San Lucas 19:10 - Xochapa Mixteco

¹⁰ Ta yeꞌe ku Taa ra xa̱a ñuu ivi yóꞌó ta vaxi i nduku i na nda̱ñuꞌu ya sikaku i na ―káchi Jesús.

San Lucas 19:10 Mawu Ofanana

San Mateo 1:21

Kaku seꞌe yá ta chinuu un kivi ra kunani ra JESÚS, saa chi ra ikán ku ra sikaku na ñuu ra xaꞌa kuachi na.

San Mateo 10:6

Ndisaa nuu na judío kuꞌun ndo, saa chi na yóꞌó ta nda tá íyo levo kiti nda̱ñuꞌu nuu xitoꞌo ri, saa íyo na.

San Mateo 15:24

Ñaa ndi̱kuiin Jesús, káchi ra saa: ―Ndisaa nuu na ñuu Israel ti̱ꞌvi Ndioxi yeꞌe vaxi i, saa chi na ikán ta tá íin levo kiti nda̱ñuꞌu, saa íin na ―káchi ra xiꞌin nda.

San Mateo 18:10

Saa ndi̱tuꞌun tuku ra iin tuꞌun ndíchi xiꞌin na sínaꞌa ra na, káchi ra saa: ―Koto ndo ndïkani ini ndo ya köo ndáa yaꞌvi na vali yóꞌó. Saa chi na tatun ndáa na vali yóꞌó, ta ndiꞌi saa kivi íyo na xiꞌin Iva i Ndioxi nuu ndivi.

San Mateo 18:11

Saa chi yeꞌe, Taa ra xa̱a ñuu ivi yóꞌó, ta xa̱a i ñuu ivi yóꞌó ya sikaku i na nda̱ñuꞌu.

San Lucas 15:32

Sundi vitin ná ikan yo viko, ná kusini yo saa chi ndi̱ko koo ñani un. Tá káa ra ndi̱xiꞌi saa ndi̱xiyo ra, ta ndi̱taku ra, nda̱ñuꞌu ra ta vitin nde̱ta ra xa̱a ra”, káchi iva ra xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 15:8

Saa xa̱á Jesús káꞌan tuku ra inka tuꞌun ndíchi xiꞌin na, káchi ra saa: ―Tá tu íyo iin yá ñaꞌa ta íyo uxi xuꞌun kàà nuu yá, ta saa ná sandañuꞌu yá iin taꞌan ya ná kachi yo, ¿án ndïkaꞌmi yá ñu̱ꞌu̱ ta xáa yá tiꞌvi yá veꞌe yá án sana keta ya xiꞌin taka kaꞌán yá?

San Juan 3:17

Chi köo ndi̱tiꞌvi Ndioxi Seꞌe ra vaxi ra ñuu ivi ya sitixuꞌvi ra na ñuu ivi, sundi ti̱ꞌvi ñaꞌa ra vaxi ra sikaku ra na.

ROMANOS 5:6

Kivi tá xi̱ndoꞌni yo ndaꞌa kuachi ta köo ndíkuchiñu yo saña yo mií yo ndaꞌa ya. Ni köo ndi̱kuchiñu yo sikaku yo mií yo, nda kivi tá chi̱tuni mií Ndioxi, saa kua ki̱xi Jesucristo ndi̱xiꞌi ra xaꞌa kuachi yo.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.