San Lucas 19:11 - Xochapa Mixteco

¹¹ Tá xíni soꞌo na káꞌan Jesús, ta saa ndi̱kaꞌan ra iin tuꞌun ndíchi xiꞌin na, saa chi xa kúyati ra xaa ra ñuu Jerusalén, ta xíka ini na: “Xa ti̱ndaa kivi kaꞌnda chiñu Ndioxi ñuu ivi yóꞌó”, káꞌán na.

San Lucas 19:11 Mawu Ofanana

San Lucas 17:20

Iin kivi ndi̱xaa nda fariseo nuu Jesús ndákan tuꞌun ñaꞌa nda, káchi nda saa: ―¿Maa tindaa kivi xáa Ndioxi kaꞌnda chiñu ra ñuu ivi yóꞌó? ―káchi nda. Saa ndi̱kuiin Jesús káꞌan ra: ―Tá ná xáa kaꞌnda chiñu Ndioxi ta küchiñu yo kuni túvi yo ya.

San Lucas 9:51

Ta xa kuaꞌan kúyati kivi ndiko koo Jesús kuꞌun ra nuu ndivi, ñaa chi̱kaa ini ra kuꞌun ra ñuu Jerusalén.

Los Hechos 1:6

Iin kivi tá ndi̱kitaꞌan ndiꞌi nda ndíkun Jesús ndóo nda, ta saa ndi̱ndakan tuꞌun ñaꞌa nda káchi nda saa: ―Tata, ¿án tiempo vitin kua xáa un kaꞌnda chiñu un nuu yo na Israel yóꞌó, ya nduu tuku yo iin ñuu ya xáꞌnda chiñu nuu mií? ―káchi nda xiꞌin ra.