, ta saa xaa kaꞌnu ini Ndioxi xaꞌa kuachi na.

1 Corintios 15:47

Chi taa ra núnu̱ú, ta xiꞌin ñuꞌú ndi̱kuaꞌa ra, ta ra ivi yóꞌó ku ra, sundi taa ra uvi, ra ku Tata yo Jesucristo, ta ra ke̱e nuu ndivi ku ra ikán.

Filipenses 2:11

Ta ndiꞌi ni kúu naꞌa ndikuni ra ta kaꞌan na xaꞌa ra, kachi na saa: “Jesucristo ku ra Chee ni xáꞌnda chiñu nuu ndiꞌi yo”, kachi na. Ta saa kua ndikunuu sukun ni ya toꞌo Iva yo Ndioxi nduu chee ni ya.

Filipenses 3:8

Ta ndiꞌi ya vaꞌa ni ndi̱xiyo nuu i yachi, ta nda loꞌo ka köo ndáa yaꞌvi ya nuu i vitin xaꞌa ya xi̱ni taꞌan i xiꞌin Tata yo Jesucristo, ra Chee ni nuu yo. Xaꞌa ra yóꞌó kua si̱ndoo ndaꞌa ndiꞌi i ñaꞌa ya ndee ni vaꞌa xi̱ndaa yaꞌvi nuu i tá yachi, ta ni köo xaꞌa ka ya nuu i vitin, tá íyo taka va saa íyo ya nuu i chi ya ndee ni vaꞌa ka kua nduu i kuenta Jesucristo.

Colosenses 2:6

Xa ka̱ndixa ndo ra yakan kua xa ta̱xi ndo xáꞌnda chiñu ra nuu ndo, ta vaꞌa koo ndo tá kuꞌva kúni mií ra.

1 Juan 4:14

Ta ndeꞌe xi̱ni xiꞌin nuu nde Jesús, ra kúu Jesucristo ra ti̱ꞌvi Iva yo Ndioxi ki̱xi ñuu ivi yóꞌó. Ta ndíkuiin nde xaꞌa ra ya ki̱xi ra sikaku ra ndiꞌi na ñuu ivi yóꞌó.

1 Juan 5:1

Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.