San Lucas 19:13 - Xochapa Mixteco

¹³ Tá xa ku̱yati kee ra kuꞌun ra ta ka̱na ra uxi nda xáa chiñu xiꞌin ra. Ta̱xi ra iin xuꞌun nani mina ndaꞌa iin iin nda ta kuaꞌa ni ndáka ya. Ñaa ndi̱kaꞌan ra xiꞌin nda, káchi ra saa: “Ná ndoo xuꞌun yóꞌó xiꞌin ndo ikan ndo lucha xiꞌin ya, ná ndiko koo i saa ndikiꞌin i ya ndaꞌa ndo”, káchi ra xiꞌin nda.

San Lucas 19:13 Mawu Ofanana

San Mateo 25:16

Taa ra ndi̱kuiso uꞌun xuꞌun talento, ta xa̱a chiñu ra xiꞌin ya, saa ndi̱niꞌi ra inka tuku uꞌun siki ya.

San Mateo 25:20

Saa ndi̱xaa xiꞌna ra ndi̱kiꞌin uꞌun talento ndi̱kaꞌan ra xiꞌin xitoꞌo ra, káchi ra saa: “Tata, uꞌun ku xuꞌun talento ta̱xi un ndaꞌa i, ta xa̱a chiñu i xiꞌin ya ta ndi̱niꞌi ka i inka uꞌun siki ya”, káchi ra xiꞌin xitoꞌo ra.

San Mateo 25:22

Saa ndi̱xaa inka ra ndi̱kiꞌin uvi talento nuu xitoꞌo ra ta ndi̱kaꞌan ra xiꞌin ra, káchi ra saa: “Tata, uvi xuꞌun talento ta̱xi un ndaꞌa i, ta xa̱a chiñu i xiꞌin ya ta ndi̱niꞌi ka i uvi siki ya ka̱na xa̱a chiñu i xiꞌin ya”, káchi ra.

San Mateo 25:24

Saa ndi̱xaa inka ra ndi̱kiꞌin iin talento, ta ndi̱kaꞌan ra xiꞌin xitoꞌo ra, káchi ra saa: “Tata, xíni vaꞌa i yóꞌo̱, ta ndaku ni ini un, chi ndíkaya un ñaꞌa nuu köo chíꞌi un, saa ndíkuiso un ñaꞌa nuu köo xáa chiñu un, káchi ra xiꞌin xitoꞌo ra.

San Lucas 19:12

Ta saa xa̱á Jesús ndítuꞌun ra xiꞌin na káchi ra: ―Saa ndo̱ꞌo iin taa ra kúu mií chiñu ndee ni. Ke̱e ra kuaꞌan ra inka ñuu nuu taꞌnda xaꞌa ra niꞌi ra chiñu nduu ra rey, ta saa ndiko koo ra kaꞌnda chiñu ra nuu na ñuu ra.

San Lucas 19:14

Ta mií na ñuu ra ni köo kúni na xíni ñaꞌa na. Kúndasi nuu na xíni na ra. Ñaa tá ke̱e ra kuaꞌan ra ta ti̱ꞌvi na ñuu ra sava nda taa, ndi̱kundikun nda kuaꞌan nda sata ra kaꞌan nda xiꞌin mií ra rey ra kaꞌnda chiñu xaꞌa ra ya ná täxi ra chiñu ndaꞌa ra nduu ra rey. Saa chi köo kúni na xíni ñaꞌa na,

San Juan 12:26

Tá ndá ndóꞌo̱ kúni xaa chiñu nuu i, ta vaꞌa kundikun ndo yeꞌe. Chi nuu koo i ta ikán koo tu ndóꞌo̱ va xiꞌin i. Tá ndá ndo xáa chiñu nuu i, ta xaa kaꞌnu Iva i Ndioxi ndóꞌo̱ ―káchi Jesús xiꞌin na.

Gálatas 1:10

Xaꞌa ya ndi̱tuꞌun i xiꞌin ndo, ta ¿án ndíkani ini ndo ya kúni i ná kaꞌan vaꞌa naꞌa xaꞌa i kua, túvi ndo? ¿án ya kaꞌan vaꞌa Ndioxi xaꞌa i kua túvi ndo? Chi tá tu kúni i kindoo vaꞌa i nuu naꞌa, ta süvi ra xáa chiñu nuu Jesucristo vi kuu i, ndikuu.

Santiago 1:1

Yeꞌe Santiago, ra xáa chiñu nuu Ndioxi xiꞌin nuu Tata yo Jesucristo ku i táa tutu yóꞌó xaa ya ndaꞌa ndiꞌi uxi uvi saa iin iin tiꞌvi ndóꞌo̱ ñani yo, na Israel, na kúu ñuu Iva yo Ndioxi, na ndi̱xita niꞌnu ndóo ndiꞌi ni kúu xaꞌa ñuu ivi. Ta káꞌan ndioxi i xiꞌin ndo.

2 Pedro 1:1

Yeꞌe, Simón Pedro ra xáa chiñu nuu Tata yo Jesucristo ku i táa tutu ya tíꞌvi i xaa ndaꞌa ndóꞌo̱ ñani yo, na xa iin káchi luvi ni kándixa ra tá kuꞌva kándixa mií nde ra. Saa chi mií Tata yo Jesucristo ra síkaku yoo, ra kúu Iva yo Ndioxi ku iin taa ra ndee ni ndaa ini.