San Lucas 19:16 - Xochapa Mixteco

¹⁶ Saa ndi̱xaa ra núnu̱ú káꞌan ra, káchi ra saa: “Tata, uxi ka ku xuꞌun ndi̱niꞌi i siki xuꞌun ya ta̱xi un ndaꞌa i”, káchi ra xiꞌin ra.

San Lucas 19:16 Mawu Ofanana

San Lucas 19:13

Tá xa ku̱yati kee ra kuꞌun ra ta ka̱na ra uxi nda xáa chiñu xiꞌin ra. Ta̱xi ra iin xuꞌun nani mina ndaꞌa iin iin nda ta kuaꞌa ni ndáka ya. Ñaa ndi̱kaꞌan ra xiꞌin nda, káchi ra saa: “Ná ndoo xuꞌun yóꞌó xiꞌin ndo ikan ndo lucha xiꞌin ya, ná ndiko koo i saa ndikiꞌin i ya ndaꞌa ndo”, káchi ra xiꞌin nda.

San Lucas 19:15

ta saa ni ndi̱niꞌi ra chiñu kuu ra rey, ñaa ndi̱ko koo ra ñuu ra. Tá ndi̱ko koo ra ndi̱xaa ra, ta saa ti̱ꞌvi ra chiñu kuaꞌan nuu nda moso ra ya kuꞌun nda nuu ra. Tá ndi̱xaa nda nuu ra, saa ndi̱ndakan tuꞌun ra nda ndisaa xuꞌun iin nda ndi̱niꞌi nda sata xuꞌun ya si̱ndoo ra xiꞌin nda.

San Lucas 19:17

Saa ndi̱kuiin mií ra rey ikán káꞌan ra: “Vaꞌa ni i̱kan un. Vaꞌa ni moso ku un. Xaꞌa ya vaꞌa ni xa̱a chiñu un xiꞌin loꞌo ya ta̱xi i ndaꞌa un, ta vitin taxi i chiñu ndaꞌa un kundiso chiñu un xiꞌin uxi ñuu”, káchi ra xiꞌin ra.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.