San Lucas 19:20 - Xochapa Mixteco

²⁰ Ñaa ndi̱xaa inka ra moso, ra uni káchi ra saa: “Tata, uꞌún, yóꞌó íin xuꞌun un. Köo ndi̱sikuaꞌnu vi yeꞌe ya, chi̱vaꞌa i ya xi̱ndikaa vaꞌa ya ini paito va i.

San Lucas 19:20 Mawu Ofanana

San Mateo 25:24

Saa ndi̱xaa inka ra ndi̱kiꞌin iin talento, ta ndi̱kaꞌan ra xiꞌin xitoꞌo ra, káchi ra saa: “Tata, xíni vaꞌa i yóꞌo̱, ta ndaku ni ini un, chi ndíkaya un ñaꞌa nuu köo chíꞌi un, saa ndíkuiso un ñaꞌa nuu köo xáa chiñu un, káchi ra xiꞌin xitoꞌo ra.

San Lucas 19:13

Tá xa ku̱yati kee ra kuꞌun ra ta ka̱na ra uxi nda xáa chiñu xiꞌin ra. Ta̱xi ra iin xuꞌun nani mina ndaꞌa iin iin nda ta kuaꞌa ni ndáka ya. Ñaa ndi̱kaꞌan ra xiꞌin nda, káchi ra saa: “Ná ndoo xuꞌun yóꞌó xiꞌin ndo ikan ndo lucha xiꞌin ya, ná ndiko koo i saa ndikiꞌin i ya ndaꞌa ndo”, káchi ra xiꞌin nda.

San Lucas 19:19

Saa ndi̱kuiin ra rey ikán káꞌan ra: “Vaꞌa ni i̱kan un. Vaꞌa ni moso ku tu yóꞌó va. Saa tu yóꞌo̱ va taxi i chiñu ndaꞌa un kundiso chiñu un xiꞌin uꞌun ñuu”, káchi ra.

San Lucas 19:21

Chi ndi̱ndiꞌvi i xiꞌin ya ndañuꞌu ya saa chi ndee ni ini un. Síkee un ñaꞌa inka na ta ni köo ndi̱chiꞌi un xiꞌin na”, káchi ra moso ikán.

San Lucas 3:9

Ta ná kundaa ini ndo, chi Ndioxi ta xa íyo ndúvi ra xiꞌin yacha ya kaꞌnda ra nda tioꞌo itun köo kúun kuiꞌi vaꞌa ndaꞌa, ta kee nu koko nu nuu ñu̱ꞌu̱ ―káchi ra Juan xiꞌin na.

San Lucas 6:46

Ta saa ndi̱kaꞌan ka ra xiꞌin na, káchi ra saa: ―Ta ndóꞌo̱, ¿ndachu kua káꞌan ndo ku i ra chee, ra ndee nuu ndo, ta köo íkan ndo ya káꞌan i xiꞌin ndo?

San Juan 11:44

Saa ke̱ta ra ndi̱xiꞌi, núꞌni ndiꞌi ndaꞌa ra xiꞌin toto, ta saa tu xaꞌa va ra, ta súvi tuun toto nuu ra ke̱ta ra. Saa ndi̱kaꞌan Jesús xiꞌin na, káchi ra saa: ―Ndaxin ndo toto súvi ñaꞌa ta saña ndo ra kuꞌun ra ―káchi Jesús.

San Juan 20:7

Ta xi̱ni ra toto ya xi̱ndasi xiní Jesús, ndi̱suvi vaꞌa ya ikán índuꞌu ya inka ñaꞌñu, köo ítaꞌan ya xiꞌin toto ikán.

Santiago 4:17

Saa chi tá xíni ndo ya xíniñuꞌu ndo xaa súvi ndo chiñu vaꞌa, ta köo xáa súvi ndo ya, xaꞌa ya íkan ndo saa ta kuachi va kua nuu Ndioxi.